भारतीय रेल्वेच्या 'अमृत भारत स्टेशन योजने' अंतर्गत मध्य रेल्वेच्या भुसावळ विभागातील नांदुरा रेल्वे स्थानकाचा १०.६३ कोटी रुपये खर्चून सर्वांगीण कायापालट करण्यात आला आहे. अत्याधुनिक सुविधा, सुधारित प्रवासी सेवा आणि दिव्यांगांसाठी सुलभ व्यवस्था असलेले हे स्थानक लवकरच राष्ट्राला समर्पित केले जाणार आहे. या पुनर्विकासामुळे नांदुरा रेल्वे स्थानक उत्तर महाराष्ट्र आणि विदर्भातील आधुनिक स्थानकांच्या यादीत आपले स्थान मिळवणार आहे. हावडा–नागपूर–मुंबई या महत्त्वाच्या मुख्य रेल्वे मार्गावरील या स्थानकावर दररोज सुमारे ४ हजार ५४५ प्रवाशांची ये-जा असते आणि येथे २६ गाड्यांना थांबा आहे. बुलढाणा जिल्ह्याचे प्रवेशद्वार मानल्या जाणाऱ्या या स्थानकामुळे कृषी, उद्योग आणि व्यापार क्षेत्राला मोठी चालना मिळत आहे. या पुनर्विकास प्रकल्पांतर्गत स्थानकावर आधुनिक इमारत, प्रशस्त आरक्षण कार्यालय, चार आरक्षण कक्ष, वातानुकूलित प्रतीक्षालय, तसेच पुरुष, महिला व दिव्यांगांसाठी स्वतंत्र प्रसाधनगृहे उभारण्यात आली आहेत. यासोबतच नवीन प्रवेशद्वार, वाहनतळ, संरक्षक भिंत आणि परिसर सुधारणा करण्यात आली आहे. फलाटांवर नवीन छप्पर, आधुनिक प्रकाशयोजना, आकर्षक फलक, पिण्याच्या पाण्याची सोय, टिकाऊ आसनव्यवस्था आणि दृष्टीहीनांसाठी मार्गदर्शक पट्टे तयार करण्यात आले आहेत. दिव्यांग आणि ज्येष्ठ नागरिकांच्या सोयीसाठी कमी उंचीचे आरक्षण कक्ष, अडथळामुक्त प्रवेश, विशेष प्रसाधनगृहे, कमी उंचीवरील पिण्याच्या पाण्याची सोय आणि राखीव वाहनतळाची विशेष व्यवस्था करण्यात आली आहे. नांदुरा हे केवळ रेल्वे स्थानक नसून बुलढाणा जिल्ह्यातील एक महत्त्वाची कृषी बाजारपेठ देखील आहे. येथून गहू, सोयाबीन, कांदा आणि कापूस यांची देशभरात मोठ्या प्रमाणावर वाहतूक केली जाते. तसेच येथील तेल गिरण्या, डाळ प्रक्रिया उद्योग आणि प्रसिद्ध नांदुरा खव्याच्या व्यापाराला या स्थानकामुळे मोठा आधार मिळतो. सांस्कृतिक आणि धार्मिकदृष्ट्याही या क्षेत्राला मोठे महत्त्व असून येथील १०५ फूट उंच हनुमानाची भव्य मूर्ती, अंबादेवीगड, शनि महाराज मंदिर, खंडोबा मंदिर आणि निंबा देवी मंदिर ही प्रमुख आकर्षणे आहेत. या स्थानकावरून शेगाव, ज्ञानगंगा अभयारण्य आणि लोणार विवर सरोवर या पर्यटन स्थळांना सहज भेट देता येते. मध्य रेल्वेच्या भुसावळ विभागातील 'अमृत भारत स्टेशन योजने'अंतर्गत महाराष्ट्रातील १५ स्थानकांची निवड करण्यात आली आहे. यामध्ये सावदा, धुळे, देवळाली, मूर्तिजापूर आणि लासलगाव ही स्थानके यापूर्वीच राष्ट्राला समर्पित करण्यात आली असून, आता नांदुरा स्थानकही या यादीत दाखल होणार आहे. या प्रकल्पामुळे प्रवाशांचा प्रवास अधिक आरामदायी होण्यासोबतच स्थानिक व्यापार, पर्यटन आणि प्रादेशिक संपर्काला मोठी चालना मिळेल, असा विश्वास रेल्वे प्रशासनाने व्यक्त केला आहे.

Anil GUNJAL

नाशिक, नाशिक, महाराष्ट्र•

2 hrs ago

भारतीय रेल्वेच्या 'अमृत भारत स्टेशन योजने' अंतर्गत मध्य रेल्वेच्या भुसावळ विभागातील नांदुरा रेल्वे स्थानकाचा १०.६३ कोटी रुपये खर्चून सर्वांगीण कायापालट करण्यात आला आहे. अत्याधुनिक सुविधा, सुधारित प्रवासी सेवा आणि दिव्यांगांसाठी सुलभ व्यवस्था असलेले हे स्थानक लवकरच राष्ट्राला समर्पित केले जाणार आहे. या पुनर्विकासामुळे नांदुरा रेल्वे स्थानक उत्तर महाराष्ट्र आणि विदर्भातील आधुनिक स्थानकांच्या यादीत आपले स्थान मिळवणार आहे. हावडा–नागपूर–मुंबई या महत्त्वाच्या मुख्य रेल्वे मार्गावरील या स्थानकावर दररोज सुमारे ४ हजार ५४५ प्रवाशांची ये-जा असते आणि येथे २६ गाड्यांना थांबा आहे. बुलढाणा जिल्ह्याचे

प्रवेशद्वार मानल्या जाणाऱ्या या स्थानकामुळे कृषी, उद्योग आणि व्यापार क्षेत्राला मोठी चालना मिळत आहे. या पुनर्विकास प्रकल्पांतर्गत स्थानकावर आधुनिक इमारत, प्रशस्त आरक्षण कार्यालय, चार आरक्षण कक्ष, वातानुकूलित प्रतीक्षालय, तसेच पुरुष, महिला व दिव्यांगांसाठी स्वतंत्र प्रसाधनगृहे उभारण्यात आली आहेत. यासोबतच नवीन प्रवेशद्वार, वाहनतळ, संरक्षक भिंत आणि परिसर सुधारणा करण्यात आली आहे. फलाटांवर नवीन छप्पर, आधुनिक प्रकाशयोजना, आकर्षक फलक, पिण्याच्या पाण्याची सोय, टिकाऊ आसनव्यवस्था आणि दृष्टीहीनांसाठी मार्गदर्शक पट्टे तयार करण्यात आले आहेत. दिव्यांग आणि ज्येष्ठ नागरिकांच्या सोयीसाठी कमी उंचीचे आरक्षण कक्ष, अडथळामुक्त प्रवेश, विशेष

प्रसाधनगृहे, कमी उंचीवरील पिण्याच्या पाण्याची सोय आणि राखीव वाहनतळाची विशेष व्यवस्था करण्यात आली आहे. नांदुरा हे केवळ रेल्वे स्थानक नसून बुलढाणा जिल्ह्यातील एक महत्त्वाची कृषी बाजारपेठ देखील आहे. येथून गहू, सोयाबीन, कांदा आणि कापूस यांची देशभरात मोठ्या प्रमाणावर वाहतूक केली जाते. तसेच येथील तेल गिरण्या, डाळ प्रक्रिया उद्योग आणि प्रसिद्ध नांदुरा खव्याच्या व्यापाराला या स्थानकामुळे मोठा आधार मिळतो. सांस्कृतिक आणि धार्मिकदृष्ट्याही या क्षेत्राला मोठे महत्त्व असून येथील १०५ फूट उंच हनुमानाची भव्य मूर्ती, अंबादेवीगड, शनि महाराज मंदिर, खंडोबा मंदिर आणि निंबा देवी

मंदिर ही प्रमुख आकर्षणे आहेत. या स्थानकावरून शेगाव, ज्ञानगंगा अभयारण्य आणि लोणार विवर सरोवर या पर्यटन स्थळांना सहज भेट देता येते. मध्य रेल्वेच्या भुसावळ विभागातील 'अमृत भारत स्टेशन योजने'अंतर्गत महाराष्ट्रातील १५ स्थानकांची निवड करण्यात आली आहे. यामध्ये सावदा, धुळे, देवळाली, मूर्तिजापूर आणि लासलगाव ही स्थानके यापूर्वीच राष्ट्राला समर्पित करण्यात आली असून, आता नांदुरा स्थानकही या यादीत दाखल होणार आहे. या प्रकल्पामुळे प्रवाशांचा प्रवास अधिक आरामदायी होण्यासोबतच स्थानिक व्यापार, पर्यटन आणि प्रादेशिक संपर्काला मोठी चालना मिळेल, असा विश्वास रेल्वे प्रशासनाने व्यक्त केला आहे.