दारूच्या नशेत डायल ११२ वर खोटी माहिती देणाऱ्या इसमावर गुन्हा दाखल दारूचे सेवन करून डायल ११२ या आपत्कालीन सेवेवर खोटी माहिती देत पोलिसांची दिशाभूल करणाऱ्या एका इसमाविरुद्ध पुसद ग्रामीण पोलीस ठाण्यात गुन्हा दाखल करण्यात आला आहे.गजानन रामदास राठोड रा. बजरंगनगर, ता. पुसद असे गुन्हा दाखल झालेल्या ईसमाचे नाव आहे. या बाबत पोलीस सुत्रांकडून मिळालेल्या माहितीनुसार दिनांक ७ मार्च रोजी सायंकाळी सुमारे ५ वाजताच्या सुमारास भवानीनगर, बान्सी ता. पुसद येथील एका इसमाने मोबाईल क्रमांक ९९२१३३१७३२ वरून डायल ११२ वर वारंवार फोन करून भवानीनगर येथे भांडण सुरू आहे, तात्काळ या,” अशी माहिती दिली. घटनेचे गांभीर्य लक्षात घेऊन डायल ११२ पथकातील पोलीस अंमलदार हनुमान चव्हाण, पोहेकॉं संदेश पवार, पोउपनि विलास बहाद्दुरे हे शासकीय वाहनाने तातडीने घटनास्थळी पोहोचले. मात्र भवानीनगर येथे स्थानिक नागरिकांकडे चौकशी केली असता कोणतेही भांडण सुरू नसल्याचे समोर आले. दरम्यान संबंधित मोबाईल क्रमांकावर संपर्क साधला असता तो इसम कधी मोबाईल बंद करत होता तर कधी “मी बान्सीत आहे, पुसदला आहे,” असे सांगून पोलिसांची दिशाभूल करत होता. ग्रामस्थांच्या मदतीने शोध घेतला असता गावातील चौकात एक इसम “मी डायल ११२ वर फोन करून पोलिसांना कसे फिरवतो” असे सांगत असल्याचे आढळले. तो दारूच्या नशेत असल्याचेही निदर्शनास आले. पोलिसांनी त्यास ताब्यात घेऊन चौकशी केली असता त्याने आपले नाव गजानन रामदास राठोड रा. बजरंगनगर, ता. पुसद असे सांगितले. याप्रकरणी पोलीस अंमलदार हनुमान चव्हाण यांच्या तक्रारीवरून पुसद ग्रामीण पोलीस ठाण्यात कलम २१७ भा.न्या.सं. तसेच महाराष्ट्र दारूबंदी अधिनियम कलम ८५ (१) अन्वये गुन्हा नोंद करण्यात आला आहे. दरम्यान, डायल ११२ ही सेवा नागरिकांना तात्काळ पोलीस मदत मिळण्यासाठी शासनाने सुरू केली असून, या सेवेचा गैरवापर करू नये, अन्यथा संबंधितांवर कायदेशीर कारवाई करण्यात येईल, असे आवाहन पोलिसांकडून करण्यात आले आहे.

Taha Mirza

Teacher महागाव, यवतमाळ, महाराष्ट्र•

on 7 March

दारूच्या नशेत डायल ११२ वर खोटी माहिती देणाऱ्या इसमावर गुन्हा दाखल दारूचे सेवन करून डायल ११२ या आपत्कालीन सेवेवर खोटी माहिती देत पोलिसांची दिशाभूल करणाऱ्या एका इसमाविरुद्ध पुसद ग्रामीण पोलीस ठाण्यात गुन्हा दाखल करण्यात आला आहे.गजानन रामदास राठोड रा. बजरंगनगर, ता. पुसद असे गुन्हा दाखल झालेल्या ईसमाचे नाव आहे. या बाबत पोलीस सुत्रांकडून मिळालेल्या माहितीनुसार दिनांक ७ मार्च रोजी सायंकाळी सुमारे ५ वाजताच्या सुमारास भवानीनगर, बान्सी ता. पुसद येथील एका इसमाने मोबाईल क्रमांक ९९२१३३१७३२ वरून डायल ११२ वर वारंवार फोन करून भवानीनगर येथे भांडण सुरू आहे, तात्काळ या,” अशी माहिती दिली. घटनेचे गांभीर्य लक्षात घेऊन डायल ११२ पथकातील पोलीस अंमलदार हनुमान चव्हाण, पोहेकॉं संदेश पवार, पोउपनि विलास बहाद्दुरे हे शासकीय वाहनाने तातडीने घटनास्थळी पोहोचले. मात्र भवानीनगर येथे स्थानिक नागरिकांकडे चौकशी केली असता कोणतेही भांडण सुरू नसल्याचे समोर आले. दरम्यान संबंधित

मोबाईल क्रमांकावर संपर्क साधला असता तो इसम कधी मोबाईल बंद करत होता तर कधी “मी बान्सीत आहे, पुसदला आहे,” असे सांगून पोलिसांची दिशाभूल करत होता. ग्रामस्थांच्या मदतीने शोध घेतला असता गावातील चौकात एक इसम “मी डायल ११२ वर फोन करून पोलिसांना कसे फिरवतो” असे सांगत असल्याचे आढळले. तो दारूच्या नशेत असल्याचेही निदर्शनास आले. पोलिसांनी त्यास ताब्यात घेऊन चौकशी केली असता त्याने आपले नाव गजानन रामदास राठोड रा. बजरंगनगर, ता. पुसद असे सांगितले. याप्रकरणी पोलीस अंमलदार हनुमान चव्हाण यांच्या तक्रारीवरून पुसद ग्रामीण पोलीस ठाण्यात कलम २१७ भा.न्या.सं. तसेच महाराष्ट्र दारूबंदी अधिनियम कलम ८५ (१) अन्वये गुन्हा नोंद करण्यात आला आहे. दरम्यान, डायल ११२ ही सेवा नागरिकांना तात्काळ पोलीस मदत मिळण्यासाठी शासनाने सुरू केली असून, या सेवेचा गैरवापर करू नये, अन्यथा संबंधितांवर कायदेशीर कारवाई करण्यात येईल, असे आवाहन पोलिसांकडून करण्यात आले आहे.