గజ్వేల్‌కు చెందిన బీఆర్ఎస్ పార్టీ నాయకుడు ఎన్.సి. సంతోష్ కుమార్ గుప్తా, ప్రభుత్వ విప్ దయాకర్‌పై తీవ్ర ఆగ్రహం వ్యక్తం చేశారు. గాంధీ భవన్‌లో బీఆర్ఎస్ పార్టీ నాయకుడు, మాజీ మంత్రి హరీష్ రావుపై దయాకర్ చేసిన అసభ్యకర వ్యాఖ్యలను ఆయన తీవ్రంగా ఖండించారు. బాధ్యతాయుతమైన పదవిలో ఉంటూ క్రమశిక్షణను విస్మరించి మాట్లాడిన దయాకర్‌ను వెంటనే ప్రభుత్వ విప్ పదవి నుండి బర్తరఫ్ చేయాలని సంతోష్ కుమార్ గుప్తా డిమాండ్ చేశారు. హరీష్ రావు నిబద్ధత ప్రజలందరికీ తెలుసని, దయాకర్ తన స్థాయి మర్చిపోయి మాట్లాడుతున్నారని మండిపడ్డారు. ఈ సందర్భంగా కాంగ్రెస్ ప్రభుత్వంపై సంతోష్ కుమార్ గుప్తా తీవ్ర విమర్శలు గుప్పించారు. ముఖ్యమంత్రి రేవంత్ రెడ్డి బాధ్యతలు చేపట్టినప్పటి నుండి రాష్ట్రంలో రాజకీయ సంస్కృతి పూర్తిగా దిగజారిపోయిందని ఆరోపించారు. రేవంత్ రెడ్డి అసభ్యకర మాటల తిట్ల దండకంలో గురువుగా మారితే, దయాకర్ లాంటి కాంగ్రెస్ నాయకులు ఆయనకు శిష్యులుగా తయారవుతున్నారని దుయ్యబట్టారు. చేతనైతే ముఖ్యమంత్రి రేవంత్ రెడ్డి నోటి నుండి అసభ్యకరమైన మాటలు రాకుండా, కనీసం ఒక నెల రోజుల పాటు ప్రశాంతంగా, పద్ధతిగా పరిపాలన సాగించేలా ఆయనపై క్రమశిక్షణా చర్యలు తీసుకోవాలని హితవు పలికారు. ఇటువంటి దిగజారిన రాజకీయాలు, అసభ్యకర భాషా సంస్కృతి వల్ల దేశ, ప్రపంచ వ్యాప్తంగా తెలంగాణ రాష్ట్ర ప్రతిష్ట దెబ్బతింటోందని ఆవేదన వ్యక్తం చేశారు. ప్రజలందరూ కాంగ్రెస్ నాయకుల తీరును గమనిస్తున్నారని, రాబోయే రోజుల్లో అహంకార పూరిత, అసభ్యకర రాజకీయాలు చేస్తున్న కాంగ్రెస్ నాయకులకు ప్రజలే తగిన బుద్ధి చెబుతారని హెచ్చరించారు. తెలంగాణ సంస్కృతి, సంప్రదాయాలను కాపాడాల్సిన ప్రజాప్రతినిధులే ఇలా ప్రవర్తించడం సిగ్గుచేటని, ఇప్పటికైనా కాంగ్రెస్ పార్టీ తన నాయకుల ప్రవర్తనను మార్చుకోకపోతే తీవ్ర పరిణామాలు ఎదుర్కోవాల్సి వస్తుందని స్పష్టం చేశారు.

KHADEER REPORTER

Journalist జగదేవ్‌పూర్, సిద్దిపేట, తెలంగాణ•

1 hr ago

గజ్వేల్‌కు చెందిన బీఆర్ఎస్ పార్టీ నాయకుడు ఎన్.సి. సంతోష్ కుమార్ గుప్తా, ప్రభుత్వ విప్ దయాకర్‌పై తీవ్ర ఆగ్రహం వ్యక్తం చేశారు. గాంధీ భవన్‌లో బీఆర్ఎస్ పార్టీ నాయకుడు, మాజీ మంత్రి హరీష్ రావుపై దయాకర్ చేసిన అసభ్యకర వ్యాఖ్యలను ఆయన తీవ్రంగా ఖండించారు. బాధ్యతాయుతమైన పదవిలో ఉంటూ క్రమశిక్షణను విస్మరించి మాట్లాడిన దయాకర్‌ను వెంటనే ప్రభుత్వ విప్ పదవి నుండి బర్తరఫ్ చేయాలని సంతోష్ కుమార్ గుప్తా డిమాండ్ చేశారు. హరీష్ రావు నిబద్ధత ప్రజలందరికీ తెలుసని, దయాకర్ తన స్థాయి మర్చిపోయి మాట్లాడుతున్నారని మండిపడ్డారు. ఈ సందర్భంగా కాంగ్రెస్ ప్రభుత్వంపై సంతోష్ కుమార్ గుప్తా తీవ్ర విమర్శలు గుప్పించారు. ముఖ్యమంత్రి రేవంత్ రెడ్డి బాధ్యతలు చేపట్టినప్పటి నుండి రాష్ట్రంలో రాజకీయ సంస్కృతి పూర్తిగా దిగజారిపోయిందని ఆరోపించారు. రేవంత్ రెడ్డి అసభ్యకర మాటల తిట్ల దండకంలో గురువుగా మారితే, దయాకర్ లాంటి కాంగ్రెస్ నాయకులు ఆయనకు శిష్యులుగా తయారవుతున్నారని దుయ్యబట్టారు. చేతనైతే ముఖ్యమంత్రి రేవంత్ రెడ్డి నోటి నుండి అసభ్యకరమైన మాటలు రాకుండా, కనీసం ఒక నెల రోజుల పాటు ప్రశాంతంగా, పద్ధతిగా పరిపాలన సాగించేలా ఆయనపై క్రమశిక్షణా చర్యలు తీసుకోవాలని హితవు పలికారు. ఇటువంటి దిగజారిన రాజకీయాలు, అసభ్యకర భాషా సంస్కృతి వల్ల దేశ, ప్రపంచ వ్యాప్తంగా తెలంగాణ రాష్ట్ర ప్రతిష్ట దెబ్బతింటోందని ఆవేదన వ్యక్తం చేశారు. ప్రజలందరూ కాంగ్రెస్ నాయకుల తీరును గమనిస్తున్నారని, రాబోయే రోజుల్లో అహంకార పూరిత, అసభ్యకర రాజకీయాలు చేస్తున్న కాంగ్రెస్ నాయకులకు ప్రజలే తగిన బుద్ధి చెబుతారని హెచ్చరించారు. తెలంగాణ సంస్కృతి, సంప్రదాయాలను కాపాడాల్సిన ప్రజాప్రతినిధులే ఇలా ప్రవర్తించడం సిగ్గుచేటని, ఇప్పటికైనా కాంగ్రెస్ పార్టీ తన నాయకుల ప్రవర్తనను మార్చుకోకపోతే తీవ్ర పరిణామాలు ఎదుర్కోవాల్సి వస్తుందని స్పష్టం చేశారు.