ବାଲେଶ୍ୱର ଜିଲ୍ଲାର ଭୋଗରାଇ ବ୍ଲକର ନିମାତପୁର ପଞ୍ଚାୟତ ଅନ୍ତର୍ଗତ ନିମାତପୁର ଗ୍ରାମରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି, ଯେଉଁଠାରେ ଦୁଇ ନାବାଳକ ସେମାନଙ୍କ ବାପା-ମା'ଙ୍କୁ ହରାଇ ସମ୍ପୂର୍ଣ୍ଣ ଅସହାୟ ହୋଇପଡ଼ିଛନ୍ତି। ପ୍ରାୟ ୧୧ ମାସ ପୂର୍ବେ ସାପ କାମୁଡ଼ାରେ ମା' ସୁମିତ୍ରା ଜେନା (୨୮)ଙ୍କ ମୃତ୍ୟୁ ହୋଇଥିବା ବେଳେ, ଗତ ୨୪ ତାରିଖରେ ଯକୃତ ରୋଗରେ ପୀଡ଼ିତ ବାପା ସୁକୁମାର ଜେନା ଓରଫ ବନମାଳୀ (୩୬) କଟକରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି। ବାପା-ମା'ଙ୍କୁ ହରାଇ ୧୪ ବର୍ଷର ଶୁଭଙ୍କର ଜେନା, ଯିଏ ତାରାପୁର ଉଚ୍ଚ ବିଦ୍ୟାଳୟରେ ନବମ ଶ୍ରେଣୀରେ ପଢ଼ୁଛନ୍ତି, ଏବଂ ୮ ବର୍ଷର ରତ୍ନାକର ଜେନା, ଯିଏ ତୃତୀୟ ଶ୍ରେଣୀରେ ପଢ଼ୁଛନ୍ତି, ସମ୍ପୂର୍ଣ୍ଣ ଏକା ହୋଇଯାଇଛନ୍ତି। ବଡ଼ ପୁଅ ଶୁଭଙ୍କର ପୋଲିସ୍ ହେବାର ସ୍ୱପ୍ନ ଦେଖୁଥିବା ବେଳେ, ସାନ ପୁଅ ରତ୍ନାକର ପରିସ୍ଥିତିକୁ ବୁଝି ନ ପାରି କେବଳ ଚାହିଁ ରହିଛି। ସେମାନଙ୍କର ଏକମାତ୍ର ସମ୍ପତ୍ତି କହିଲେ ମାତ୍ର ୨ ଡେସିମିଲ ଘରଡିହ, ଯେଉଁଥିରେ ସେମାନେ ଏକ ପଲିଥିନ୍ ଘରେ କଷ୍ଟେମଷ୍ଟେ ରହୁଛନ୍ତି। ବୃଦ୍ଧ ଜେଜେବାପା ଶ୍ୟାମସୁନ୍ଦର ଜେନା (୮୫) ଏବଂ ଜେଜେମା' ସରସ୍ୱତୀ (୭୪) ନିଜ ନାତିମାନଙ୍କର ପାଠପଢ଼ା ଏବଂ ଭବିଷ୍ୟତକୁ ନେଇ ଗଭୀର ଚିନ୍ତାରେ ଅଛନ୍ତି। ଦିନ ମଜୁରିଆ ଭାବେ ବାପା ଯାହା ରୋଜଗାର କରୁଥିଲେ, ସେଥିରେ ପରିବାର ଚଳୁଥିଲା, କିନ୍ତୁ ତାଙ୍କ ଚିକିତ୍ସାରେ ସମସ୍ତ ସଞ୍ଚୟ ଶେଷ ହେବା ସହ ପରିବାର ପଡ଼ୋଶୀଙ୍କ ଠାରୁ ଋଣ କରିଛି। ବର୍ତ୍ତମାନ ପିଲାମାନେ ବାପାଙ୍କ ଶୁଦ୍ଧିକ୍ରିୟା କିପରି କରିବେ, ତାହା ମଧ୍ୟ ସେମାନଙ୍କ ପାଇଁ ଏକ ବଡ଼ ଚିନ୍ତାର ବିଷୟ ପାଲଟିଛି। ଜଳେଶ୍ୱର ବ୍ଲକର ଶାଳୀକୋଠା ଗ୍ରାମର ସେମାନଙ୍କ ଅଜା ଅଜୟ ଜେନା ମଧ୍ୟ ନାତିମାନଙ୍କ ଭବିଷ୍ୟତକୁ ନେଇ ବ୍ୟସ୍ତ ହେଉଛନ୍ତି। ଏହି ଅସହାୟ ପରିସ୍ଥିତିକୁ ଦେଖି ପଞ୍ଚାୟତର ପୂର୍ବତନ ସମିତି ସଦସ୍ୟ ବିରେନ୍ଦ୍ର ଜେନା, ଭୋଗରାଇ ବିଧାୟକ ଗୌତମବୁଦ୍ଧ ଦାସଙ୍କୁ ଅବଗତ କରାଇଥିଲେ। ବିଧାୟକ ଶନିବାର ଜିଲ୍ଲାପାଳଙ୍କୁ ଭେଟି ରେଡକ୍ରସ ପାଣ୍ଠିରୁ ଆର୍ଥିକ ସହାୟତା ଏବଂ ସେମାନଙ୍କୁ ଥଇଥାନ କରିବାକୁ ଅନୁରୋଧ କରିଛନ୍ତି। ଏହାସହ ପଡ଼ୋଶୀ ତଥା ଯାତ୍ରା ଜଗତର ଖଳନାୟକ ହରେନ୍ଦ୍ର ଜେନା (କୁନା) ମଧ୍ୟ ସମବେଦନା ଜଣାଇ କଳାକାରମାନଙ୍କ ଠାରୁ କିଛି ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି। ଗ୍ରାମବାସୀମାନେ ବଦାନ୍ୟ ବ୍ୟକ୍ତି ତଥା ସରକାରଙ୍କୁ ଏହି ଦୁଇ ନାବାଳକଙ୍କ ଭବିଷ୍ୟତ ଚିନ୍ତା କରିବାକୁ ନିବେଦନ କରିଛନ୍ତି।

ଶିଶିର କୁମାର ପ୍ରଧାନ

ଭୋଗରାଇ, ବାଲେଶ୍ୱର, ଓଡ଼ିଶା•

18 hrs ago

ବାଲେଶ୍ୱର ଜିଲ୍ଲାର ଭୋଗରାଇ ବ୍ଲକର ନିମାତପୁର ପଞ୍ଚାୟତ ଅନ୍ତର୍ଗତ ନିମାତପୁର ଗ୍ରାମରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି, ଯେଉଁଠାରେ ଦୁଇ ନାବାଳକ ସେମାନଙ୍କ ବାପା-ମା'ଙ୍କୁ ହରାଇ ସମ୍ପୂର୍ଣ୍ଣ ଅସହାୟ ହୋଇପଡ଼ିଛନ୍ତି। ପ୍ରାୟ ୧୧ ମାସ ପୂର୍ବେ ସାପ କାମୁଡ଼ାରେ ମା' ସୁମିତ୍ରା ଜେନା (୨୮)ଙ୍କ ମୃତ୍ୟୁ ହୋଇଥିବା ବେଳେ, ଗତ ୨୪ ତାରିଖରେ ଯକୃତ ରୋଗରେ ପୀଡ଼ିତ ବାପା ସୁକୁମାର ଜେନା ଓରଫ ବନମାଳୀ (୩୬) କଟକରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି। ବାପା-ମା'ଙ୍କୁ ହରାଇ ୧୪ ବର୍ଷର ଶୁଭଙ୍କର ଜେନା, ଯିଏ ତାରାପୁର ଉଚ୍ଚ ବିଦ୍ୟାଳୟରେ ନବମ ଶ୍ରେଣୀରେ ପଢ଼ୁଛନ୍ତି, ଏବଂ ୮ ବର୍ଷର ରତ୍ନାକର ଜେନା, ଯିଏ ତୃତୀୟ ଶ୍ରେଣୀରେ ପଢ଼ୁଛନ୍ତି, ସମ୍ପୂର୍ଣ୍ଣ ଏକା ହୋଇଯାଇଛନ୍ତି। ବଡ଼ ପୁଅ

ଶୁଭଙ୍କର ପୋଲିସ୍ ହେବାର ସ୍ୱପ୍ନ ଦେଖୁଥିବା ବେଳେ, ସାନ ପୁଅ ରତ୍ନାକର ପରିସ୍ଥିତିକୁ ବୁଝି ନ ପାରି କେବଳ ଚାହିଁ ରହିଛି। ସେମାନଙ୍କର ଏକମାତ୍ର ସମ୍ପତ୍ତି କହିଲେ ମାତ୍ର ୨ ଡେସିମିଲ ଘରଡିହ, ଯେଉଁଥିରେ ସେମାନେ ଏକ ପଲିଥିନ୍ ଘରେ କଷ୍ଟେମଷ୍ଟେ ରହୁଛନ୍ତି। ବୃଦ୍ଧ ଜେଜେବାପା ଶ୍ୟାମସୁନ୍ଦର ଜେନା (୮୫) ଏବଂ ଜେଜେମା' ସରସ୍ୱତୀ (୭୪) ନିଜ ନାତିମାନଙ୍କର ପାଠପଢ଼ା ଏବଂ ଭବିଷ୍ୟତକୁ ନେଇ ଗଭୀର ଚିନ୍ତାରେ ଅଛନ୍ତି। ଦିନ ମଜୁରିଆ ଭାବେ ବାପା ଯାହା ରୋଜଗାର କରୁଥିଲେ, ସେଥିରେ ପରିବାର ଚଳୁଥିଲା, କିନ୍ତୁ ତାଙ୍କ ଚିକିତ୍ସାରେ ସମସ୍ତ ସଞ୍ଚୟ ଶେଷ ହେବା ସହ ପରିବାର ପଡ଼ୋଶୀଙ୍କ ଠାରୁ ଋଣ କରିଛି। ବର୍ତ୍ତମାନ ପିଲାମାନେ ବାପାଙ୍କ ଶୁଦ୍ଧିକ୍ରିୟା କିପରି କରିବେ, ତାହା ମଧ୍ୟ ସେମାନଙ୍କ ପାଇଁ

ଏକ ବଡ଼ ଚିନ୍ତାର ବିଷୟ ପାଲଟିଛି। ଜଳେଶ୍ୱର ବ୍ଲକର ଶାଳୀକୋଠା ଗ୍ରାମର ସେମାନଙ୍କ ଅଜା ଅଜୟ ଜେନା ମଧ୍ୟ ନାତିମାନଙ୍କ ଭବିଷ୍ୟତକୁ ନେଇ ବ୍ୟସ୍ତ ହେଉଛନ୍ତି। ଏହି ଅସହାୟ ପରିସ୍ଥିତିକୁ ଦେଖି ପଞ୍ଚାୟତର ପୂର୍ବତନ ସମିତି ସଦସ୍ୟ ବିରେନ୍ଦ୍ର ଜେନା, ଭୋଗରାଇ ବିଧାୟକ ଗୌତମବୁଦ୍ଧ ଦାସଙ୍କୁ ଅବଗତ କରାଇଥିଲେ। ବିଧାୟକ ଶନିବାର ଜିଲ୍ଲାପାଳଙ୍କୁ ଭେଟି ରେଡକ୍ରସ ପାଣ୍ଠିରୁ ଆର୍ଥିକ ସହାୟତା ଏବଂ ସେମାନଙ୍କୁ ଥଇଥାନ କରିବାକୁ ଅନୁରୋଧ କରିଛନ୍ତି। ଏହାସହ ପଡ଼ୋଶୀ ତଥା ଯାତ୍ରା ଜଗତର ଖଳନାୟକ ହରେନ୍ଦ୍ର ଜେନା (କୁନା) ମଧ୍ୟ ସମବେଦନା ଜଣାଇ କଳାକାରମାନଙ୍କ ଠାରୁ କିଛି ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି। ଗ୍ରାମବାସୀମାନେ ବଦାନ୍ୟ ବ୍ୟକ୍ତି ତଥା ସରକାରଙ୍କୁ ଏହି ଦୁଇ ନାବାଳକଙ୍କ ଭବିଷ୍ୟତ ଚିନ୍ତା କରିବାକୁ ନିବେଦନ କରିଛନ୍ତି।