घोसरी परिसरात विजेचा लपंडाव; महावितरणच्या ढिसाळ कारभाराने नागरिक हैराण, आमदारांच्या आदेशालाही केराची टोपली घोसरी परिसरात विजेचा लपंडाव; महावितरणच्या ढिसाळ कारभाराने नागरिक हैराण, आमदारांच्या आदेशालाही केराची टोपली जीवनदास गेडाम, विशेष प्रतिनिधी, पोंभूर्णा घोसरी : चंद्रपूर जिल्ह्यातील पोंभूर्णा तालुक्यातील घोसरी, लालहेटी, फुटाणा आणि चेकफुटाणा या चारही गावांमध्ये गेल्या वर्षभरापासून वीज पुरवठ्याचा गंभीर प्रश्न निर्माण झाला आहे. वारंवार होणाऱ्या अघोषित वीज खंडिततेमुळे आणि रात्रभर वीज गायब राहत असल्याने नागरिकांचे जनजीवन विस्कळीत झाले असून महावितरणच्या अत्यंत ढिसाळ आणि बेजबाबदार कार्यप्रणालीविरोधात परिसरात तीव्र संताप व्यक्त होत आहे. सध्या पावसाळ्याचे दिवस असून शेतीच्या कामांसाठी, पिकांच्या सिंचनासाठी आणि विद्यार्थ्यांच्या शिक्षणासाठी वीज ही अत्यंत गरजेची आहे. मात्र, दिवसातून अनेक वेळा वीज जाणे आणि रात्रीच्या वेळी तासनतास वीजपुरवठा खंडित राहणे हे नित्याचेच झाले आहे. तक्रार करण्यासाठी महावितरणच्या कर्मचाऱ्यांना फोन केल्यास केवळ आश्वासन देऊन बोळवण केली जाते, असा आरोप ग्रामस्थांनी केला आहे. आमदार सुधीर मुनगंटीवार यांच्या आदेशाचीही पायमल्ली या गंभीर समस्येची दखल घेत माजी मंत्री तथा आमदार सुधीर मुनगंटीवार यांनी नुकतीच संबंधित अधिकाऱ्यांची तातडीची बैठक घेतली होती. या बैठकीत त्यांनी या चारही गावांचा वीजपुरवठा पूर्वीप्रमाणेच सुरळीत असलेल्या 'बेंबाळ वाहिनी' वरून तात्काळ जोडण्याचे स्पष्ट आणि ठोस आदेश महावितरणच्या कार्यकारी अभियंत्यांना दिले होते. मात्र, धक्कादायक बाब म्हणजे आदेश देऊन एक महिना उलटूनही महावितरणच्या अधिकाऱ्यांनी या आदेशाची अंमलबजावणी केलेली नाही. लोकप्रतिनिधीच्या आदेशाकडेही अधिकारी जाणीवपूर्वक दुर्लक्ष करत असल्याचे यातून स्पष्ट होत आहे. लाईनमन मुख्यालयाला दांडी मारून तालुक्यातून काम पाहतो - ग्रामस्थांचा आरोप या परिसरासाठी नियुक्त असलेला संबंधित लाईनमन हा घोसरी मुख्यालयात न राहता वरिष्ठांच्या आशीर्वादाने तालुका स्तरावरूनच काम पाहत असल्याचा गंभीर आरोप ग्रामस्थांनी केला आहे. ऐनवेळी वीज बिघाड झाल्यास किंवा तक्रार नोंदवायची झाल्यास हा कर्मचारी जागेवर उपलब्धच नसतो. त्यामुळे रात्री-अपरात्री नागरिकांना अंधारातच राहावे लागते. सध्या शाळा-कॉलेज सुरु असून विद्यार्थ्यांच्या अभ्यासावर याचा विपरीत परिणाम होत आहे. तर दुसरीकडे शेतकरी वर्ग सिंचनाअभावी हवालदिल झाला आहे. त्यामुळे या बेजबाबदार लाईनमनची तात्काळ बदली करून दुसरा कर्तव्यदक्ष कर्मचारी नेमावा आणि आमदारांनी दिलेल्या आदेशानुसार तात्काळ 'बेंबाळ वाहिनी'वरून वीज जोडणी करून परिसराचा वीजपुरवठा सुरळीत करावा, अशी जोरदार मागणी घोसरी, लालहेटी, फुटाणा आणि चेकफुटाणा येथील ग्रामस्थांकडून होत आहे. अन्यथा तीव्र आंदोलन छेडण्याचा इशाराही ग्रामस्थांनी दिला आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

1 day ago

घोसरी परिसरात विजेचा लपंडाव; महावितरणच्या ढिसाळ कारभाराने नागरिक हैराण, आमदारांच्या आदेशालाही केराची टोपली घोसरी परिसरात विजेचा लपंडाव; महावितरणच्या ढिसाळ कारभाराने नागरिक हैराण, आमदारांच्या आदेशालाही केराची टोपली जीवनदास गेडाम, विशेष प्रतिनिधी, पोंभूर्णा घोसरी : चंद्रपूर जिल्ह्यातील पोंभूर्णा तालुक्यातील घोसरी, लालहेटी, फुटाणा आणि चेकफुटाणा या चारही गावांमध्ये गेल्या वर्षभरापासून वीज पुरवठ्याचा गंभीर प्रश्न निर्माण झाला आहे. वारंवार होणाऱ्या अघोषित वीज खंडिततेमुळे आणि रात्रभर वीज गायब राहत असल्याने नागरिकांचे जनजीवन विस्कळीत झाले असून महावितरणच्या अत्यंत ढिसाळ आणि बेजबाबदार कार्यप्रणालीविरोधात परिसरात तीव्र संताप व्यक्त होत आहे. सध्या पावसाळ्याचे दिवस असून शेतीच्या कामांसाठी, पिकांच्या सिंचनासाठी आणि विद्यार्थ्यांच्या शिक्षणासाठी वीज ही अत्यंत गरजेची आहे. मात्र, दिवसातून अनेक वेळा वीज जाणे आणि रात्रीच्या वेळी तासनतास वीजपुरवठा खंडित राहणे हे नित्याचेच झाले आहे. तक्रार करण्यासाठी महावितरणच्या कर्मचाऱ्यांना फोन केल्यास केवळ आश्वासन देऊन बोळवण केली जाते, असा आरोप ग्रामस्थांनी केला आहे. आमदार सुधीर मुनगंटीवार यांच्या आदेशाचीही पायमल्ली या गंभीर समस्येची दखल घेत माजी मंत्री तथा आमदार सुधीर मुनगंटीवार यांनी नुकतीच संबंधित अधिकाऱ्यांची तातडीची बैठक घेतली होती. या बैठकीत त्यांनी या चारही गावांचा वीजपुरवठा पूर्वीप्रमाणेच सुरळीत असलेल्या 'बेंबाळ वाहिनी' वरून तात्काळ जोडण्याचे स्पष्ट आणि ठोस आदेश महावितरणच्या कार्यकारी अभियंत्यांना दिले होते. मात्र, धक्कादायक बाब म्हणजे आदेश देऊन एक महिना उलटूनही महावितरणच्या अधिकाऱ्यांनी या आदेशाची अंमलबजावणी केलेली नाही. लोकप्रतिनिधीच्या आदेशाकडेही अधिकारी जाणीवपूर्वक दुर्लक्ष करत असल्याचे यातून स्पष्ट होत आहे. लाईनमन मुख्यालयाला दांडी मारून तालुक्यातून काम पाहतो - ग्रामस्थांचा आरोप या परिसरासाठी नियुक्त असलेला संबंधित लाईनमन हा घोसरी मुख्यालयात न राहता वरिष्ठांच्या आशीर्वादाने तालुका स्तरावरूनच काम पाहत असल्याचा गंभीर आरोप ग्रामस्थांनी केला आहे. ऐनवेळी वीज बिघाड झाल्यास किंवा तक्रार नोंदवायची झाल्यास हा कर्मचारी जागेवर उपलब्धच नसतो. त्यामुळे रात्री-अपरात्री नागरिकांना अंधारातच राहावे लागते. सध्या शाळा-कॉलेज सुरु असून विद्यार्थ्यांच्या अभ्यासावर याचा विपरीत परिणाम होत आहे. तर दुसरीकडे शेतकरी वर्ग सिंचनाअभावी हवालदिल झाला आहे. त्यामुळे या बेजबाबदार लाईनमनची तात्काळ बदली करून दुसरा कर्तव्यदक्ष कर्मचारी नेमावा आणि आमदारांनी दिलेल्या आदेशानुसार तात्काळ 'बेंबाळ वाहिनी'वरून वीज जोडणी करून परिसराचा वीजपुरवठा सुरळीत करावा, अशी जोरदार मागणी घोसरी, लालहेटी, फुटाणा आणि चेकफुटाणा येथील ग्रामस्थांकडून होत आहे. अन्यथा तीव्र आंदोलन छेडण्याचा इशाराही ग्रामस्थांनी दिला आहे.