पुणे जिल्ह्यातील हवेली तालुक्यातील वाडेगाव येथे महावितरणच्या कथित हलगर्जीपणामुळे एक मोठा अपघात घडल्याची घटना समोर आली आहे. गावातील इंगळे मळा परिसरात तुटलेल्या विजेच्या तारेच्या संपर्कात आल्याने एका शेळीचा मृत्यू झाला, तर तिला वाचवण्यासाठी गेलेला १६ वर्षीय मुलगा थोडक्यात बचावला. या घटनेमुळे परिसरात तीव्र संतापाचे वातावरण निर्माण झाले आहे. शेतकरी जालिंदर इंगळे यांची शेळी रविवारी सकाळी विजेचा धक्का लागून जागीच मृत्युमुखी पडली. या शेळीला वाचवण्यासाठी गेलेल्या त्यांचा १६ वर्षीय मुलगा ऋषिकेश इंगळे यालाही विजेचा धक्का बसला, मात्र त्याने प्रसंगावधान राखल्याने मोठी दुर्घटना टळली. स्थानिक शेतकऱ्यांच्या आरोपानुसार, ही विजेची तार गेल्या वर्षभरापासून तुटलेल्या अवस्थेत खाली लोंबत होती. याबाबत अनेकदा संबंधित वायरमनला माहिती देऊनही दुरुस्ती करण्यात आली नाही. काही महिन्यांपूर्वी रोहित्र जळाल्यानंतरही ही तुटलेली तार दाखवून देण्यात आली होती, तरीही कोणतीही कारवाई झाली नसल्याचा आरोप शेतकऱ्यांनी केला आहे. पंचायत समिती सदस्य कुशल नाना सातव यांनी घटनास्थळी पाहणी केली असून, त्यांनी यापूर्वी १२ मे रोजी महावितरणकडे तुटलेल्या तारा, रोहित्र आणि फ्युज बॉक्सच्या तातडीच्या दुरुस्तीची लेखी मागणी केली होती. त्यांच्या मते, महावितरणच्या दुर्लक्षामुळेच हा अपघात घडला. या घटनेनंतर संतप्त शेतकऱ्यांनी महावितरणच्या संबंधित अधिकाऱ्यांवर आणि वायरमनवर तात्काळ कारवाई करण्याची मागणी केली आहे. तसेच, बाधित शेतकऱ्यांना नुकसानभरपाई देण्याचीही मागणी करण्यात आली आहे. या प्रकरणी महावितरणचे वरिष्ठ अधिकारी वाईकर यांनी “वायरमनची चौकशी करून योग्य ती कारवाई करू” अशी प्रतिक्रिया दिली आहे. वाडेगाव परिसरातील या घटनेमुळे नागरिकांमध्ये तीव्र संताप व्यक्त होत असून, तुटलेल्या विजेच्या तारा आणि धोकादायक विद्युत यंत्रणांची तातडीने दुरुस्ती न झाल्यास भविष्यात मोठी जीवितहानी होण्याची भीती नागरिकांनी व्यक्त केली आहे.

Sachin Reporter Pune

पत्रकार Shirur, Pune•

1 hr ago

पुणे जिल्ह्यातील हवेली तालुक्यातील वाडेगाव येथे महावितरणच्या कथित हलगर्जीपणामुळे एक मोठा अपघात घडल्याची घटना समोर आली आहे. गावातील इंगळे मळा परिसरात तुटलेल्या विजेच्या तारेच्या संपर्कात आल्याने एका शेळीचा मृत्यू झाला, तर तिला वाचवण्यासाठी गेलेला १६ वर्षीय मुलगा थोडक्यात बचावला. या घटनेमुळे परिसरात तीव्र संतापाचे वातावरण निर्माण झाले आहे. शेतकरी जालिंदर इंगळे यांची शेळी रविवारी सकाळी विजेचा धक्का लागून जागीच मृत्युमुखी पडली. या शेळीला वाचवण्यासाठी गेलेल्या त्यांचा १६ वर्षीय मुलगा ऋषिकेश इंगळे यालाही विजेचा धक्का बसला, मात्र त्याने प्रसंगावधान राखल्याने मोठी दुर्घटना टळली. स्थानिक शेतकऱ्यांच्या आरोपानुसार, ही विजेची तार गेल्या वर्षभरापासून तुटलेल्या अवस्थेत खाली लोंबत होती. याबाबत अनेकदा संबंधित वायरमनला माहिती देऊनही दुरुस्ती करण्यात आली नाही. काही महिन्यांपूर्वी रोहित्र जळाल्यानंतरही ही तुटलेली तार दाखवून देण्यात आली होती, तरीही कोणतीही कारवाई झाली नसल्याचा आरोप शेतकऱ्यांनी केला आहे. पंचायत समिती सदस्य कुशल नाना सातव यांनी घटनास्थळी पाहणी केली असून, त्यांनी यापूर्वी १२ मे रोजी महावितरणकडे तुटलेल्या तारा, रोहित्र आणि फ्युज बॉक्सच्या तातडीच्या दुरुस्तीची लेखी मागणी केली होती. त्यांच्या मते, महावितरणच्या दुर्लक्षामुळेच हा अपघात घडला. या घटनेनंतर संतप्त शेतकऱ्यांनी महावितरणच्या संबंधित अधिकाऱ्यांवर आणि वायरमनवर तात्काळ कारवाई करण्याची मागणी केली आहे. तसेच, बाधित शेतकऱ्यांना नुकसानभरपाई देण्याचीही मागणी करण्यात आली आहे. या प्रकरणी महावितरणचे वरिष्ठ अधिकारी वाईकर यांनी “वायरमनची चौकशी करून योग्य ती कारवाई करू” अशी प्रतिक्रिया दिली आहे. वाडेगाव परिसरातील या घटनेमुळे नागरिकांमध्ये तीव्र संताप व्यक्त होत असून, तुटलेल्या विजेच्या तारा आणि धोकादायक विद्युत यंत्रणांची तातडीने दुरुस्ती न झाल्यास भविष्यात मोठी जीवितहानी होण्याची भीती नागरिकांनी व्यक्त केली आहे.