महाराष्ट्रात विद्यार्थ्यांच्या न्याय आणि हक्कासाठी थेट मंत्रालयावर धडक मारण्याची घोषणा करण्यात आली आहे. विद्यार्थ्यांच्या विविध प्रश्नांना वाचा फोडण्यासाठी आणि त्यांना न्याय मिळवून देण्यासाठी हे आंदोलन केले जाणार असून, या आंदोलनाबाबत रविराज साबळे यांनी आपली आक्रमक भूमिका मांडली आहे.

सांगलीचे अपक्ष खासदार विशाल पाटील यांनी सोनम वांगचूक यांच्या आंदोलनाला दडपण्याच्या सरकारच्या प्रयत्नांचा तीव्र शब्दांत निषेध केला आहे. वांगचूक यांनी लोकशाही आणि गांधीवादी अहिंसेच्या मार्गाने विद्यार्थ्यांच्या न्याय्य हक्कांसाठी हे आंदोलन उभारले आहे. पेपरफुटीसारख्या गंभीर घटनांमुळे लाखो विद्यार्थ्यांचे भविष्य धोक्यात आले असताना, त्यांच्या मागण्यांवर संवाद साधण्याऐवजी आंदोलन दडपण्याचा प्रयत्न करणे अत्यंत निषेधार्ह असल्याचे खासदार विशाल पाटील यांनी एका सोशल मीडिया पोस्ट आणि व्हिडिओद्वारे म्हटले आहे. सरकारने पोलिसी बळाचा वापर करण्याऐवजी उपोषणकर्त्यांशी चर्चा करून तातडीने योग्य निर्णय घ्यायला हवा होता, असे खासदार विशाल पाटील यांनी स्पष्ट केले. लोकशाहीत विरोधकांचा आवाज न दाबता, तो ऐकून त्यावर मार्ग काढणे हीच सरकारची जबाबदारी असते, मात्र सध्या तसे होताना दिसत नाही. शांततापूर्ण आंदोलने दडपण्याची ही प्रवृत्ती लोकशाहीसाठी आणि देशाच्या भविष्यासाठी अत्यंत घातक असून, सरकारने संवाद, संवेदनशीलता आणि लोकशाही मूल्यांचा स्वीकार करून या प्रश्नावर तातडीने तोडगा काढावा, अशी मागणी त्यांनी केली आहे.

दिल्लीच्या जंतर-मंतरवरील आंदोलनादरम्यान झालेला लाठीचार्ज आणि त्यात आंदोलक जखमी झाल्याच्या घटनांमुळे देशात मत मांडणाऱ्यांचा आवाज ऐकला जात आहे की तो दाबला जात आहे, हा गंभीर प्रश्न पुन्हा एकदा उपस्थित झाला आहे. भारतीय संविधानाने प्रत्येक नागरिकाला शांततेच्या मार्गाने आंदोलन करण्याचा अधिकार दिला आहे. मात्र, जेव्हा आंदोलने रोखली जातात, आंदोलकांवर लाठीचार्ज केला जातो किंवा विरोधी मतांबाबत चिंता व्यक्त केली जाते, तेव्हा नागरिकांच्या मनात भारत लोकशाही अधिक मजबूत करत आहे की हुकूमशाहीकडे वाटचाल करत आहे, अशी शंका निर्माण होते. विरोधी मत ऐकणे, संवाद साधणे आणि संविधानाचा सन्मान राखणे हीच लोकशाहीची खरी ताकद आहे.

नॅशनल हायवे ९६५जी (NH 965G) वर काल झालेल्या एका भीषण रस्ता अपघातात शेगाव येथील स्थानिक नागरिक श्री. राहुल शिंदे यांचा दुर्दैवी मृत्यू झाला. या नाहक बळीमुळे आज शेगावमधील सर्व ग्रामस्थांचा संताप अनावर झाला आणि शेकडो नागरिक रस्त्यावर उतरले. 'ओम साई प्रतिष्ठान, शेगाव' आणि 'शिवसेना, जत तालुका' यांच्या नेतृत्वाखाली पुकारलेल्या या आंदोलनामुळे महामार्गावरील वाहतूक तब्बल २ ते ३ तास पूर्णपणे ठप्प झाली होती. या महामार्गावरील अपघातप्रवण क्षेत्राबाबत आज मुख्य अभियंता आणि प्रशासन यांची सविस्तर बैठक होणार होती. परंतु, तत्पूर्वीच काल झालेल्या अपघातात राहुल शिंदे यांना आपला जीव गमवावा लागल्याने ग्रामस्थ प्रचंड आक्रमक झाले. जोपर्यंत ठोस निर्णय होत नाही, तोपर्यंत मागे हटणार नाही, अशी आक्रमक भूमिका घेत ग्रामस्थांनी महामार्ग रोखून धरला होता. परिस्थितीचे गांभीर्य ओळखून राष्ट्रीय महामार्ग अभियंता खालीद सलीम शेख आणि पोलीस प्रशासनाने तातडीने आंदोलनस्थळी धाव घेतली. आंदोलकांच्या तीव्र भावना लक्षात घेऊन त्यांनी ग्रामस्थांशी सकारात्मक चर्चा केली. यावेळी माननीय प्रांत अधिकाऱ्यांनी फोनवरून संपर्क साधून आठवडाभरात गतिरोधकाचे काम पूर्ण करण्याचे थेट आदेश दिले. महामार्ग अभियंता खालीद सलीम शेख यांनी येत्या ८ दिवसांत अपघातप्रवण ठिकाणी स्पीड ब्रेकर बसवण्याचे लेखी आश्वासन दिले. प्रशासनाने तातडीने कारवाईचे आश्वासन दिल्यामुळे ग्रामस्थांनी आंदोलन मागे घेतले असले, तरी दिलेल्या मुदतीत काम पूर्ण न झाल्यास पुन्हा तीव्र आंदोलनाचा इशारा दिला आहे.

सिंधुदुर्ग जिल्ह्यातील कुडाळ तालुक्यातील माणगाव येथील श्रीदेवी यक्षिणी दशावतार नाट्य मंडळाचा वर्ष २०२६-२७ साठीचा नवीन कलाकार संच तयार करण्यात आला आहे. या आगामी कालावधीसाठी दशावतार नाट्य मंडळाने आपला हा नवीन कलाकारांचा संच आणला आहे.

सिंधुदुर्ग जिल्ह्यातील कुडाळमधून सोनम वांगचुक आणि अभिजित दिपके यांच्या आंदोलनाला पाठिंबा देण्यात आला आहे. या आंदोलनाला पाठिंबा दर्शवत कुडाळमधून त्यांचे समर्थन करण्यात आले आहे.

पाऊले पंढरीची वाट चालत असून, दिंडी पंढरपूरच्या वाटेने पुढे मार्गस्थ होत आहे.

बारामतीमध्ये आबालवृद्धांमध्ये अजितदादांची प्रचंड क्रेझ असल्याचे वेळोवेळी समोर आले आहे. मात्र, सध्या सोशल मीडियावर एक अत्यंत भावुक व्हिडिओ व्हायरल होत असून यामध्ये काही मतिमंद मुले अजितदादांची तीव्रतेने आठवण काढताना दिसत आहेत. अजितदादांच्या आठवणीत या मतिमंद मुलांच्या डोळ्यांतून अश्रूंचा बांध फुटला आहे. या मुलांनी अत्यंत भावुक होऊन अजितदादांना परत येण्याची साद घातली आहे. "दादा.. लवकर या... बारामतीला तुमची गरज आहे" अशा शब्दांत या मतिमंद मुलांनी घातलेली भावनिक साद तिथे उपस्थित असलेल्या सर्वांच्या काळजाला भिडली आहे.

दिल्लीतील जंतर मंतर आणि संसद भवन येथे उपोषण करणाऱ्या विद्यार्थ्यांना काल पोलिसांनी झोडपले, ज्यानंतर देशभरातून तीव्र संतापाची भावना उमटत आहे. या घटनेच्या निषेधार्थ आता रिल्स स्टार्स देखील समोर आले असून, ते प्रशासन आणि सरकारच्या विरोधात अतिशय तीव्र शब्दांत रिल्स तयार करून आपला विरोध दर्शवत आहेत. याच दरम्यान, रील स्टार रुचिका खोत यांनी त्यांच्या स्वतःच्या फेसबुक अकाउंटवरून एक रील तयार केली आहे. या रीलमध्ये त्यांनी भगतसिंग यांच्यासारखा टोप घातला असून, सरकार आणि प्रशासनाविरोधातील ही रील सध्या सोशल मीडियावर प्रचंड प्रमाणात व्हायरल होत आहे.