ଜୁନ୍ ୨୧ ତାରିଖରେ ବିଶ୍ୱ ସଙ୍ଗୀତ ଦିବସ ଅବସରରେ ବେଲପାହାଡ଼ସ୍ଥିତ ମିରର୍ ଥିଏଟର୍ ପକ୍ଷରୁ ଏକ ସ୍ୱତନ୍ତ୍ର ସଙ୍ଗୀତ ଅଧିବେଶନ ଏବଂ ସାଂସ୍କୃତିକ କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଛି। ପ୍ରତିବର୍ଷ ଏହି ଦିବସକୁ ସଙ୍ଗୀତ ମାଧ୍ୟମରେ ମାନବ ସମାଜକୁ ଏକତ୍ର କରିବା ଓ ଜୀବନରେ ଖୁସି ଆଣିବା ମୂଳ ଉଦ୍ଦେଶ୍ୟରେ ପାଳନ କରାଯାଏ। ଏହି ଅବସରରେ ମିରର୍ ଥିଏଟର୍‌ର ସଙ୍ଗୀତ ନିର୍ଦ୍ଦେଶକ ଗୌରୀଶଙ୍କର କୁମ୍ଭାରଙ୍କୁ ଅନୁଷ୍ଠାନ ପକ୍ଷରୁ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। ତାଙ୍କ ଦ୍ୱାରା ରଚିତ ବିଭିନ୍ନ ନାଟକର ଗୀତ ପରିବେଷଣ ହୋଇଥିଲା, ବିଶେଷ କରି ମିରର୍ ଥିଏଟର୍‌ର ବହୁ ଚର୍ଚ୍ଚିତ ନାଟକ 'ଲାଲ୍ ପାଏନ୍’ ର ଗୀତ ସହ ଅନ୍ୟାନ୍ୟ ନାଟ୍ୟ ସଙ୍ଗୀତ ଉପସ୍ଥିତ ଦର୍ଶକ ଓ କଳାପ୍ରେମୀଙ୍କ ମନ ଜିତିଥିଲା। କାର୍ଯ୍ୟକ୍ରମରେ ବରିଷ୍ଠ କଳାକାର ଶରତ ଚନ୍ଦ୍ର ସାହୁ ଏବଂ ଜେନାମଣି ସେଠ ଯୋଗଦେଇ ସଙ୍ଗୀତ ଓ ନାଟ୍ୟକଳାର ଅବିଚ୍ଛିନ୍ନ ସମ୍ପର୍କ ସମ୍ପର୍କରେ ନିଜ ମତ ପ୍ରକାଶ କରିଥିଲେ। ମିରର୍ ଥିଏଟର୍‌ର ପ୍ରତିଷ୍ଠାତା-ନିର୍ଦ୍ଦେଶକ ଡ. ସୁବାସ ଚନ୍ଦ୍ର ପ୍ରଧାନ ବିଶ୍ୱ ସଙ୍ଗୀତ ଦିବସର ଗୁରୁତ୍ୱ ଉପରେ ଆଲୋକପାତ କରିଥିଲେ ଏବଂ ସଙ୍ଗୀତ ମାଧ୍ୟମରେ ସମାଜରେ ସୃଜନଶୀଳତା ଓ ସାମ୍ପ୍ରଦାୟିକ ସମ୍ପ୍ରୀତି ବୃଦ୍ଧି ପାଏ ବୋଲି କହିଥିଲେ। ଏହି କାର୍ଯ୍ୟକ୍ରମରେ ଅଭିମନ୍ୟୁ ସା, ସରୋଜ ମିର୍ଦ୍ଧା, ସରସ୍ୱତୀ ପ୍ରଧାନ, ସନ୍ତୋଷ ସାହୁ, ଡା. ଶ୍ୟାମସୁନ୍ଦର ପାଣ୍ଡେ, ସୌଭାଗ୍ୟ ରଞ୍ଜନ ସାହୁ, ଲବ ପ୍ରଧାନ, ଅର୍ବାଜ ଖାନ, ବିନୟ ପ୍ରଧାନ, ଅନୀଲ ରଣା, ପ୍ରତୀକ ଜେନା, ଅଭିଜିତ ବାଘ, ସାହିଲ ସୁନା, ଆୟୁଷୀ ପଟ୍ଟନାୟକ, ବର୍ଷାରାଣୀ ଧଳ, ଜ୍ୟୋସ୍ନା କାଲୋ, ଖୁସି ଜେନା, ସାନିଆ ବେହେରା, ଖୁସି ଗୌର, ଭବେଶ ପ୍ରଧାନ, ସଞ୍ଜନା ମେହେର, ତନୁଜା ମେହେରଙ୍କ ସମେତ ବହୁ କଳାକାର ଓ ସଦସ୍ୟ ଉପସ୍ଥିତ ରହିଥିଲେ। ଶେଷରେ ସମସ୍ତ କଳାକାରଙ୍କ ସମବେତ ସଙ୍ଗୀତ ପରିବେଷଣ ଓ ଶୁଭେଚ୍ଛା ବିନିମୟ ମାଧ୍ୟମରେ କାର୍ଯ୍ୟକ୍ରମର ସମାପନ ହୋଇଥିଲା। ବିଶ୍ୱ ସଙ୍ଗୀତ ଦିବସ ଅବସରରେ ମିରର୍ ଥିଏଟର୍‌ର ଏହି ଆୟୋଜନ ସ୍ଥାନୀୟ କଳାକାର ଓ ସଙ୍ଗୀତ ପ୍ରେମୀଙ୍କ ମଧ୍ୟରେ ବେଶ୍ ପ୍ରଶଂସା ସାଉଁଟିଛି।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

1 hr ago

ଜୁନ୍ ୨୧ ତାରିଖରେ ବିଶ୍ୱ ସଙ୍ଗୀତ ଦିବସ ଅବସରରେ ବେଲପାହାଡ଼ସ୍ଥିତ ମିରର୍ ଥିଏଟର୍ ପକ୍ଷରୁ ଏକ ସ୍ୱତନ୍ତ୍ର ସଙ୍ଗୀତ ଅଧିବେଶନ ଏବଂ ସାଂସ୍କୃତିକ କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଛି। ପ୍ରତିବର୍ଷ ଏହି ଦିବସକୁ ସଙ୍ଗୀତ ମାଧ୍ୟମରେ ମାନବ ସମାଜକୁ ଏକତ୍ର କରିବା ଓ ଜୀବନରେ ଖୁସି ଆଣିବା ମୂଳ ଉଦ୍ଦେଶ୍ୟରେ ପାଳନ କରାଯାଏ। ଏହି ଅବସରରେ ମିରର୍ ଥିଏଟର୍‌ର ସଙ୍ଗୀତ ନିର୍ଦ୍ଦେଶକ ଗୌରୀଶଙ୍କର କୁମ୍ଭାରଙ୍କୁ ଅନୁଷ୍ଠାନ ପକ୍ଷରୁ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା।

ତାଙ୍କ ଦ୍ୱାରା ରଚିତ ବିଭିନ୍ନ ନାଟକର ଗୀତ ପରିବେଷଣ ହୋଇଥିଲା, ବିଶେଷ କରି ମିରର୍ ଥିଏଟର୍‌ର ବହୁ ଚର୍ଚ୍ଚିତ ନାଟକ 'ଲାଲ୍ ପାଏନ୍’ ର ଗୀତ ସହ ଅନ୍ୟାନ୍ୟ ନାଟ୍ୟ ସଙ୍ଗୀତ ଉପସ୍ଥିତ ଦର୍ଶକ ଓ କଳାପ୍ରେମୀଙ୍କ ମନ ଜିତିଥିଲା। କାର୍ଯ୍ୟକ୍ରମରେ ବରିଷ୍ଠ କଳାକାର ଶରତ ଚନ୍ଦ୍ର ସାହୁ ଏବଂ ଜେନାମଣି ସେଠ ଯୋଗଦେଇ ସଙ୍ଗୀତ ଓ ନାଟ୍ୟକଳାର ଅବିଚ୍ଛିନ୍ନ ସମ୍ପର୍କ ସମ୍ପର୍କରେ ନିଜ ମତ ପ୍ରକାଶ କରିଥିଲେ। ମିରର୍ ଥିଏଟର୍‌ର ପ୍ରତିଷ୍ଠାତା-ନିର୍ଦ୍ଦେଶକ ଡ. ସୁବାସ

ଚନ୍ଦ୍ର ପ୍ରଧାନ ବିଶ୍ୱ ସଙ୍ଗୀତ ଦିବସର ଗୁରୁତ୍ୱ ଉପରେ ଆଲୋକପାତ କରିଥିଲେ ଏବଂ ସଙ୍ଗୀତ ମାଧ୍ୟମରେ ସମାଜରେ ସୃଜନଶୀଳତା ଓ ସାମ୍ପ୍ରଦାୟିକ ସମ୍ପ୍ରୀତି ବୃଦ୍ଧି ପାଏ ବୋଲି କହିଥିଲେ। ଏହି କାର୍ଯ୍ୟକ୍ରମରେ ଅଭିମନ୍ୟୁ ସା, ସରୋଜ ମିର୍ଦ୍ଧା, ସରସ୍ୱତୀ ପ୍ରଧାନ, ସନ୍ତୋଷ ସାହୁ, ଡା. ଶ୍ୟାମସୁନ୍ଦର ପାଣ୍ଡେ, ସୌଭାଗ୍ୟ ରଞ୍ଜନ ସାହୁ, ଲବ ପ୍ରଧାନ, ଅର୍ବାଜ ଖାନ, ବିନୟ ପ୍ରଧାନ, ଅନୀଲ ରଣା, ପ୍ରତୀକ ଜେନା, ଅଭିଜିତ ବାଘ, ସାହିଲ ସୁନା, ଆୟୁଷୀ ପଟ୍ଟନାୟକ,

ବର୍ଷାରାଣୀ ଧଳ, ଜ୍ୟୋସ୍ନା କାଲୋ, ଖୁସି ଜେନା, ସାନିଆ ବେହେରା, ଖୁସି ଗୌର, ଭବେଶ ପ୍ରଧାନ, ସଞ୍ଜନା ମେହେର, ତନୁଜା ମେହେରଙ୍କ ସମେତ ବହୁ କଳାକାର ଓ ସଦସ୍ୟ ଉପସ୍ଥିତ ରହିଥିଲେ। ଶେଷରେ ସମସ୍ତ କଳାକାରଙ୍କ ସମବେତ ସଙ୍ଗୀତ ପରିବେଷଣ ଓ ଶୁଭେଚ୍ଛା ବିନିମୟ ମାଧ୍ୟମରେ କାର୍ଯ୍ୟକ୍ରମର ସମାପନ ହୋଇଥିଲା। ବିଶ୍ୱ ସଙ୍ଗୀତ ଦିବସ ଅବସରରେ ମିରର୍ ଥିଏଟର୍‌ର ଏହି ଆୟୋଜନ ସ୍ଥାନୀୟ କଳାକାର ଓ ସଙ୍ଗୀତ ପ୍ରେମୀଙ୍କ ମଧ୍ୟରେ ବେଶ୍ ପ୍ରଶଂସା ସାଉଁଟିଛି।