लातूर जिल्ह्यामध्ये पेट्रोल आणि डिझेलचा पुरवठा पूर्णपणे सुरळीत असून, आगामी काळातही तो अखंडित राहील, अशी हमी पेट्रोलियम कंपन्यांनी दिली आहे. त्यामुळे नागरिकांनी कोणत्याही अफवांवर विश्वास ठेवू नये तसेच अनावश्यक इंधनाची अतिरिक्त खरेदी किंवा साठवणूक करू नये, असे आवाहन जिल्हाधिकारी डॉ. भारत बास्टेवाड यांनी केले आहे. जिल्ह्यातील पेट्रोल व डिझेल पुरवठ्याचा आढावा घेण्यासाठी जिल्हाधिकारी डॉ. भारत बास्टेवाड यांच्या अध्यक्षतेखाली नुकतीच जिल्हाधिकारी कार्यालयात जिल्ह्यातील पेट्रोल पंप असोसिएशनचे पदाधिकारी व पेट्रोलियम कंपन्यांच्या प्रतिनिधींची बैठक पार पडली. या बैठकीत जिल्हाधिकाऱ्यांनी इंधनाच्या उपलब्धतेचा सविस्तर आढावा घेतला, जिथे कंपन्यांच्या प्रतिनिधींनी जिल्ह्याला आवश्यक असणारा पुरवठा नियमितपणे सुरू असल्याची माहिती दिली. सध्या ग्रामीण भागात मान्सूनपूर्व शेती मशागतीची कामे मोठ्या प्रमाणावर सुरू असल्याने, जिल्हाधिकारी डॉ. बास्टेवाड यांनी सर्व पेट्रोल पंपांवर पुरेसा साठा ठेवण्याच्या सूचना केल्या. तसेच, शेती मशागतीसाठी शेतकऱ्यांना, उद्योग-व्यवसाय आणि जलसंधारणाच्या कामांसाठी आवश्यक प्रमाणात डिझेल तात्काळ उपलब्ध करून देण्याचे निर्देश दिले. पेट्रोलियम कंपन्यांनी यावर सकारात्मक प्रतिसाद देत जिल्ह्यात कुठेही पेट्रोल किंवा डिझेलचा तुटवडा निर्माण होणार नाही, अशी ग्वाही प्रशासनाला दिली. जिल्हाधिकाऱ्यांनी नागरिकांना पुन्हा एकदा आवाहन केले आहे की, त्यांनी कोणत्याही अफवांवर विश्वास न ठेवता फक्त आवश्यक तेवढेच इंधन खरेदी करावे आणि पेट्रोल पंपांवरील अनावश्यक गर्दी टाळावी. जिल्हा प्रशासन सर्व पेट्रोलियम कंपन्या व पेट्रोल पंप चालकांच्या सतत संपर्कात असून, जिल्ह्यात इंधनाचा पुरेसा साठा उपलब्ध असल्याचे त्यांनी स्पष्ट केले.

Nitin Chalak

Media company शिरूर-अनंतपाळ, लातूर, महाराष्ट्र•

11 hrs ago

लातूर जिल्ह्यामध्ये पेट्रोल आणि डिझेलचा पुरवठा पूर्णपणे सुरळीत असून, आगामी काळातही तो अखंडित राहील, अशी हमी पेट्रोलियम कंपन्यांनी दिली आहे. त्यामुळे नागरिकांनी कोणत्याही अफवांवर विश्वास ठेवू नये तसेच अनावश्यक इंधनाची अतिरिक्त खरेदी किंवा साठवणूक करू नये, असे आवाहन जिल्हाधिकारी डॉ. भारत बास्टेवाड यांनी केले आहे. जिल्ह्यातील पेट्रोल व डिझेल पुरवठ्याचा आढावा घेण्यासाठी जिल्हाधिकारी डॉ. भारत बास्टेवाड यांच्या अध्यक्षतेखाली नुकतीच जिल्हाधिकारी कार्यालयात जिल्ह्यातील पेट्रोल पंप असोसिएशनचे पदाधिकारी व पेट्रोलियम कंपन्यांच्या प्रतिनिधींची बैठक पार पडली. या बैठकीत जिल्हाधिकाऱ्यांनी इंधनाच्या उपलब्धतेचा सविस्तर आढावा घेतला, जिथे कंपन्यांच्या प्रतिनिधींनी जिल्ह्याला आवश्यक असणारा पुरवठा नियमितपणे सुरू असल्याची माहिती दिली. सध्या ग्रामीण भागात मान्सूनपूर्व शेती मशागतीची कामे

मोठ्या प्रमाणावर सुरू असल्याने, जिल्हाधिकारी डॉ. बास्टेवाड यांनी सर्व पेट्रोल पंपांवर पुरेसा साठा ठेवण्याच्या सूचना केल्या. तसेच, शेती मशागतीसाठी शेतकऱ्यांना, उद्योग-व्यवसाय आणि जलसंधारणाच्या कामांसाठी आवश्यक प्रमाणात डिझेल तात्काळ उपलब्ध करून देण्याचे निर्देश दिले. पेट्रोलियम कंपन्यांनी यावर सकारात्मक प्रतिसाद देत जिल्ह्यात कुठेही पेट्रोल किंवा डिझेलचा तुटवडा निर्माण होणार नाही, अशी ग्वाही प्रशासनाला दिली. जिल्हाधिकाऱ्यांनी नागरिकांना पुन्हा एकदा आवाहन केले आहे की, त्यांनी कोणत्याही अफवांवर विश्वास न ठेवता फक्त आवश्यक तेवढेच इंधन खरेदी करावे आणि पेट्रोल पंपांवरील अनावश्यक गर्दी टाळावी. जिल्हा प्रशासन सर्व पेट्रोलियम कंपन्या व पेट्रोल पंप चालकांच्या सतत संपर्कात असून, जिल्ह्यात इंधनाचा पुरेसा साठा उपलब्ध असल्याचे त्यांनी स्पष्ट केले.