अंबाजोगाई आगारातील जुन्या आणि नादुरुस्त बसेसमुळे ग्रामीण भागातील प्रवाशांची होणारी मोठी गैरसोय लक्षात घेऊन आ. नमिता मुंदडा यांनी एसटी महामंडळाकडे केलेल्या सातत्यपूर्ण पाठपुराव्याला यश आले आहे. अंबाजोगाई बस आगारासाठी ५ नवीन 'राजमाता जिजाऊ' बसेस मंजूर झाल्या असून, त्यापैकी दोन बसेस आगारात दाखल झाल्या आहेत, तर उर्वरित तीन बसेस पुण्याहून उद्या सकाळपर्यंत पोहोचणार आहेत. आगार प्रमुख अमर राऊत यांनी दिलेल्या माहितीनुसार, उद्या सकाळी ११ वाजता या नवीन बसेसचे रीतसर पूजन करण्यात येणार आहे. ग्रामीण भागातील प्रवाशांना जुन्या आणि खिळखिळ्या बसेसमुळे होणारा मनस्ताप आणि प्रवाशांच्या सुरक्षेचा गंभीर प्रश्न लक्षात घेऊन, आ. नमिता मुंदडा यांनी प्रशासनाकडे १० नवीन बसेसची मागणी लावून धरली होती. त्यापैकी पहिल्या टप्प्यात ५ बसेस प्राप्त झाल्यामुळे प्रवाशांना मोठा दिलासा मिळणार आहे. यापूर्वी आगारात २ बाय २ आसन क्षमतेच्या ४४ सीटर बसेस होत्या, मात्र आता आलेल्या नवीन 'राजमाता जिजाऊ' बसेस ३ बाय २ आसन व्यवस्थेच्या असून त्यांची क्षमता ५५ सीटर आहे. या सर्व बसेस प्रामुख्याने ग्रामीण भागात चालवल्या जाणार असल्याने खेड्यापाड्यातील जनतेचा प्रवास अधिक सुरक्षित आणि सुखकर होणार आहे. या यशस्वी पाठपुराव्याबद्दल आ. नमिता मुंदडा यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्राताई पवार, परिवहन मंत्री प्रताप सरनाईक आणि मंत्री पंकजाताई मुंडे यांचे आभार मानले आहेत.

अशोक दगडू वाघमारे

अंबाजोगाई, बीड, महाराष्ट्र•

22 hrs ago

अंबाजोगाई आगारातील जुन्या आणि नादुरुस्त बसेसमुळे ग्रामीण भागातील प्रवाशांची होणारी मोठी गैरसोय लक्षात घेऊन आ. नमिता मुंदडा यांनी एसटी महामंडळाकडे केलेल्या सातत्यपूर्ण पाठपुराव्याला यश आले आहे. अंबाजोगाई बस आगारासाठी ५ नवीन 'राजमाता जिजाऊ' बसेस मंजूर झाल्या असून, त्यापैकी दोन बसेस आगारात दाखल झाल्या आहेत, तर उर्वरित तीन बसेस पुण्याहून उद्या सकाळपर्यंत पोहोचणार आहेत. आगार प्रमुख अमर राऊत यांनी दिलेल्या माहितीनुसार, उद्या सकाळी ११ वाजता या नवीन बसेसचे रीतसर पूजन करण्यात येणार आहे. ग्रामीण भागातील प्रवाशांना जुन्या आणि खिळखिळ्या बसेसमुळे होणारा मनस्ताप आणि प्रवाशांच्या सुरक्षेचा गंभीर प्रश्न लक्षात घेऊन, आ. नमिता मुंदडा यांनी प्रशासनाकडे १० नवीन बसेसची मागणी लावून धरली होती. त्यापैकी पहिल्या टप्प्यात ५ बसेस प्राप्त झाल्यामुळे प्रवाशांना मोठा दिलासा मिळणार आहे. यापूर्वी आगारात २ बाय २ आसन क्षमतेच्या ४४ सीटर बसेस होत्या, मात्र आता आलेल्या नवीन 'राजमाता जिजाऊ' बसेस ३ बाय २ आसन व्यवस्थेच्या असून त्यांची क्षमता ५५ सीटर आहे. या सर्व बसेस प्रामुख्याने ग्रामीण भागात चालवल्या जाणार असल्याने खेड्यापाड्यातील जनतेचा प्रवास अधिक सुरक्षित आणि सुखकर होणार आहे. या यशस्वी पाठपुराव्याबद्दल आ. नमिता मुंदडा यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्राताई पवार, परिवहन मंत्री प्रताप सरनाईक आणि मंत्री पंकजाताई मुंडे यांचे आभार मानले आहेत.