जालना जिल्ह्यातील लिंबेवडगाव येथील दलित वस्तीत राहणाऱ्या १३१ कायम रहिवासी कुटुंबांवर पाटोदा साठवण तलाव प्रकल्पामुळे विस्थापनाचे मोठे संकट ओढवले आहे. या कुटुंबांना न्याय मिळावा आणि गावठाणासाठी पर्यायी जागा उपलब्ध करून द्यावी, या प्रमुख मागणीसाठी वंचित बहुजन आघाडीच्या वतीने जिल्हाधिकारी कार्यालयात निवेदन सादर करण्यात आले आहे. या कुटुंबांकडे आधार कार्ड, रेशन कार्ड यांसारखी सर्व शासकीय कागदपत्रे असून, ते अनेक वर्षांपासून गावातील याच दलित वस्तीत वास्तव्य करत असल्याचे निवेदनात नमूद केले आहे. पाटोदा साठवण तलावामुळे त्यांच्या घरांमध्ये पाणी शिरू लागल्याने शासनाने त्यांची घरे व इतर जागा संपादित करण्याची प्रक्रिया सुरू केली आहे. मात्र, या विस्थापित होत असलेल्या कुटुंबांना अद्याप कोणतीही पर्यायी जागा किंवा पुनर्वसनाबाबत कोणताही ठोस निर्णय देण्यात आलेला नाही. ग्रामस्थांनी मागील अनेक वर्षांपासून प्रशासनाकडे याबाबत सातत्याने पाठपुरावा केला असतानाही त्यांची दखल घेतली जात नसल्याचा गंभीर आरोप निवेदनातून करण्यात आला आहे. त्यामुळे या प्रश्नात तातडीने हस्तक्षेप करून पीडित कुटुंबांना न्याय देण्याची मागणी करण्यात आली आहे. या मागण्यांकडे दुर्लक्ष झाल्यास १ जुलै २०२६ रोजी सकाळी ११ ते सायंकाळी ५ वाजेदरम्यान तीव्र आंदोलन छेडण्यात येईल, असा इशाराही निवेदनाद्वारे प्रशासनाला देण्यात आला आहे. हे निवेदन सादर करताना वंचित बहुजन आघाडीचे मराठवाडा उपाध्यक्ष दीपक डोके यांच्यासह रमेश भुतकर, सतीश डोंबे, भागवत होळकर, सिद्धार्थ जाधव, विजय जाधव, दीपक जाधव, श्रीरंग खरात, विलास जाधव, सुदाम जाधव, ज्ञानेश्वर होळकर, आनंद जाधव, बाळू जाधव, बाळासाहेब विभुते, रामप्रसाद विभुते, पार्वतीबाई होळकर, त्रिवेणी होळकर, सुमनबाई होळकर, सुनीता जाधव, नीता जाधव, शोभाबाई जाधव, कालिंदा पितळे, आशामती आवचार, सिंधुबाई जाधव, ज्योती विभुते, बहिणाबाई भुतकर आणि कुशावरता होळकर यांच्यासह मोठ्या संख्येने गावकरी उपस्थित होते.

जिजाऊ एक्सप्रेस २८ न्यूज

News Anchor बुलडाणा, बुलढाणा, महाराष्ट्र•

5 hrs ago

जालना जिल्ह्यातील लिंबेवडगाव येथील दलित वस्तीत राहणाऱ्या १३१ कायम रहिवासी कुटुंबांवर पाटोदा साठवण तलाव प्रकल्पामुळे विस्थापनाचे मोठे संकट ओढवले आहे. या कुटुंबांना न्याय मिळावा आणि गावठाणासाठी पर्यायी जागा उपलब्ध करून द्यावी, या प्रमुख मागणीसाठी वंचित बहुजन आघाडीच्या वतीने जिल्हाधिकारी कार्यालयात निवेदन सादर करण्यात आले आहे. या कुटुंबांकडे आधार कार्ड, रेशन कार्ड यांसारखी सर्व शासकीय कागदपत्रे असून, ते अनेक वर्षांपासून गावातील याच दलित वस्तीत वास्तव्य करत असल्याचे निवेदनात नमूद केले आहे. पाटोदा साठवण तलावामुळे त्यांच्या घरांमध्ये पाणी शिरू लागल्याने शासनाने त्यांची घरे व इतर जागा संपादित करण्याची प्रक्रिया सुरू केली आहे. मात्र, या विस्थापित होत असलेल्या कुटुंबांना अद्याप कोणतीही पर्यायी जागा किंवा पुनर्वसनाबाबत कोणताही ठोस निर्णय देण्यात आलेला नाही. ग्रामस्थांनी मागील अनेक वर्षांपासून प्रशासनाकडे याबाबत सातत्याने पाठपुरावा केला असतानाही त्यांची दखल घेतली जात नसल्याचा गंभीर आरोप निवेदनातून करण्यात आला आहे. त्यामुळे या प्रश्नात तातडीने हस्तक्षेप करून पीडित कुटुंबांना न्याय देण्याची मागणी करण्यात आली आहे. या मागण्यांकडे दुर्लक्ष झाल्यास १ जुलै २०२६ रोजी सकाळी ११ ते सायंकाळी ५ वाजेदरम्यान तीव्र आंदोलन छेडण्यात येईल, असा इशाराही निवेदनाद्वारे प्रशासनाला देण्यात आला आहे. हे निवेदन सादर करताना वंचित बहुजन आघाडीचे मराठवाडा उपाध्यक्ष दीपक डोके यांच्यासह रमेश भुतकर, सतीश डोंबे, भागवत होळकर, सिद्धार्थ जाधव, विजय जाधव, दीपक जाधव, श्रीरंग खरात, विलास जाधव, सुदाम जाधव, ज्ञानेश्वर होळकर, आनंद जाधव, बाळू जाधव, बाळासाहेब विभुते, रामप्रसाद विभुते, पार्वतीबाई होळकर, त्रिवेणी होळकर, सुमनबाई होळकर, सुनीता जाधव, नीता जाधव, शोभाबाई जाधव, कालिंदा पितळे, आशामती आवचार, सिंधुबाई जाधव, ज्योती विभुते, बहिणाबाई भुतकर आणि कुशावरता होळकर यांच्यासह मोठ्या संख्येने गावकरी उपस्थित होते.