ईद-ए-मिलादनिमित्त चांदवडला भव्य मिरवणूक; शहरातील विविध भागांत आकर्षक धार्मिक देखावे संपूर्ण जगाला शांतता, बंधुता आणि मानवतेचा संदेश देणारे इस्लाम धर्माचे संस्थापक हजरत मोहम्मद पैगंबर यांच्या जन्मोत्सवानिमित्त ईद-ए-मिलाद सण चांदवड शहरात मोठ्या उत्साहात विविध धार्मिक कार्यक्रमांनी साजरा करण्यात आला. यानिमित्त शहरातील विविध भागांत आकर्षक धार्मिक देखावे उभारले होते. शहरातील छत्रपती शिवाजी महाराज चौक येथील जामा मस्जिद परिसरातून ईद-ए-मिलादुन्नबीच्या मिरवणुकीला सुरुवात झाली. मिरवणूक सोमवार पेठ, शिवनेरी चौक, नाईकवाडा, पुरा, मुल्लावाडा, शिवनेरी आदी प्रमुख मार्गावरून मार्गक्रमण करत शाही जामा मस्जिद येथे पोहोचली. मिरवणुकीत मुस्लीम समाजबांधव सहभागी झाले होते. विविध ठिकाणी उभारलेले आकर्षक देखावे नागरिकांचे लक्ष वेधून घेत होते. मिरवणुकीची सांगता शाही जामा मस्जिद येथे झाली. त्यानंतर चांदवड शहरातील सर्व समाजबांधव एकत्रित येत शाही मस्जिद येथे नियाज अर्थात महाप्रसादाचा कार्यक्रम झाला. यात सर्व समाजातील नागरिकांनी सहभागी होत सामाजिक सलोखा आणि एकतेचा संदेश दिला. चांदवडचे पोलिस निरीक्षक कैलास वाघ यांच्या मार्गदर्शनाखाली पोलिसांनी चोख बंदोबस्त ठेवला होता. ईदनिमित्त मुस्लीम बांधवांनी मुस्लीमबहुल मोहल्ला, घरे, दुकानांवर आकर्षक विद्युत रोषणाईसह सजावट केली होती. कार्यक्रमासाठी माजी नगरसेवक अल्ताफ तांबोळी, नगरसेवक राजू बागवान, चामको बँकेचे संचालक जाहिद घाशी, अल्ताफ शेख, तौसीफ खान, वसीम तांबोळी, जावेद कादरी, मोबीम तांबोळी, वसीम शेख, समीर पठाण, दानिश शेख, सलीम मणियार, शाहनवाज शाह, जुबेर शाह, वासिफ खान, राजू खान, रिजवान घाशी, मजिद खान यांच्यासह मुस्लीम समाजबांधव उपस्थित होते.

Mahendra kantubhai Gujrathi

Local News Reporter चांदवड, नाशिक, महाराष्ट्र•

1 hr ago

ईद-ए-मिलादनिमित्त चांदवडला भव्य मिरवणूक; शहरातील विविध भागांत आकर्षक धार्मिक देखावे संपूर्ण जगाला शांतता, बंधुता आणि मानवतेचा संदेश देणारे इस्लाम धर्माचे संस्थापक हजरत मोहम्मद पैगंबर यांच्या जन्मोत्सवानिमित्त ईद-ए-मिलाद सण चांदवड शहरात मोठ्या उत्साहात विविध धार्मिक कार्यक्रमांनी साजरा करण्यात आला. यानिमित्त शहरातील विविध भागांत आकर्षक धार्मिक देखावे उभारले होते. शहरातील छत्रपती शिवाजी महाराज चौक येथील जामा मस्जिद परिसरातून ईद-ए-मिलादुन्नबीच्या मिरवणुकीला सुरुवात झाली. मिरवणूक सोमवार पेठ, शिवनेरी चौक, नाईकवाडा, पुरा, मुल्लावाडा, शिवनेरी आदी प्रमुख मार्गावरून मार्गक्रमण करत शाही जामा मस्जिद येथे पोहोचली. मिरवणुकीत मुस्लीम समाजबांधव सहभागी झाले होते. विविध ठिकाणी उभारलेले आकर्षक देखावे नागरिकांचे लक्ष वेधून घेत होते. मिरवणुकीची सांगता शाही जामा मस्जिद येथे झाली. त्यानंतर चांदवड शहरातील सर्व समाजबांधव एकत्रित येत शाही मस्जिद येथे नियाज अर्थात महाप्रसादाचा कार्यक्रम झाला. यात सर्व समाजातील नागरिकांनी सहभागी होत सामाजिक सलोखा आणि एकतेचा संदेश दिला. चांदवडचे पोलिस निरीक्षक कैलास वाघ यांच्या मार्गदर्शनाखाली पोलिसांनी चोख बंदोबस्त ठेवला होता. ईदनिमित्त मुस्लीम बांधवांनी मुस्लीमबहुल मोहल्ला, घरे, दुकानांवर आकर्षक विद्युत रोषणाईसह सजावट केली होती. कार्यक्रमासाठी माजी नगरसेवक अल्ताफ तांबोळी, नगरसेवक राजू बागवान, चामको बँकेचे संचालक जाहिद घाशी, अल्ताफ शेख, तौसीफ खान, वसीम तांबोळी, जावेद कादरी, मोबीम तांबोळी, वसीम शेख, समीर पठाण, दानिश शेख, सलीम मणियार, शाहनवाज शाह, जुबेर शाह, वासिफ खान, राजू खान, रिजवान घाशी, मजिद खान यांच्यासह मुस्लीम समाजबांधव उपस्थित होते.