ରାଜ୍ୟରେ ଏବେ ବର୍ଷା ଜାରି ରହିଛି ଏବଂ ବିଭିନ୍ନ ସ୍ଥାନରେ ଝଡ଼ବର୍ଷା ଲାଗି ରହିଛି। ସିଇସି ନିର୍ଦ୍ଦେଶକ ଶରତ ସାହୁଙ୍କ ସୂଚନା ଅନୁଯାୟୀ, ଉପକୂଳରେ ତାତି କମିଛି ଏବଂ କିଛି ଦିନ ଯାଏଁ ଅଳ୍ପରୁ ମଧ୍ୟମ ଧରଣର ବର୍ଷା ଜାରି ରହିବ। ପଶ୍ଚିମାଞ୍ଚଳରେ ଅଳ୍ପ ବହୁତ ତାତି ରହିବ ଏବଂ ବର୍ଷାର ପରିମାଣ କମ ରହିବ ବୋଲି ସେ କହିଛନ୍ତି। ଜୁନ ୩୦ରୁ ବର୍ଷାର ପରିମାଣ ବୃଦ୍ଧି ପାଇବ। ଜୁନ ୨୯ ତାରିଖ ବେଳକୁ ଏକ ଘୂର୍ଣ୍ଣିବଳୟ ସୃଷ୍ଟି ହେବ, ଯାହାର ପ୍ରଭାବରେ ଜୁଲାଇ ୧ରୁ ୫ ତାରିଖ ଯାଏଁ ବର୍ଷା ହେବ। ପାଣିପାଗ ବିଭାଗର ଆକଳନ ଅନୁସାରେ, ଆନ୍ଧ୍ର ଉପକୂଳ ନିକଟରେ ଅନ୍ୟ ଏକ ଘୂର୍ଣ୍ଣିବଳୟ ସୃଷ୍ଟି ହେବାକୁ ଯାଉଛି, ଯାହାର ପ୍ରଭାବରେ ଦକ୍ଷିଣ ଓଡ଼ିଶାରେ ଅଧିକ ବର୍ଷା ହେବ। ସୋମବାର ରାୟଗଡ଼ା, କୋରାପୁଟ ଓ ମାଲକାନଗିରିରେ ଭାରି ବର୍ଷା ସହିତ ଘଡ଼ଘଡ଼ି ହେବାର ସମ୍ଭାବନା ରହିଛି। ଏହି ସମୟରେ ୫୦ରୁ ୬୦ କିମି ବେଗରେ ପବନ ମଧ୍ୟ ବହିପାରେ। ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, ବଲାଙ୍ଗିର, କଳାହାଣ୍ଡି, କନ୍ଧମାଳ, ନବରଙ୍ଗପୁର, ଗଜପତି, ଗଞ୍ଜାମ, ପୁରୀ, ଖୋର୍ଦ୍ଧା ଓ ନୟାଗଡ଼ରେ ମଧ୍ୟ ଘଡ଼ଘଡ଼ି ସହ ବର୍ଷା ହେବାର ପୂର୍ବାନୁମାନ କରାଯାଇଛି। ତେବେ ଉପକୂଳ ଓଡ଼ିଶା ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ଗୁଳୁଗୁଳି ଜାରି ରହିବ। ଜୁନ ୨୩, ୨୪ ଓ ୨୫ ତାରିଖରେ ଉତ୍ତର ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହୋଇପାରେ। ରବିବାର ସୋନପୁରରେ ୪୯.୨ ମିମି ବର୍ଷା ରେକର୍ଡ କରାଯାଇଥିବା ବେଳେ, ନୟାଗଡ଼ରେ ୫ ମିମି, ମାଲକାନଗିରିରେ ୩.୨ ମିମି, ସମ୍ବଲପୁରରେ ୨.୪ ମିମି ଏବଂ ବରଗଡ଼ରେ ୨.୨ ମିମି ବର୍ଷା ହୋଇଥିଲା। ସେହିପରି, ରବିବାର ଝାରସୁଗୁଡ଼ାକୁ ବାଦ୍ ଦେଲେ ରାଜ୍ୟର ଅଧିକାଂଶ ସ୍ଥାନରେ ତାପମାତ୍ରା ୪୦ ଡିଗ୍ରୀ ତଳେ ରହିଥିଲା। ସମ୍ବଲପୁରରେ ୩୯.୮ ଡିଗ୍ରୀ, ହୀରାକୁଦରେ ୩୯.୩ ଡିଗ୍ରୀ, ସୁନ୍ଦରଗଡ଼ରେ ୩୮.୫ ଡିଗ୍ରୀ, ବଲାଙ୍ଗିରରେ ୩୮.୨ ଡିଗ୍ରୀ, ଢେଙ୍କାନାଳରେ ୩୭.୬ ଡିଗ୍ରୀ ଓ ନୂଆପଡ଼ାରେ ୩୭ ଡିଗ୍ରୀ ତାପମାତ୍ରା ରେକର୍ଡ ହୋଇଥିଲା। ଦାରିଙ୍ଗବାଡ଼ିରେ ସବୁଠୁ କମ୍ ଦିନର ତାପମାତ୍ରା ୨୮.୫ ଡିଗ୍ରୀ ରହିଥିଲା।

ODISHA NEWS

Local News Reporter ବଲାଙ୍ଗୀର, ବଲାଙ୍ଗୀର, ଓଡ଼ିଶା•

1 hr ago

ରାଜ୍ୟରେ ଏବେ ବର୍ଷା ଜାରି ରହିଛି ଏବଂ ବିଭିନ୍ନ ସ୍ଥାନରେ ଝଡ଼ବର୍ଷା ଲାଗି ରହିଛି। ସିଇସି ନିର୍ଦ୍ଦେଶକ ଶରତ ସାହୁଙ୍କ ସୂଚନା ଅନୁଯାୟୀ, ଉପକୂଳରେ ତାତି କମିଛି ଏବଂ କିଛି ଦିନ ଯାଏଁ ଅଳ୍ପରୁ ମଧ୍ୟମ ଧରଣର ବର୍ଷା ଜାରି ରହିବ। ପଶ୍ଚିମାଞ୍ଚଳରେ ଅଳ୍ପ ବହୁତ ତାତି ରହିବ ଏବଂ ବର୍ଷାର ପରିମାଣ କମ ରହିବ ବୋଲି ସେ କହିଛନ୍ତି। ଜୁନ ୩୦ରୁ ବର୍ଷାର ପରିମାଣ ବୃଦ୍ଧି ପାଇବ। ଜୁନ ୨୯ ତାରିଖ ବେଳକୁ ଏକ ଘୂର୍ଣ୍ଣିବଳୟ ସୃଷ୍ଟି ହେବ, ଯାହାର ପ୍ରଭାବରେ ଜୁଲାଇ ୧ରୁ ୫ ତାରିଖ ଯାଏଁ ବର୍ଷା ହେବ। ପାଣିପାଗ ବିଭାଗର ଆକଳନ ଅନୁସାରେ, ଆନ୍ଧ୍ର ଉପକୂଳ ନିକଟରେ ଅନ୍ୟ ଏକ ଘୂର୍ଣ୍ଣିବଳୟ ସୃଷ୍ଟି ହେବାକୁ ଯାଉଛି, ଯାହାର ପ୍ରଭାବରେ ଦକ୍ଷିଣ ଓଡ଼ିଶାରେ ଅଧିକ ବର୍ଷା ହେବ। ସୋମବାର ରାୟଗଡ଼ା, କୋରାପୁଟ ଓ ମାଲକାନଗିରିରେ ଭାରି ବର୍ଷା ସହିତ ଘଡ଼ଘଡ଼ି ହେବାର ସମ୍ଭାବନା ରହିଛି। ଏହି ସମୟରେ ୫୦ରୁ ୬୦ କିମି ବେଗରେ ପବନ ମଧ୍ୟ ବହିପାରେ। ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ସୋନପୁର, ବୌଦ୍ଧ, ନୂଆପଡ଼ା, ବଲାଙ୍ଗିର, କଳାହାଣ୍ଡି, କନ୍ଧମାଳ, ନବରଙ୍ଗପୁର, ଗଜପତି, ଗଞ୍ଜାମ, ପୁରୀ, ଖୋର୍ଦ୍ଧା ଓ ନୟାଗଡ଼ରେ ମଧ୍ୟ ଘଡ଼ଘଡ଼ି ସହ ବର୍ଷା ହେବାର ପୂର୍ବାନୁମାନ କରାଯାଇଛି। ତେବେ ଉପକୂଳ ଓଡ଼ିଶା ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ଗୁଳୁଗୁଳି ଜାରି ରହିବ। ଜୁନ ୨୩, ୨୪ ଓ ୨୫ ତାରିଖରେ ଉତ୍ତର ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହୋଇପାରେ। ରବିବାର ସୋନପୁରରେ ୪୯.୨ ମିମି ବର୍ଷା ରେକର୍ଡ କରାଯାଇଥିବା ବେଳେ, ନୟାଗଡ଼ରେ ୫ ମିମି, ମାଲକାନଗିରିରେ ୩.୨ ମିମି, ସମ୍ବଲପୁରରେ ୨.୪ ମିମି ଏବଂ ବରଗଡ଼ରେ ୨.୨ ମିମି ବର୍ଷା ହୋଇଥିଲା। ସେହିପରି, ରବିବାର ଝାରସୁଗୁଡ଼ାକୁ ବାଦ୍ ଦେଲେ ରାଜ୍ୟର ଅଧିକାଂଶ ସ୍ଥାନରେ ତାପମାତ୍ରା ୪୦ ଡିଗ୍ରୀ ତଳେ ରହିଥିଲା। ସମ୍ବଲପୁରରେ ୩୯.୮ ଡିଗ୍ରୀ, ହୀରାକୁଦରେ ୩୯.୩ ଡିଗ୍ରୀ, ସୁନ୍ଦରଗଡ଼ରେ ୩୮.୫ ଡିଗ୍ରୀ, ବଲାଙ୍ଗିରରେ ୩୮.୨ ଡିଗ୍ରୀ, ଢେଙ୍କାନାଳରେ ୩୭.୬ ଡିଗ୍ରୀ ଓ ନୂଆପଡ଼ାରେ ୩୭ ଡିଗ୍ରୀ ତାପମାତ୍ରା ରେକର୍ଡ ହୋଇଥିଲା। ଦାରିଙ୍ଗବାଡ଼ିରେ ସବୁଠୁ କମ୍ ଦିନର ତାପମାତ୍ରା ୨୮.୫ ଡିଗ୍ରୀ ରହିଥିଲା।