कल्पना जिनीगं आग प्रकरण अकृषक परवाना नसताना ९ वर्षे जिनिंग सुरू; हायव्होल्टेज लाईन आणि उघड्या तारांनी घेतला चिमुरड्याचा बळी कुही(जि.नागपूर-शरद शहारे): कुही तालुक्यातील भंडारबोडी येथील ‘कल्पना जिनिंग’मध्ये लागलेली आग आणि त्यात झालेल्या बालमृत्यू प्रकरणाला आता एक खळबळजनक वळण मिळाले आहे. या जिनिंगमध्ये सुरक्षेचे नियम केवळ धाब्यावरच बसवले नव्हते, तर चक्क जमिनीच्या अकृषक (NA) वापराचे नियम आणि बँकिंग व्यवहारांतही मोठी फेरफार केल्याचे उघड होत आहे. नऊ वर्षांपासून बेकायदेशीररीत्या सुरू असलेल्या या जिनिंगमधील ‘हाय व्होल्टेज’ ड्रॅगडीने अखेर एका निष्पाप चिमुरड्याचा बळी घेतला आहे. पुराव्यासह धक्कादायक खुलासे: १. मृत्यूच्या छताखाली जिनिंग: बातमीसोबत असलेल्या फोटोत स्पष्ट दिसते की, जिनिंगच्या अगदी वरून हायव्होल्टेज थ्री-फेज विद्युत वाहिनी जात आहे. मूळ शेतात असलेली ही लाईन जिनिंग बांधताना हटवणे आवश्यक होते, मात्र मालकाने ती तशीच ठेवून नियम धाब्यावर बसवले. अनेक ठिकाणी वायरिंग उघडी असून, यामुळेच १२ फेब्रुवारीला शॉर्टसर्किट होऊन आग लागली आणि कापसाच्या ढिगाऱ्यात रोहनचा करुण अंत झाला. २. अकृषक (NA) परवान्याचा सावळा गोंधळ: जिनिंग नऊ वर्षांपासून सुरू करताना फक्त पावणे दोन एकर जमिनीचा (भूमापन क्र. 18) औद्योगिक वापरासाठी अकृषक परवाना होता तर सव्वा पाच एकर जमिनीचा (भूमापन क्र. १७) अकृषक परवाना चक्क ११ एप्रिल २०२५ रोजी काढण्यात आला. प्रश्न असा उरतो की, गेल्या नऊ वर्षांपासून विना-परवाना ही जिनिंग सुरू कशी होती? प्रशासनाने या बेकायदेशीर बांधकामाकडे डोळेझाक का केली? ३. ३५ कोटींचे रहस्यमयी कर्ज आणि आग: अवघ्या काही दिवसांपूर्वी, म्हणजे ५ फेब्रुवारी २०२६ रोजी सव्वा पाच एकर जागा आणि जिनिंग बँकेकडे गहाण ठेवून ३५ कोटी रुपयांचे कर्ज घेतल्याची नोंद ७/१२ वर करण्यात आली. कर्ज घेतल्याच्या अवघ्या सात दिवसांत (१२ फेब्रुवारी) भीषण आग लागते, हे केवळ योगायोग असू शकत नाही. विमा हडपण्यासाठी किंवा कर्जाच्या फेऱ्यातून सुटण्यासाठी हा रचलेला कट तर नाही ना? अशी शंका आता उपस्थित होत आहे. ४. मजुरांच्या जीवाशी खेळ: जिनिंगच्या आवारातच मजुरांच्या निवासी खोल्या आहेत. कापूस साठवण्याची जागा आणि राहत्या खोल्या यात साधी सुरक्षा भिंतही नाही. कापूस हा ज्वालाग्राही असताना मजुरांच्या लेकरांना आगीच्या तोंडावर ठेवण्याचे पातक या व्यवस्थापनाने केले आहे. प्रशासनाला विचारलेले टोकदार प्रश्न: नगर रचना विभाग: ९ वर्षे विना-NA जमीन वापरावर जिनिंग कशी सुरू होती? महावितरण: हायव्होल्टेज लाईनच्या खाली जिनिंगला परवानगी कोणी दिली? उघड्या वायरिंगवर कारवाई का झाली नाही? बँक प्रशासन: ज्या जागेचा वापर वादग्रस्त आहे, तिथे ३५ कोटींचे कर्ज वाटप करताना स्थळ पाहणी (Site Visit) का केली नाही? पोलीस विभाग: या प्रकरणात केवळ 'अपघात' म्हणून नोंद न करता, 'मनुष्यवधाचा' आणि 'आर्थिक फसवणुकीचा' गुन्हा दाखल करणार का? मानवीय वास्तव एकीकडे ३५ कोटींच्या कर्जाचे आणि विम्याचे आकडे फिरत असताना, मध्यप्रदेशातून आलेल्या त्या गरीब मजुराच्या पोटी जन्माला आलेला ४ वर्षांचा रोहन आज या जगातून गेला आहे. त्याच्या मृत्यूला ही भ्रष्ट व्यवस्था जबाबदार नाही का? असा प्रश्न कृषी उत्पन्न बाजार समिती संचालक मांढळ संजय भोतमांगे यांनी केला तर याबाबत माहिती घेऊन संबंधीत विभागामार्फत चौकशी करून योग्य ती कारवाई करण्यात येईल असे.- अमित घाटगे, तहसीलदार,कुही यांनी सांगितले

14 hrs ago

Sharad shahare

कुही, नागपूर, महाराष्ट्र•

14 hrs ago

कल्पना जिनीगं आग प्रकरण अकृषक परवाना नसताना ९ वर्षे जिनिंग सुरू; हायव्होल्टेज लाईन आणि उघड्या तारांनी घेतला चिमुरड्याचा बळी कुही(जि.नागपूर-शरद शहारे): कुही तालुक्यातील भंडारबोडी येथील ‘कल्पना जिनिंग’मध्ये लागलेली आग आणि त्यात झालेल्या बालमृत्यू प्रकरणाला आता एक खळबळजनक वळण मिळाले आहे. या जिनिंगमध्ये सुरक्षेचे नियम केवळ धाब्यावरच बसवले नव्हते, तर चक्क जमिनीच्या अकृषक (NA) वापराचे नियम आणि बँकिंग व्यवहारांतही मोठी फेरफार केल्याचे उघड होत आहे. नऊ वर्षांपासून बेकायदेशीररीत्या सुरू असलेल्या या जिनिंगमधील ‘हाय व्होल्टेज’ ड्रॅगडीने अखेर एका निष्पाप चिमुरड्याचा बळी घेतला आहे. पुराव्यासह धक्कादायक खुलासे: १. मृत्यूच्या छताखाली जिनिंग: बातमीसोबत असलेल्या फोटोत स्पष्ट दिसते की, जिनिंगच्या अगदी वरून हायव्होल्टेज थ्री-फेज विद्युत वाहिनी जात आहे. मूळ शेतात असलेली ही लाईन जिनिंग बांधताना हटवणे आवश्यक होते, मात्र मालकाने ती तशीच ठेवून नियम धाब्यावर बसवले. अनेक ठिकाणी वायरिंग उघडी असून, यामुळेच १२ फेब्रुवारीला शॉर्टसर्किट होऊन आग लागली आणि कापसाच्या ढिगाऱ्यात रोहनचा करुण अंत झाला. २. अकृषक (NA) परवान्याचा सावळा

गोंधळ: जिनिंग नऊ वर्षांपासून सुरू करताना फक्त पावणे दोन एकर जमिनीचा (भूमापन क्र. 18) औद्योगिक वापरासाठी अकृषक परवाना होता तर सव्वा पाच एकर जमिनीचा (भूमापन क्र. १७) अकृषक परवाना चक्क ११ एप्रिल २०२५ रोजी काढण्यात आला. प्रश्न असा उरतो की, गेल्या नऊ वर्षांपासून विना-परवाना ही जिनिंग सुरू कशी होती? प्रशासनाने या बेकायदेशीर बांधकामाकडे डोळेझाक का केली? ३. ३५ कोटींचे रहस्यमयी कर्ज आणि आग: अवघ्या काही दिवसांपूर्वी, म्हणजे ५ फेब्रुवारी २०२६ रोजी सव्वा पाच एकर जागा आणि जिनिंग बँकेकडे गहाण ठेवून ३५ कोटी रुपयांचे कर्ज घेतल्याची नोंद ७/१२ वर करण्यात आली. कर्ज घेतल्याच्या अवघ्या सात दिवसांत (१२ फेब्रुवारी) भीषण आग लागते, हे केवळ योगायोग असू शकत नाही. विमा हडपण्यासाठी किंवा कर्जाच्या फेऱ्यातून सुटण्यासाठी हा रचलेला कट तर नाही ना? अशी शंका आता उपस्थित होत आहे. ४. मजुरांच्या जीवाशी खेळ: जिनिंगच्या आवारातच मजुरांच्या निवासी खोल्या आहेत. कापूस साठवण्याची जागा आणि राहत्या खोल्या यात साधी सुरक्षा भिंतही

नाही. कापूस हा ज्वालाग्राही असताना मजुरांच्या लेकरांना आगीच्या तोंडावर ठेवण्याचे पातक या व्यवस्थापनाने केले आहे. प्रशासनाला विचारलेले टोकदार प्रश्न: नगर रचना विभाग: ९ वर्षे विना-NA जमीन वापरावर जिनिंग कशी सुरू होती? महावितरण: हायव्होल्टेज लाईनच्या खाली जिनिंगला परवानगी कोणी दिली? उघड्या वायरिंगवर कारवाई का झाली नाही? बँक प्रशासन: ज्या जागेचा वापर वादग्रस्त आहे, तिथे ३५ कोटींचे कर्ज वाटप करताना स्थळ पाहणी (Site Visit) का केली नाही? पोलीस विभाग: या प्रकरणात केवळ 'अपघात' म्हणून नोंद न करता, 'मनुष्यवधाचा' आणि 'आर्थिक फसवणुकीचा' गुन्हा दाखल करणार का? मानवीय वास्तव एकीकडे ३५ कोटींच्या कर्जाचे आणि विम्याचे आकडे फिरत असताना, मध्यप्रदेशातून आलेल्या त्या गरीब मजुराच्या पोटी जन्माला आलेला ४ वर्षांचा रोहन आज या जगातून गेला आहे. त्याच्या मृत्यूला ही भ्रष्ट व्यवस्था जबाबदार नाही का? असा प्रश्न कृषी उत्पन्न बाजार समिती संचालक मांढळ संजय भोतमांगे यांनी केला तर याबाबत माहिती घेऊन संबंधीत विभागामार्फत चौकशी करून योग्य ती कारवाई करण्यात येईल असे.- अमित घाटगे, तहसीलदार,कुही यांनी सांगितले

More news from महाराष्ट्र and nearby areas