గుంటూరు ఈస్ట్ సబ్ డివిజన్ డీఎస్పీగా సేవలందించిన అబ్దుల్ అజీజ్ సాధారణ బదిలీలో భాగంగా రేపల్లెకు డీఎస్పీగా వెళ్తున్నారు. ఈ సందర్భంగా కొత్తపేట, లాలాపేట, ఓల్డ్ గుంటూరు, ట్రాఫిక్ సీఐలు ఆయనకు ఆత్మీయ వీడ్కోలు పలికారు. డీఎస్పీ అబ్దుల్ అజీజ్ అందించిన ఎనలేని సేవలను, ఎంత పెద్ద క్లిష్టమైన కేసునైనా తనకున్న అనుభవంతో పరిష్కరించే నైపుణ్యాన్ని ఈస్ట్ సీఐలు కొనియాడారు. గడిచిన రెండేళ్ల కాలంలో ఆయన అనుభవంతో ఎన్నో కేసులను పరిష్కరించామని, ఒక పోలీస్ అధికారి సమాజం పట్ల ఎలా ఉండాలో అజీజ్ గారిని చూసి నేర్చుకోవాలని పలువురు సీఐలు పేర్కొన్నారు. డీఎస్పీగా తమ పై అధికారిగా ఉన్నప్పటికీ, ఆయన ఎప్పుడూ తోటి ఉద్యోగిలా వ్యవహరించారని వ్యాఖ్యానించారు. అబ్దుల్ అజీజ్ మాట్లాడుతూ, సింగరాయకొండలో జన్మించిన తాను ఎంతో కష్టపడి పోలీసు ఉద్యోగం సాధించానని, ఉద్యోగంలో ఎన్నో ఒడిదుడుకులు ఎదుర్కొన్నానని గుర్తు చేసుకున్నారు. జిల్లా ఎస్పీ వకుల్ జిందాల్ గారితో పని చేయడం ఎంతో ఆనందాన్ని ఇచ్చిందని, ఆయన ఆదేశాల మేరకు ఈస్ట్ సబ్ డివిజన్ లో గంజాయి మరియు రౌడీ షీటర్ల పై ఉక్కుపాదం మోపామని తెలిపారు. సీఐలుగా సేవలందిస్తున్న అధికారులు అందరూ తనకెంతో సహాయ సహకారాలు అందించారని కృతజ్ఞతలు తెలియజేశారు. గుంటూరులో ఉద్యోగం చేయడం ఆనందాన్ని ఇచ్చిందని, రేపల్లెకు బదిలీ అవుతున్నప్పటికీ గుంటూరులో చేసిన సేవలను ఎప్పటికీ మరువలేనని అబ్దుల్ అజీజ్ భావోద్వేగానికి లోనయ్యారు. గుంటూరు ప్రజలు ఎంతో తెలివైనవారని, విభిన్న వర్గాలు ఉన్నప్పటికీ అందరూ ఎంతో చక్కగా కలిసి ఉంటారని పేర్కొంటూ, ఇలాంటి ఊరిని వదిలి వెళ్ళటం మనసుకి నచ్చనప్పటికీ ఉద్యోగమే మనకి అన్నీ అని భావోద్వేగంగా వ్యాఖ్యానించారు.

Journalist SIDDHU

Guntur, Andhra Pradesh•

3 hrs ago

గుంటూరు ఈస్ట్ సబ్ డివిజన్ డీఎస్పీగా సేవలందించిన అబ్దుల్ అజీజ్ సాధారణ బదిలీలో భాగంగా రేపల్లెకు డీఎస్పీగా వెళ్తున్నారు. ఈ సందర్భంగా కొత్తపేట, లాలాపేట, ఓల్డ్ గుంటూరు, ట్రాఫిక్ సీఐలు ఆయనకు ఆత్మీయ వీడ్కోలు పలికారు. డీఎస్పీ అబ్దుల్ అజీజ్ అందించిన ఎనలేని సేవలను, ఎంత పెద్ద క్లిష్టమైన కేసునైనా తనకున్న అనుభవంతో పరిష్కరించే నైపుణ్యాన్ని ఈస్ట్ సీఐలు కొనియాడారు. గడిచిన రెండేళ్ల కాలంలో ఆయన అనుభవంతో ఎన్నో కేసులను పరిష్కరించామని, ఒక పోలీస్ అధికారి సమాజం పట్ల ఎలా ఉండాలో అజీజ్ గారిని చూసి నేర్చుకోవాలని పలువురు సీఐలు పేర్కొన్నారు. డీఎస్పీగా తమ పై అధికారిగా ఉన్నప్పటికీ, ఆయన ఎప్పుడూ తోటి ఉద్యోగిలా వ్యవహరించారని వ్యాఖ్యానించారు. అబ్దుల్ అజీజ్ మాట్లాడుతూ, సింగరాయకొండలో జన్మించిన తాను ఎంతో కష్టపడి పోలీసు ఉద్యోగం సాధించానని, ఉద్యోగంలో ఎన్నో ఒడిదుడుకులు ఎదుర్కొన్నానని గుర్తు చేసుకున్నారు. జిల్లా ఎస్పీ వకుల్ జిందాల్ గారితో పని చేయడం ఎంతో ఆనందాన్ని ఇచ్చిందని, ఆయన ఆదేశాల మేరకు ఈస్ట్ సబ్ డివిజన్ లో గంజాయి మరియు రౌడీ షీటర్ల పై ఉక్కుపాదం మోపామని తెలిపారు. సీఐలుగా సేవలందిస్తున్న అధికారులు అందరూ తనకెంతో సహాయ సహకారాలు అందించారని కృతజ్ఞతలు తెలియజేశారు. గుంటూరులో ఉద్యోగం చేయడం ఆనందాన్ని ఇచ్చిందని, రేపల్లెకు బదిలీ అవుతున్నప్పటికీ గుంటూరులో చేసిన సేవలను ఎప్పటికీ మరువలేనని అబ్దుల్ అజీజ్ భావోద్వేగానికి లోనయ్యారు. గుంటూరు ప్రజలు ఎంతో తెలివైనవారని, విభిన్న వర్గాలు ఉన్నప్పటికీ అందరూ ఎంతో చక్కగా కలిసి ఉంటారని పేర్కొంటూ, ఇలాంటి ఊరిని వదిలి వెళ్ళటం మనసుకి నచ్చనప్పటికీ ఉద్యోగమే మనకి అన్నీ అని భావోద్వేగంగా వ్యాఖ్యానించారు.