छत्रपती संभाजीनगर शहर पोलिसांच्या गुन्हे शाखेने शुक्रवारी पहाटे एक अत्यंत गोपनीय आणि मोठी कारवाई करत शहरातील मिटमिटा परिसरातील तथाकथित ‘बाबा डॉन’च्या आलिशान बंगल्यावर धाड टाकली. ही धडक कारवाई तब्बल २१ तास सुरू होती. या मोहिमेत गुन्हे शाखेसह आर्थिक गुन्हे शाखा आणि वरिष्ठ पोलीस अधिकाऱ्यांचे विशेष पथक सहभागी झाले होते. पोलिसांनी बंगल्याची सखोल झडती घेतली असता, दोन खोल्यांमध्ये मोठ्या प्रमाणात संशयास्पद बेहिशोबी रोकड आढळून आली. ही रक्कम इतकी मोठी होती की, तिची मोजणी करण्यासाठी पोलिसांना पाचपेक्षा अधिक नोटा मोजण्याची मशिन मागवावी लागली. जप्त केलेल्या रकमेतील बहुतांश रक्कम ५०० रुपयांच्या नोटांच्या स्वरूपात असल्याची प्राथमिक माहिती समोर आली आहे. ९० च्या दशकात शहरात दहशत निर्माण करणाऱ्या या कथित डॉनचा काही काळापूर्वी मृत्यू झाल्याची माहितीही आता उजेडात आली आहे. सध्या पोलीस जप्त केलेली रोकड, संबंधित कागदपत्रे आणि आर्थिक व्यवहारांची कसून चौकशी करत आहेत. या कारवाईमुळे संपूर्ण संभाजीनगर शहरात एकच खळबळ उडाली असून, या प्रकरणात आणखी धक्कादायक खुलासे होण्याची शक्यता वर्तवली जात आहे.

RahimKhan Pathan

Voice of people सोयगाव, औरंगाबाद, महाराष्ट्र•

11 hrs ago

छत्रपती संभाजीनगर शहर पोलिसांच्या गुन्हे शाखेने शुक्रवारी पहाटे एक अत्यंत गोपनीय आणि मोठी कारवाई करत शहरातील मिटमिटा परिसरातील तथाकथित ‘बाबा डॉन’च्या आलिशान बंगल्यावर धाड टाकली. ही धडक कारवाई तब्बल २१ तास सुरू होती. या मोहिमेत गुन्हे शाखेसह आर्थिक गुन्हे शाखा आणि वरिष्ठ पोलीस अधिकाऱ्यांचे विशेष पथक सहभागी झाले होते. पोलिसांनी बंगल्याची सखोल झडती घेतली असता, दोन खोल्यांमध्ये मोठ्या प्रमाणात संशयास्पद बेहिशोबी रोकड आढळून आली. ही रक्कम इतकी मोठी होती की, तिची मोजणी करण्यासाठी पोलिसांना पाचपेक्षा अधिक नोटा मोजण्याची मशिन मागवावी लागली. जप्त केलेल्या रकमेतील बहुतांश रक्कम ५०० रुपयांच्या नोटांच्या स्वरूपात असल्याची प्राथमिक माहिती समोर आली आहे. ९० च्या दशकात शहरात दहशत निर्माण करणाऱ्या या कथित डॉनचा काही काळापूर्वी मृत्यू झाल्याची माहितीही आता उजेडात आली आहे. सध्या पोलीस जप्त केलेली रोकड, संबंधित कागदपत्रे आणि आर्थिक व्यवहारांची कसून चौकशी करत आहेत. या कारवाईमुळे संपूर्ण संभाजीनगर शहरात एकच खळबळ उडाली असून, या प्रकरणात आणखी धक्कादायक खुलासे होण्याची शक्यता वर्तवली जात आहे.