जागतिक हवामान बदलामुळे निर्माण होणाऱ्या 'एल निनो'च्या संभाव्य संकटातून आगामी काळात चारा टंचाई उद्भवण्याची शक्यता आहे. या परिस्थितीचा पशुधन व दुग्धोत्पादनावर विपरीत परिणाम होऊ नये म्हणून, राज्यातील सर्व पशुपालकांनी आतापासूनच सतर्क राहून चारा पिकांचे नियोजन करावे, असे आवाहन पशुसंवर्धन आयुक्त डॉ. किरण पाटील यांनी केले आहे. या संभाव्य संकटाचा सामना समर्थपणे करण्यासाठी, पशुसंवर्धन विभागाने पशुपालक आणि शेतकरी यांना पोषक व बहुउद्देशीय चारा पिकांची निवड करण्याचे आवाहन केले आहे. गाई व म्हशींच्या उत्तम आरोग्यासाठी आणि दूध उत्पादनात घट टाळण्यासाठी अशा पिकांची लागवड करावी, ज्यातून मुख्य शेतमालासोबतच जनावरांसाठी दर्जेदार चाराही उपलब्ध होईल. शेतकऱ्यांनी आपल्या शेताच्या बांधावर किंवा पडीक जमिनीवर येणारे नैसर्गिक गवत वाया न घालवता त्याचे योग्य जतन करावे, कारण पावसाची ओढ किंवा टंचाईच्या काळात ते महत्त्वाचा आधार ठरू शकते. भविष्यातील टंचाई टाळण्यासाठी, उपलब्ध जमिनीवर मोठ्या प्रमाणावर चारा उत्पादनावर भर देऊन, उत्पादित केलेला अतिरिक्त चारा 'मुरघास' किंवा सुक्या चाऱ्याच्या स्वरूपात साठवून ठेवण्याचे निर्देशही देण्यात आले आहेत. पशुसंवर्धन विभागामार्फत 'एल निनो'च्या संभाव्य संकटाचा सामना करण्यासाठी पशुपालक शेतकरी बांधवांना विविध माध्यमातून मार्गदर्शन करण्याचे नियोजन सुरू आहे. या संकटकाळात पशुधनाची काळजी घेण्यासाठी पशुसंवर्धन विभाग सक्षम असून, कोणत्याही शंका किंवा अडचणींसाठी पशुपालकांनी १९६२ या कॉल सेंटर नंबरवरून माहिती व पशुवैद्यकीय सेवा प्राप्त करून घ्यावी, असे आवाहन विभागाने केले आहे. एल निनोच्या सावटामुळे उद्भवणाऱ्या संभाव्य टंचाईचा फटका आपल्या पशुधनाला बसू नये, ही आपली प्राथमिकता असली पाहिजे. योग्य नियोजन, पोषक चारा पिकांची निवड आणि उपलब्ध चाऱ्याची साठवणूक करून पशुधनाचे पोषण आणि आर्थिक उत्पन्न दोन्ही सुरक्षित ठेवता येईल, असे डॉ. पाटील यांनी म्हटले आहे. सर्व पशुपालकांनी या आवाहनाचा गांभीर्याने विचार करून तातडीने अंमलबजावणी करावी.

संस्कार न्यूज

Advertising agency कर्जत, अहमदनगर, महाराष्ट्र•

17 hrs ago

जागतिक हवामान बदलामुळे निर्माण होणाऱ्या 'एल निनो'च्या संभाव्य संकटातून आगामी काळात चारा टंचाई उद्भवण्याची शक्यता आहे. या परिस्थितीचा पशुधन व दुग्धोत्पादनावर विपरीत परिणाम होऊ नये म्हणून, राज्यातील सर्व पशुपालकांनी आतापासूनच सतर्क राहून चारा पिकांचे नियोजन करावे, असे आवाहन पशुसंवर्धन आयुक्त डॉ. किरण पाटील यांनी केले आहे. या संभाव्य संकटाचा सामना समर्थपणे करण्यासाठी, पशुसंवर्धन विभागाने पशुपालक आणि शेतकरी यांना पोषक व बहुउद्देशीय चारा पिकांची निवड करण्याचे आवाहन केले आहे. गाई व म्हशींच्या उत्तम आरोग्यासाठी आणि दूध उत्पादनात घट टाळण्यासाठी अशा पिकांची लागवड करावी, ज्यातून मुख्य शेतमालासोबतच जनावरांसाठी दर्जेदार चाराही उपलब्ध होईल. शेतकऱ्यांनी आपल्या शेताच्या बांधावर किंवा पडीक जमिनीवर येणारे नैसर्गिक गवत वाया न घालवता त्याचे योग्य जतन करावे, कारण पावसाची ओढ किंवा टंचाईच्या काळात ते महत्त्वाचा आधार ठरू शकते. भविष्यातील टंचाई टाळण्यासाठी, उपलब्ध जमिनीवर मोठ्या प्रमाणावर चारा उत्पादनावर भर देऊन, उत्पादित केलेला अतिरिक्त चारा 'मुरघास' किंवा सुक्या चाऱ्याच्या स्वरूपात साठवून ठेवण्याचे निर्देशही देण्यात आले आहेत. पशुसंवर्धन विभागामार्फत 'एल निनो'च्या संभाव्य संकटाचा सामना करण्यासाठी पशुपालक शेतकरी बांधवांना विविध माध्यमातून मार्गदर्शन करण्याचे नियोजन सुरू आहे. या संकटकाळात पशुधनाची काळजी घेण्यासाठी पशुसंवर्धन विभाग सक्षम असून, कोणत्याही शंका किंवा अडचणींसाठी पशुपालकांनी १९६२ या कॉल सेंटर नंबरवरून माहिती व पशुवैद्यकीय सेवा प्राप्त करून घ्यावी, असे आवाहन विभागाने केले आहे. एल निनोच्या सावटामुळे उद्भवणाऱ्या संभाव्य टंचाईचा फटका आपल्या पशुधनाला बसू नये, ही आपली प्राथमिकता असली पाहिजे. योग्य नियोजन, पोषक चारा पिकांची निवड आणि उपलब्ध चाऱ्याची साठवणूक करून पशुधनाचे पोषण आणि आर्थिक उत्पन्न दोन्ही सुरक्षित ठेवता येईल, असे डॉ. पाटील यांनी म्हटले आहे. सर्व पशुपालकांनी या आवाहनाचा गांभीर्याने विचार करून तातडीने अंमलबजावणी करावी.