चांदवडला सामाजिक सद्भाव कार्य बैठकीत परस्पर संवादातून सामाजिक ऐक्याला बळकटी; चांदवड तालुका सद्भाव बैठक उत्साहात चांदवड तालुक्यातील सर्व ज्ञाती प्रमुख व प्रतिनिधींची सामाजिक सद्भाव बैठक येथील रेणुका लॉन्स येथे उत्साहपूर्ण वातावरणात पार पडली. समाजातील विविध घटकांमध्ये परस्पर संवाद, एकता, समरसता आणि बंधुभाव दृढ करण्याच्या उद्देशाने या बैठकीचे आयोजन करण्यात आले होते. कार्यक्रमाची सुरुवात भारत मातेच्या प्रतिमा पूजनाने करण्यात आली. सागर कोकणे यांनी गीत सादर केले. कार्यक्रमाचे प्रास्ताविक व मान्यवरांचा परिचय शांताराम हांडगे यांनी करून दिला. बैठकीस राष्ट्रीय स्वयंसेवक संघाचे नाशिक जिल्हा कार्यवाह गंगाधर पगार, नाशिक विभाग सामाजिक सद्भाव कार्य संयोजक मदनजी भंदुरे, चांदवड तालुका संघचालक उत्तमराव जाधव यांची प्रमुख उपस्थिती होती. यावेळी मार्गदर्शन करताना गंगाधर पगार यांनी राष्ट्रीय स्वयंसेवक संघाच्या शताब्दी वर्षाच्या पार्श्वभूमीवर संघाची स्थापना, आजवरची वाटचाल आणि विविध क्षेत्रांमध्ये संघाने केलेल्या कार्याचा आढावा घेतला. समाजाच्या भकम संघटनासाठी परस्पर संवाद व सहकार्याचे महत्त्व त्यांनी अधोरेखित केले. नाशिक विभाग संयोजक मदनजी भंदुरे यांनी ‘पंच परिवर्तन’ या संकल्पनेवर उपस्थितांशी संवाद साधला. त्यात पर्यावरण संवर्धन, कुटुंब प्रबोधन, सामाजिक समरसता, नागरी कर्तव्य तसेच स्वबोध व स्वावलंबन या विविध विषयांच्या माध्यमातून समाजजीवनात सकारात्मक परिवर्तन घडविण्याची गरज त्यांनी स्पष्ट केली. यासोबतच त्यांनी भारतीय संस्कृती, रक्षाबंधन उत्सवाचे महत्त्व आणि समाजातील परस्पर बंधुभाव याबाबतही त्यांनी मार्गदर्शन केले. बैठकीत सध्याच्या समाजातील सामाजिक व आर्थिक समस्या, त्यावरील उपाययोजनांबाबत सविस्तर चर्चा करण्यात आली. तालुक्यातील विविध समाजघटकांनी एकत्र येऊन सामूहिकपणे कार्य करण्याचा निर्धार केला. उपस्थित विविध ज्ञाती प्रमुखांनी आपले विचार मांडत, सामाजिक सद्भाव अधिक दृढ करण्यासाठी पूर्ण सहकार्य करण्याची भूमिका व्यक्त केली. या बैठकीस चांदवड तालुक्यातील २५ ज्ञातींचे प्रतिनिधी उपस्थित होते. विविध समाजघटकांच्या प्रतिनिधींच्या उपस्थितीमुळे बैठकीला व्यापक स्वरूप प्राप्त झाले. कार्यक्रमाच्या समारोपप्रसंगी जयश्री वणवे यांनी पसायदान सादर केले. चांदवड तालुक्यातील विविध समाजघटकांना एकाच व्यासपीठावर आणून परस्पर संवाद व सामाजिक ऐक्याला बळकटी देणारी ही सद्भाव बैठक आगामी काळातील सकारात्मक सामाजिक वाटचालीसाठी अत्यंत महत्त्वपूर्ण ठरली आहे. सामाजिक एकता, समरसता आणि बंधुभावाचा संदेश देत या यशस्वी बैठकीची सांगता करण्यात आली.

Mahendra kantubhai Gujrathi

Local News Reporter चांदवड, नाशिक, महाराष्ट्र•

1 hr ago

चांदवडला सामाजिक सद्भाव कार्य बैठकीत परस्पर संवादातून सामाजिक ऐक्याला बळकटी; चांदवड तालुका सद्भाव बैठक उत्साहात चांदवड तालुक्यातील सर्व ज्ञाती प्रमुख व प्रतिनिधींची सामाजिक सद्भाव बैठक येथील रेणुका लॉन्स येथे उत्साहपूर्ण वातावरणात पार पडली. समाजातील विविध घटकांमध्ये परस्पर संवाद, एकता, समरसता आणि बंधुभाव दृढ करण्याच्या उद्देशाने या बैठकीचे आयोजन करण्यात आले होते. कार्यक्रमाची सुरुवात भारत मातेच्या प्रतिमा पूजनाने करण्यात आली. सागर कोकणे यांनी गीत सादर केले. कार्यक्रमाचे प्रास्ताविक व मान्यवरांचा परिचय शांताराम हांडगे यांनी करून दिला. बैठकीस राष्ट्रीय स्वयंसेवक संघाचे नाशिक जिल्हा कार्यवाह गंगाधर पगार, नाशिक विभाग सामाजिक सद्भाव कार्य संयोजक मदनजी भंदुरे, चांदवड तालुका संघचालक उत्तमराव जाधव यांची प्रमुख उपस्थिती होती. यावेळी मार्गदर्शन करताना गंगाधर पगार यांनी राष्ट्रीय स्वयंसेवक संघाच्या शताब्दी वर्षाच्या पार्श्वभूमीवर संघाची स्थापना, आजवरची वाटचाल आणि विविध क्षेत्रांमध्ये संघाने केलेल्या कार्याचा आढावा घेतला. समाजाच्या भकम संघटनासाठी परस्पर संवाद व सहकार्याचे महत्त्व त्यांनी अधोरेखित केले. नाशिक विभाग संयोजक मदनजी भंदुरे यांनी ‘पंच परिवर्तन’ या संकल्पनेवर उपस्थितांशी संवाद साधला. त्यात पर्यावरण संवर्धन, कुटुंब प्रबोधन, सामाजिक समरसता, नागरी कर्तव्य तसेच स्वबोध व स्वावलंबन या विविध विषयांच्या माध्यमातून समाजजीवनात सकारात्मक परिवर्तन घडविण्याची गरज त्यांनी स्पष्ट केली. यासोबतच त्यांनी भारतीय संस्कृती, रक्षाबंधन उत्सवाचे महत्त्व आणि समाजातील परस्पर बंधुभाव याबाबतही त्यांनी मार्गदर्शन केले. बैठकीत सध्याच्या समाजातील सामाजिक व आर्थिक समस्या, त्यावरील उपाययोजनांबाबत सविस्तर चर्चा करण्यात आली. तालुक्यातील विविध समाजघटकांनी एकत्र येऊन सामूहिकपणे कार्य करण्याचा निर्धार केला. उपस्थित विविध ज्ञाती प्रमुखांनी आपले विचार मांडत, सामाजिक सद्भाव अधिक दृढ करण्यासाठी पूर्ण सहकार्य करण्याची भूमिका व्यक्त केली. या बैठकीस चांदवड तालुक्यातील २५ ज्ञातींचे प्रतिनिधी उपस्थित होते. विविध समाजघटकांच्या प्रतिनिधींच्या उपस्थितीमुळे बैठकीला व्यापक स्वरूप प्राप्त झाले. कार्यक्रमाच्या समारोपप्रसंगी जयश्री वणवे यांनी पसायदान सादर केले. चांदवड तालुक्यातील विविध समाजघटकांना एकाच व्यासपीठावर आणून परस्पर संवाद व सामाजिक ऐक्याला बळकटी देणारी ही सद्भाव बैठक आगामी काळातील सकारात्मक सामाजिक वाटचालीसाठी अत्यंत महत्त्वपूर्ण ठरली आहे. सामाजिक एकता, समरसता आणि बंधुभावाचा संदेश देत या यशस्वी बैठकीची सांगता करण्यात आली.