ఆల్ ఇండియా ట్రేడ్ యూనియన్ కాంగ్రెస్ (ఏఐటీయూసీ) రామగుండం నగర సమితి ఆధ్వర్యంలో, గోదావరిఖని అధ్యక్షులు అబ్దుల్ కరీం మరియు ప్రధాన కార్యదర్శి శనిగరపు చంద్రశేఖర్ ల నేతృత్వంలో సింగరేణిలోని అన్ని డివిజన్ల కాంట్రాక్ట్ కార్మికులకు కనీస వేతనం ₹26,000/- ఇవ్వాలని, ఇఎస్ఐ సౌకర్యాన్ని వెంటనే అమలు చేయాలని డిమాండ్ చేస్తూ ఆర్‌జి 1 పర్సనల్ మేనేజర్ ముప్పిడి రవీందర్ రెడ్డి గారికి వినతిపత్రం సమర్పించారు. తెలంగాణ రాష్ట్ర ముఖ్యమంత్రి ఏనుముల రేవంత్ రెడ్డి గారు ప్రకటించిన వేతనాలు సింగరేణి కాంట్రాక్ట్ కార్మికులకు నష్టం కలిగించే విధంగా ఉన్నాయని, వేతన సవరణ ప్రకారం పెరుగుతున్న జీవన ఖర్చులకు అనుగుణంగా ప్రభుత్వం వేతనాలను సవరించలేదని ఏఐటీయూసీ విమర్శించింది. కోల్ ఇండియాలో చెల్లిస్తున్న వేతనాలకు, సింగరేణిలో అమలు చేస్తున్న వేతనాలకు చాలా వ్యత్యాసం ఉందని, సింగరేణి కాంట్రాక్ట్ కార్మికులు అరకొర వేతనాలతో జీవితాలు గడుపుతూ శ్రమ దోపిడీకి గురవుతున్నారని వారు ఆవేదన వ్యక్తం చేశారు. ప్రస్తుత ప్రభుత్వం గెలుపుకు ముందు ఇచ్చిన వాగ్దానాలను మరిచి కాంట్రాక్ట్ కార్మికుల ఆశలను అడియాసలు చేసిందని ఆరోపించారు. రాష్ట్ర ప్రభుత్వం ప్రకటించిన జోన్ల విధానం వల్ల ప్రస్తుత వేతనాలు మరింత తగ్గిపోయే అవకాశం ఉందని ఆందోళన వ్యక్తం చేశారు. కోల్ ఇండియా మాదిరిగానే సింగరేణిలో కూడా కాంట్రాక్ట్ కార్మికుల వేతనాలను నిర్ణయించి అమలు చేయాలని, కార్మికులు చేస్తున్న పని ఆధారంగా స్కిల్డ్, సెమీ స్కిల్డ్, హైలీ స్కిల్డ్ వేతనాలను చెల్లించాలని వారు డిమాండ్ చేశారు. యాజమాన్యం వెంటనే సీఎంపీఎఫ్ (CMPF) ను అప్‌డేట్ చేయాలని, సకాలంలో కాంట్రాక్ట్ కార్మికుల పీఎఫ్ ఖాతాలలో నగదును జమ చేయాలని, వివరాలను ప్రతి నెలా వెల్లడించాలని కోరారు. కార్మికులకు ప్రతినెలా జీతం, సీఎంపీఎఫ్ స్లిప్పులు అందజేయాలని, వేతనాల చెల్లింపులో జాప్యం లేకుండా చూడాలని వారు కోరారు. ప్రతి నెలా మొదటి వారంలో జీతాలు చెల్లించని కాంట్రాక్టర్‌లను బ్లాక్ లిస్ట్‌లో పెట్టి, వారి లైసెన్సులను రద్దు చేసి, కార్మికులను గుర్తించి ఆదుకోవాలని, లేని పక్షంలో ఏఐటీయూసీ రామగుండం నగర సమితి ఆధ్వర్యంలో దశలవారీ ఆందోళనలతో జీఎం కార్యాలయాన్ని దిగ్బంధనం చేస్తామని అధ్యక్షులు అబ్దుల్ కలాం మరియు ప్రధాన కార్యదర్శి శనిగరపు చంద్రశేఖర్ హెచ్చరించారు.

Thalapalli Ramesh

బెల్లంపల్లె, మంచిర్యాల, తెలంగాణ•

18 hrs ago

ఆల్ ఇండియా ట్రేడ్ యూనియన్ కాంగ్రెస్ (ఏఐటీయూసీ) రామగుండం నగర సమితి ఆధ్వర్యంలో, గోదావరిఖని అధ్యక్షులు అబ్దుల్ కరీం మరియు ప్రధాన కార్యదర్శి శనిగరపు చంద్రశేఖర్ ల నేతృత్వంలో సింగరేణిలోని అన్ని డివిజన్ల కాంట్రాక్ట్ కార్మికులకు కనీస వేతనం ₹26,000/- ఇవ్వాలని, ఇఎస్ఐ సౌకర్యాన్ని వెంటనే అమలు చేయాలని డిమాండ్ చేస్తూ ఆర్‌జి 1 పర్సనల్ మేనేజర్ ముప్పిడి రవీందర్ రెడ్డి గారికి వినతిపత్రం సమర్పించారు. తెలంగాణ రాష్ట్ర ముఖ్యమంత్రి ఏనుముల రేవంత్ రెడ్డి గారు ప్రకటించిన వేతనాలు సింగరేణి కాంట్రాక్ట్ కార్మికులకు నష్టం కలిగించే విధంగా ఉన్నాయని, వేతన సవరణ ప్రకారం పెరుగుతున్న జీవన ఖర్చులకు అనుగుణంగా ప్రభుత్వం వేతనాలను సవరించలేదని ఏఐటీయూసీ విమర్శించింది. కోల్ ఇండియాలో చెల్లిస్తున్న వేతనాలకు, సింగరేణిలో అమలు చేస్తున్న వేతనాలకు చాలా వ్యత్యాసం ఉందని, సింగరేణి కాంట్రాక్ట్ కార్మికులు అరకొర వేతనాలతో జీవితాలు గడుపుతూ శ్రమ దోపిడీకి గురవుతున్నారని వారు ఆవేదన వ్యక్తం చేశారు. ప్రస్తుత ప్రభుత్వం గెలుపుకు ముందు ఇచ్చిన వాగ్దానాలను మరిచి కాంట్రాక్ట్ కార్మికుల ఆశలను అడియాసలు చేసిందని ఆరోపించారు. రాష్ట్ర ప్రభుత్వం ప్రకటించిన జోన్ల విధానం వల్ల ప్రస్తుత వేతనాలు మరింత తగ్గిపోయే అవకాశం ఉందని ఆందోళన వ్యక్తం చేశారు. కోల్ ఇండియా మాదిరిగానే సింగరేణిలో కూడా కాంట్రాక్ట్ కార్మికుల వేతనాలను నిర్ణయించి అమలు చేయాలని, కార్మికులు చేస్తున్న పని ఆధారంగా స్కిల్డ్, సెమీ స్కిల్డ్, హైలీ స్కిల్డ్ వేతనాలను చెల్లించాలని వారు డిమాండ్ చేశారు. యాజమాన్యం వెంటనే సీఎంపీఎఫ్ (CMPF) ను అప్‌డేట్ చేయాలని, సకాలంలో కాంట్రాక్ట్ కార్మికుల పీఎఫ్ ఖాతాలలో నగదును జమ చేయాలని, వివరాలను ప్రతి నెలా వెల్లడించాలని కోరారు. కార్మికులకు ప్రతినెలా జీతం, సీఎంపీఎఫ్ స్లిప్పులు అందజేయాలని, వేతనాల చెల్లింపులో జాప్యం లేకుండా చూడాలని వారు కోరారు. ప్రతి నెలా మొదటి వారంలో జీతాలు చెల్లించని కాంట్రాక్టర్‌లను బ్లాక్ లిస్ట్‌లో పెట్టి, వారి లైసెన్సులను రద్దు చేసి, కార్మికులను గుర్తించి ఆదుకోవాలని, లేని పక్షంలో ఏఐటీయూసీ రామగుండం నగర సమితి ఆధ్వర్యంలో దశలవారీ ఆందోళనలతో జీఎం కార్యాలయాన్ని దిగ్బంధనం చేస్తామని అధ్యక్షులు అబ్దుల్ కలాం మరియు ప్రధాన కార్యదర్శి శనిగరపు చంద్రశేఖర్ హెచ్చరించారు.