12వ అంతర్జాతీయ యోగా దినోత్సవం సందర్భంగా నల్గొండలోని మేకల అభినవ్ స్టేడియంలో పతంజలి సంస్థ, ఆయుష్ శాఖ, జిల్లా క్రీడాశాఖ సంయుక్త ఆధ్వర్యంలో ఆదివారం యోగా దినోత్సవ కార్యక్రమం ఘనంగా జరిగింది. ఈ కార్యక్రమానికి జిల్లా కలెక్టర్ బి. చంద్రశేఖర్ ముఖ్యఅతిథిగా హాజరై యోగాసనాలు చేశారు. ఈ సందర్భంగా మాట్లాడిన జిల్లా కలెక్టర్ బి. చంద్రశేఖర్, యోగాను ప్రపంచానికి పరిచయం చేసిన గొప్ప దేశం భారతదేశమని, నేడు ప్రపంచవ్యాప్తంగా యోగా ప్రాముఖ్యతను గుర్తించి అనుసరిస్తున్నారని పేర్కొన్నారు. ప్రతిరోజూ 15 నుంచి 20 నిమిషాల పాటు యోగా చేయడం ద్వారా శారీరక, మానసిక ఆరోగ్యాన్ని కాపాడుకోవచ్చని ఆయన సూచించారు. ప్రస్తుతం శారీరక శ్రమ తగ్గడం, ఆహారపు అలవాట్లలో మార్పుల వల్ల అనేక వ్యాధులు వస్తున్నాయని, కాబట్టి ప్రతి ఒక్కరూ యోగా, వ్యాయామం, ఫిట్‌నెస్‌కు ప్రాధాన్యత ఇవ్వాలని పిలుపునిచ్చారు. తాను చదువుకునే రోజుల్లో పెద్దలు "డబ్బు కంటే ఆరోగ్యమే మహాభాగ్యం" అని చెప్పేవారని గుర్తుచేస్తూ, నేటి విద్యార్థులు ప్రతిరోజూ ఆటలతో పాటు యోగా అలవాటు చేసుకోవాలని కలెక్టర్ అన్నారు. భావి భారత పౌరులైన పిల్లలు ఆరోగ్యంగా, దృఢంగా ఎదగాలని ఆకాంక్షించారు. ప్రతి పాఠశాల, ప్రతి కాలనీలో యోగా నిర్వహించేలా చర్యలు తీసుకునే దిశగా కృషి చేస్తామని హామీ ఇచ్చారు. యోగా గురువులు ఆరోగ్యవంతమైన భావి తరాలను తీర్చిదిద్దడంలో కీలక పాత్ర పోషించాలని ఆయన కోరారు. ఈ సందర్భంగా పతంజలి సంస్థ ప్రతినిధి కర్నాటి విజయకుమార్ యోగా ప్రాముఖ్యతను వివరించారు. అనంతరం జిల్లా కలెక్టర్ యోగా గురువులను, సేవలందించిన పలువురిని సన్మానించారు. అంతర్జాతీయ ఒలింపిక్ డే సందర్భంగా నిర్వహించిన ర్యాలీని కూడా జిల్లా కలెక్టర్ జెండా ఊపి ప్రారంభించారు. ఈ కార్యక్రమంలో అదనపు ఎస్పి రమేష్, స్థానిక సంస్థల ఇంచార్జ్ అదనపు కలెక్టర్ వై. అశోక్ రెడ్డి, జిల్లా గ్రంథాలయ సంస్థ చైర్మన్ హఫీజ్ ఖాన్, వైద్యాధికారి రాహుల్, జిల్లాక్రీడల అధికారి అక్బర్ అలీ, నల్గొండ మున్సిపల్ కార్పొరేషన్ కమిషనర్ శరత్చంద్ర, పతంజలి సంస్థ శ్యాంసుందర్, ఆయుష్ శాఖ సుభాషిని, స్థానిక కార్పొరేటర్ సుభాష్, క్రీడాశాఖ అధికారులు, ప్రతినిధులు, యోగా గురువులు, విద్యార్థులు, క్రీడాకారులు, తల్లిదండ్రులు తదితరులు పాల్గొన్నారు. జిల్లా కలెక్టర్ బి. చంద్రశేఖర్ పిలుపునిస్తూ, యోగతోనే ఆరోగ్యవంతమైన సమాజం సాధ్యమని పునరుద్ఘాటించారు.

Praneeth

Nalgonda, Telangana•

1 hr ago

12వ అంతర్జాతీయ యోగా దినోత్సవం సందర్భంగా నల్గొండలోని మేకల అభినవ్ స్టేడియంలో పతంజలి సంస్థ, ఆయుష్ శాఖ, జిల్లా క్రీడాశాఖ సంయుక్త ఆధ్వర్యంలో ఆదివారం యోగా దినోత్సవ కార్యక్రమం ఘనంగా జరిగింది. ఈ కార్యక్రమానికి జిల్లా కలెక్టర్ బి. చంద్రశేఖర్ ముఖ్యఅతిథిగా హాజరై యోగాసనాలు చేశారు. ఈ సందర్భంగా మాట్లాడిన జిల్లా కలెక్టర్ బి. చంద్రశేఖర్, యోగాను ప్రపంచానికి పరిచయం చేసిన గొప్ప దేశం భారతదేశమని, నేడు ప్రపంచవ్యాప్తంగా యోగా ప్రాముఖ్యతను గుర్తించి అనుసరిస్తున్నారని పేర్కొన్నారు. ప్రతిరోజూ 15 నుంచి 20 నిమిషాల పాటు యోగా చేయడం ద్వారా శారీరక, మానసిక ఆరోగ్యాన్ని కాపాడుకోవచ్చని ఆయన సూచించారు. ప్రస్తుతం శారీరక శ్రమ తగ్గడం, ఆహారపు అలవాట్లలో మార్పుల వల్ల అనేక వ్యాధులు వస్తున్నాయని, కాబట్టి ప్రతి ఒక్కరూ యోగా, వ్యాయామం, ఫిట్‌నెస్‌కు ప్రాధాన్యత ఇవ్వాలని పిలుపునిచ్చారు. తాను చదువుకునే రోజుల్లో పెద్దలు "డబ్బు కంటే ఆరోగ్యమే మహాభాగ్యం" అని చెప్పేవారని గుర్తుచేస్తూ, నేటి విద్యార్థులు ప్రతిరోజూ ఆటలతో పాటు యోగా అలవాటు చేసుకోవాలని కలెక్టర్ అన్నారు. భావి భారత పౌరులైన పిల్లలు ఆరోగ్యంగా, దృఢంగా

ఎదగాలని ఆకాంక్షించారు. ప్రతి పాఠశాల, ప్రతి కాలనీలో యోగా నిర్వహించేలా చర్యలు తీసుకునే దిశగా కృషి చేస్తామని హామీ ఇచ్చారు. యోగా గురువులు ఆరోగ్యవంతమైన భావి తరాలను తీర్చిదిద్దడంలో కీలక పాత్ర పోషించాలని ఆయన కోరారు. ఈ సందర్భంగా పతంజలి సంస్థ ప్రతినిధి కర్నాటి విజయకుమార్ యోగా ప్రాముఖ్యతను వివరించారు. అనంతరం జిల్లా కలెక్టర్ యోగా గురువులను, సేవలందించిన పలువురిని సన్మానించారు. అంతర్జాతీయ ఒలింపిక్ డే సందర్భంగా నిర్వహించిన ర్యాలీని కూడా జిల్లా కలెక్టర్ జెండా ఊపి ప్రారంభించారు. ఈ కార్యక్రమంలో అదనపు ఎస్పి రమేష్, స్థానిక సంస్థల ఇంచార్జ్ అదనపు కలెక్టర్ వై. అశోక్ రెడ్డి, జిల్లా గ్రంథాలయ సంస్థ చైర్మన్ హఫీజ్ ఖాన్, వైద్యాధికారి రాహుల్, జిల్లాక్రీడల అధికారి అక్బర్ అలీ, నల్గొండ మున్సిపల్ కార్పొరేషన్ కమిషనర్ శరత్చంద్ర, పతంజలి సంస్థ శ్యాంసుందర్, ఆయుష్ శాఖ సుభాషిని, స్థానిక కార్పొరేటర్ సుభాష్, క్రీడాశాఖ అధికారులు, ప్రతినిధులు, యోగా గురువులు, విద్యార్థులు, క్రీడాకారులు, తల్లిదండ్రులు తదితరులు పాల్గొన్నారు. జిల్లా కలెక్టర్ బి. చంద్రశేఖర్ పిలుపునిస్తూ, యోగతోనే ఆరోగ్యవంతమైన సమాజం సాధ్యమని పునరుద్ఘాటించారు.