ખેડબ્રહ્મા નગરપાલિકાના વોર્ડ નં. 1ના ચીખલી આદિવાસી વિસ્તારમાં પીવાના પાણીની પાઇપલાઇનના કામને લઈને સ્થાનિકોમાં ભારે અસંતોષ પ્રવર્તી રહ્યો છે. આ મામલે એક વીડિયો સોશિયલ મીડિયામાં વાયરલ થતાં વિકાસકામની ગુણવત્તા પર ગંભીર સવાલો ઊભા થયા છે. આ વાયરલ વીડિયોને કારણે ખેડબ્રહ્મા નગરપાલિકાના વિકાસકામો સામે પણ પ્રશ્નાર્થ સર્જાયા છે. સ્થાનિકોના આક્ષેપ મુજબ, ચીખલી આદિવાસી વિસ્તારમાં નંખાયેલી પાઇપલાઇન અત્યંત હલકી ગુણવત્તાની છે. તેમનું કહેવું છે કે લાઇનનું ટેસ્ટિંગ કરીને કામ પૂર્ણ થયાનું દર્શાવીને સરકાર પાસેથી બિલની રકમ ઉપાડી લેવામાં આવી છે, જ્યારે વાસ્તવિક કામ ગુણવત્તાના ધોરણો મુજબ થયું નથી. સ્થાનિક રહેવાસીઓ બુબડિયા બિરબલભાઈ કાનજીભાઈ અને બુબડિયા લક્ષ્મણભાઈ રૂપાભાઈએ આક્ષેપ કર્યો છે કે કોન્ટ્રાક્ટર, સંબંધિત અધિકારીઓ અને નગરપાલિકાના કેટલાક કોર્પોરેટરોની કથિત મિલીભગતને કારણે સરકારી નાણાંનો દુરુપયોગ થયો છે અને લોકોને નબળી ગુણવત્તાનું કામ અપાયું છે. વાયરલ થયેલા વીડિયોમાં પણ પાઇપલાઇનના કામની ગુણવત્તા અંગે ગંભીર પ્રશ્નો ઉઠાવવામાં આવ્યા હોવાનું જણાવાઈ રહ્યું છે. આ સમગ્ર મામલે સ્થાનિકોએ ઉચ્ચ કક્ષાની નિષ્પક્ષ તપાસ કરવા, જવાબદારો સામે કાયદેસરની કાર્યવાહી કરવા અને ગુણવત્તાયુક્ત કામગીરી ફરીથી કરવા માટેની માંગણી કરી છે. હાલ આ બાબતે નગરપાલિકા કે સંબંધિત અધિકારીઓ તરફથી કોઈ સત્તાવાર પ્રતિક્રિયા પ્રાપ્ત થઈ નથી.

Vinay mehta

ખેડબ્રહ્મા, સાબરકાંઠા, ગુજરાત•

7 hrs ago

ખેડબ્રહ્મા નગરપાલિકાના વોર્ડ નં. 1ના ચીખલી આદિવાસી વિસ્તારમાં પીવાના પાણીની પાઇપલાઇનના કામને લઈને સ્થાનિકોમાં ભારે અસંતોષ પ્રવર્તી રહ્યો છે. આ મામલે એક વીડિયો સોશિયલ મીડિયામાં વાયરલ થતાં વિકાસકામની ગુણવત્તા પર ગંભીર સવાલો ઊભા થયા છે. આ વાયરલ વીડિયોને કારણે ખેડબ્રહ્મા નગરપાલિકાના વિકાસકામો સામે પણ પ્રશ્નાર્થ સર્જાયા છે. સ્થાનિકોના આક્ષેપ મુજબ, ચીખલી આદિવાસી વિસ્તારમાં નંખાયેલી પાઇપલાઇન અત્યંત હલકી ગુણવત્તાની છે.

તેમનું કહેવું છે કે લાઇનનું ટેસ્ટિંગ કરીને કામ પૂર્ણ થયાનું દર્શાવીને સરકાર પાસેથી બિલની રકમ ઉપાડી લેવામાં આવી છે, જ્યારે વાસ્તવિક કામ ગુણવત્તાના ધોરણો મુજબ થયું નથી. સ્થાનિક રહેવાસીઓ બુબડિયા બિરબલભાઈ કાનજીભાઈ અને બુબડિયા લક્ષ્મણભાઈ રૂપાભાઈએ આક્ષેપ કર્યો છે કે કોન્ટ્રાક્ટર, સંબંધિત અધિકારીઓ અને નગરપાલિકાના કેટલાક કોર્પોરેટરોની કથિત મિલીભગતને કારણે સરકારી નાણાંનો દુરુપયોગ થયો છે અને લોકોને નબળી

ગુણવત્તાનું કામ અપાયું છે. વાયરલ થયેલા વીડિયોમાં પણ પાઇપલાઇનના કામની ગુણવત્તા અંગે ગંભીર પ્રશ્નો ઉઠાવવામાં આવ્યા હોવાનું જણાવાઈ રહ્યું છે. આ સમગ્ર મામલે સ્થાનિકોએ ઉચ્ચ કક્ષાની નિષ્પક્ષ તપાસ કરવા, જવાબદારો સામે કાયદેસરની કાર્યવાહી કરવા અને ગુણવત્તાયુક્ત કામગીરી ફરીથી કરવા માટેની માંગણી કરી છે. હાલ આ બાબતે નગરપાલિકા કે સંબંધિત અધિકારીઓ તરફથી કોઈ સત્તાવાર પ્રતિક્રિયા પ્રાપ્ત થઈ નથી.