பாஜகவின் முன்னாள் மாநிலத் தலைவராக இருந்த அண்ணாமலை, அக்கட்சியிலிருந்து விலகி இரண்டு வாரங்களுக்கு மேல் ஆகிவிட்ட நிலையிலும், கோவை மாவட்ட பாஜக அலுவலகத்தில் வைக்கப்பட்டுள்ள பேனரில் அவரது புகைப்படம் இன்னும் அகற்றப்படாமல் உள்ளது. இந்த விவகாரம் தற்போது பேசுபொருளாக மாறியுள்ளது.

முதல்வர் விஜய், அண்ணா பிறந்தநாளை முன்னிட்டு தாய்மாமன் தங்க மோதிரம் என்ற புதிய திட்டத்தைத் தொடங்கிவைக்கிறார்.

சபாநாயகர், மின்சாரத்துறை அமைச்சர் பேசிய சில வார்த்தைகளை அவை குறிப்பில் இருந்து நீக்கியுள்ளார். இந்த நடவடிக்கையால் மின்சாரத்துறை அமைச்சர் உரை தொடர்பான குறிப்பிட்ட பகுதிகள் அவைக்குறிப்பில் இடம்பெறாது.

கடலூர் மாவட்டம் விருத்தாசலத்தில் விவசாயிகள் போராட்டம் மற்றும் ஆர்ப்பாட்டத்தில் ஈடுபட்டனர். விவசாயக் கடன் தள்ளுபடி செய்யப்படாததைக் கண்டித்து நடைபெற்ற இந்தப் போராட்டத்தின்போது, தமிழ் நாடு முதலமைச்சர் விஜய் குறித்து 'விவசாய பாவம் சும்மா விடாது' என எச்சரிக்கை விடுக்கப்பட்டது.

சென்னை புறநகர் மாவட்டத்தின் சோழிங்கநல்லூர் பகுதி ஈஞ்சம்பாக்கம், இ.சி.ஆர், அம்மா உணவகம் எதிரில், தமிழக வெற்றி கழகத்தின் தலைவர் மற்றும் தமிழக முதல்வர் சி.ஜோசப் விஜய் அவர்களின் 52வது பிறந்தநாள் விழா சிறப்பாக கொண்டாடப்பட்டது. இந்த விழாவை பகுதி செயலாளர் தனசேகரன் தலைமையில், 194 - மேற்கு வட்டச் செயலாளர் கோபி முன்னிலையில் கேக் வெட்டி தொடங்கினர். இந்த கொண்டாட்டத்தின் ஒரு பகுதியாக, 194 - மேற்கு வட்டத்தைச் சேர்ந்த கே.பாக்யராஜ் மற்றும் வி.தாமஸ் ஆகியோர் இணைந்து 2052 நபர்களுக்கு அருஞ்சுவை சிக்கன் பிரியாணி விருந்து ஏற்பாடு செய்து வழங்கினர். தொடர்ந்து, ஈஞ்சம்பாக்கம் அட்வென்ட் கிறிஸ்தவ நடுநிலைப் பள்ளியில் பயிலும் 300 மாணவ, மாணவிகளுக்கும் கேக் மற்றும் சுவையான சிக்கன் பிரியாணி விருந்து வழங்கப்பட்டு, பிறந்தநாள் கொண்டாடப்பட்டது. இந்த மாபெரும் அன்னதான நிகழ்வில் தமிழக வெற்றி கழக நிர்வாகிகள் மற்றும் பொதுமக்கள் என அனைவரும் திரளாக கலந்துகொண்டு விழாவை சிறப்பித்தனர். இது தமிழக வெற்றி கழகத்தின் ஈஞ்சம்பாக்கம் 194 -வது மேற்கு வட்டம் சார்பில், முதல்வர் சி.ஜோசப் விஜய் அவர்களின் 52வது பிறந்தநாளை முன்னிட்டு நடைபெற்ற மாபெரும் நிகழ்வாகும்.

தமிழ்நாடு முதலமைச்சர் ஜோசப் விஜய் அவர்களின் 52வது பிறந்தநாளை முன்னிட்டு, காஞ்சிபுரம் மாவட்டத்தில் 52 ஆயிரம் மரக்கன்றுகள் நடும் பணி இன்று தொடங்கப்பட்டது. வனத்துறை அமைச்சர் ஆர்.வி. ரஞ்சித் குமார் அவர்கள் காஞ்சிபுரம் மாவட்ட ஆட்சியர் வளாகத்தில் அமைந்துள்ள காவலர் சமுதாயக் கூடம் அருகே மரக்கன்று நடும் பணியினை தொடங்கி வைத்தார். இந்த நிகழ்ச்சியில் மாவட்ட கண்காணிப்பாளர், மாவட்ட ஆட்சித் தலைவர் மற்றும் பிற அரசு அலுவலர்கள் பலர் கலந்து கொண்டனர்.

ராணிப்பேட்டை மேற்கு மாவட்ட பாட்டாளி மக்கள் கட்சியின் (பாமக) ராணிப்பேட்டை தொகுதி சமூக ஊடக பேரவையின் பொறுப்பாளராக சி. விநாயகம் அவர்கள் செயல்பட்டு வருகிறார்.

திருப்பத்தூர் மாவட்டம், வாணியம்பாடி அடுத்த நிம்மியம்பட்டு கிராமத்தில் ஒவ்வொரு செவ்வாய்க்கிழமையும் வழக்கமாக ஆட்டுச்சந்தை நடைபெறும். அதன்படி, இன்று (23) நடைபெற்ற சந்தைக்கு திருவண்ணாமலை, கிருஷ்ணகிரி, ஓசூர் உள்ளிட்ட பல்வேறு பகுதிகளில் இருந்து விற்பனைக்காக ஆடுகள் கொண்டுவரப்பட்டன. இந்த சந்தையில் ஆடுகள் குறைந்தபட்சம் ₹2,000 முதல் அதிகபட்சமாக ₹25,000 வரை விற்பனையானதாக வியாபாரிகள் தெரிவித்தனர். நிம்மியம்பட்டு ஆட்டுச்சந்தையில் ஏராளமான ஆடுகள் விற்பனைக்குக் குவிந்தன.

சேலத்தில் 'பெண் குழந்தைகளைப் பாதுகாப்போம்' உறுதிமொழி எடுக்கும் நிகழ்வில், உறுதிமொழி உரையில் பிழை இருந்ததால், சேலம் மாவட்ட ஆட்சியர் இளம்பகவத் வாசிப்பை பாதியிலேயே நிறுத்தினார். பின்னர், அந்தப் பிழையைத் திருத்தி, அனைவரும் மீண்டும் உறுதிமொழி ஏற்றனர்.