मोशी येथील कचरा डेपोत कचऱ्याच्या ढीगाखाली दबून कामगारांचा मृत्यू झाल्याची अस्वस्थ करणारी दुर्घटना घडली आहे. या दुर्घटनेतून बचावलेल्या आणि जखमी झालेल्या कर्मचाऱ्यांची काल रात्री खासदार सुप्रिया सुळे यांनी साईनाथ हॉस्पिटल येथे जाऊन भेट घेतली व त्यांच्या तब्येतीची विचारपूस केली. यावेळी जखमी कामगारांनी त्या थरकाप उडवणाऱ्या घटनेचा अनुभव सांगितला. या भेटीदरम्यान खासदार सुप्रिया सुळे यांनी उपस्थित वैद्यकीय अधिकाऱ्यांशी चर्चा करून, जखमींवर योग्य आणि तातडीने उपचार करण्यासंबंधीच्या सूचना दिल्या. तसेच या दुर्घटनेत मृत्युमुखी पडलेल्या कामगारांना त्यांनी भावपूर्ण श्रद्धांजली अर्पण केली. ही घटना शासकीय आणि प्रशासकीय निष्काळजीपणाचे थेट उदाहरण असल्याचे सांगत सुप्रिया सुळे यांनी सरकारवर जोरदार टीका केली आहे. शासनाच्या आणि प्रशासनाच्या हलगर्जीपणामुळेच ९ निष्पाप कामगारांना आपले प्राण गमवावे लागले आहेत, तर काही कामगार गंभीर जखमी झाले आहेत, असा आरोप त्यांनी केला. या संपूर्ण प्रकरणाचा सखोल तपास करून दोषींवर कठोर कारवाई करण्यात यावी, तसेच दुर्घटनेत मृत्युमुखी पडलेल्या व जखमी कामगारांना योग्य आणि उचित मोबदला मिळावा, अशी मागणी त्यांनी केली आहे. मोठ्या शहरांचे घनकचरा व्यवस्थापन आणि त्याचा पुनर्वापर यासंदर्भात निश्चित धोरण आखण्याची गरज सुप्रिया सुळे यांनी अधोरेखित केली. प्रत्येक शहराच्या कचरा व्यवस्थापनासाठी शासकीय स्तरावर कठोर कालमर्यादा आणि शास्त्रोक्त पद्धती निश्चित करणे अत्यंत आवश्यक आहे. पुन्हा कोणाचे संसार उजाडू नयेत यासाठी शासनाने या विषयावर गांभीर्याने विचार केला पाहिजे, असे मत त्यांनी व्यक्त केले आहे.

लोकमान्य टाइम्स

पिंपरी चिंचवड, पुणे, महाराष्ट्र•

1 hr ago

मोशी येथील कचरा डेपोत कचऱ्याच्या ढीगाखाली दबून कामगारांचा मृत्यू झाल्याची अस्वस्थ करणारी दुर्घटना घडली आहे. या दुर्घटनेतून बचावलेल्या आणि जखमी झालेल्या कर्मचाऱ्यांची काल रात्री खासदार सुप्रिया सुळे यांनी साईनाथ हॉस्पिटल येथे जाऊन भेट घेतली व त्यांच्या तब्येतीची विचारपूस केली. यावेळी जखमी कामगारांनी त्या थरकाप उडवणाऱ्या घटनेचा अनुभव सांगितला. या भेटीदरम्यान खासदार सुप्रिया सुळे यांनी उपस्थित वैद्यकीय अधिकाऱ्यांशी चर्चा करून, जखमींवर योग्य आणि तातडीने उपचार करण्यासंबंधीच्या सूचना दिल्या. तसेच या दुर्घटनेत मृत्युमुखी पडलेल्या कामगारांना त्यांनी भावपूर्ण श्रद्धांजली अर्पण केली. ही घटना शासकीय आणि प्रशासकीय निष्काळजीपणाचे थेट उदाहरण असल्याचे सांगत सुप्रिया सुळे यांनी सरकारवर जोरदार टीका केली आहे. शासनाच्या आणि प्रशासनाच्या हलगर्जीपणामुळेच ९ निष्पाप कामगारांना आपले प्राण गमवावे लागले आहेत, तर काही कामगार गंभीर जखमी झाले आहेत, असा आरोप त्यांनी केला. या संपूर्ण प्रकरणाचा सखोल तपास करून दोषींवर कठोर कारवाई करण्यात यावी, तसेच दुर्घटनेत मृत्युमुखी पडलेल्या व जखमी कामगारांना योग्य आणि उचित मोबदला मिळावा, अशी मागणी त्यांनी केली आहे. मोठ्या शहरांचे घनकचरा व्यवस्थापन आणि त्याचा पुनर्वापर यासंदर्भात निश्चित धोरण आखण्याची गरज सुप्रिया सुळे यांनी अधोरेखित केली. प्रत्येक शहराच्या कचरा व्यवस्थापनासाठी शासकीय स्तरावर कठोर कालमर्यादा आणि शास्त्रोक्त पद्धती निश्चित करणे अत्यंत आवश्यक आहे. पुन्हा कोणाचे संसार उजाडू नयेत यासाठी शासनाने या विषयावर गांभीर्याने विचार केला पाहिजे, असे मत त्यांनी व्यक्त केले आहे.