पुण्यात लाखो वारकरी दाखल झालेले असताना शुक्रवारी त्यांना तीव्र पाणी टंचाईचा सामना करावा लागला. वारकऱ्यांना पाणी कमी पडू दिले जाणार नाही, अशी वल्गना पुणे महापालिकेने केली होती, मात्र प्रत्यक्षात नाना पेठ, भवानी पेठ आणि गुरुवार पेठ या भागातील वारकऱ्यांना पिण्याच्या पाण्यासाठी वणवण करावी लागली. शाळा, मंगल कार्यालये आणि महापालिकेने तयार केलेल्या पाणवठ्यांवर पाणी उपलब्ध नसल्याचे दिसून आले, तर काही ठिकाणी नळाला अत्यंत कमी दाबाने पाणी येत होते. पाऊस लांबल्यामुळे खडकवासला धरण प्रकल्पातील पाणीसाठा खालावल्याने शहरात पाणी कपात सुरू करण्यात आली होती. आषाढी वारीनिमित्त लाखो वारकरी शहरात मुक्कामी येणार असल्याने ही पाणी कपात मागे घेतली होती, जेणेकरून वारकऱ्यांची गैरसोय होऊ नये. मात्र, शुक्रवारी सकाळी वारकरी आंघोळ आणि कपडे धुण्यासाठी गेले असता त्यांना पाणी नसल्याचा धक्कादायक अनुभव आला. जलवाहिनीत हवा अडकल्यामुळे पाणीपुरवठा विस्कळीत झाला असल्याचे प्रशासनाकडून स्पष्ट करण्यात आले. या प्रकारामुळे संत तुकाराम महाराज आणि संत ज्ञानेश्वर महाराज यांच्या पालखी सोहळ्यातील वारकऱ्यांचे मोठे हाल झाले. संतप्त वारकऱ्यांनी स्थानिक कार्यकर्त्यांकडे तक्रार केली असता, कार्यकर्त्यांनी महापालिका अधिकाऱ्यांशी संपर्क साधण्याचा प्रयत्न केला. सुरुवातीला काही अधिकाऱ्यांनी फोन उचलले नाहीत, तर काही वेळानंतर फोन उचलून त्यांनी पाणीपुरवठा सुरळीत असल्याचा दावा केला, ज्यामुळे वारकऱ्यांमध्ये तीव्र नाराजी पसरली आहे.

पत्रकार सुधाकर गायकवाड

Advertising agency Pune City, Maharashtra•

11 hrs ago

पुण्यात लाखो वारकरी दाखल झालेले असताना शुक्रवारी त्यांना तीव्र पाणी टंचाईचा सामना करावा लागला. वारकऱ्यांना पाणी कमी पडू दिले जाणार नाही, अशी वल्गना पुणे महापालिकेने केली होती, मात्र प्रत्यक्षात नाना पेठ, भवानी पेठ आणि गुरुवार पेठ या भागातील वारकऱ्यांना पिण्याच्या पाण्यासाठी वणवण करावी लागली. शाळा, मंगल कार्यालये आणि महापालिकेने तयार केलेल्या पाणवठ्यांवर पाणी उपलब्ध नसल्याचे दिसून आले, तर काही ठिकाणी नळाला अत्यंत कमी दाबाने पाणी येत होते. पाऊस लांबल्यामुळे खडकवासला धरण प्रकल्पातील पाणीसाठा खालावल्याने शहरात पाणी कपात सुरू करण्यात आली होती. आषाढी वारीनिमित्त लाखो वारकरी शहरात मुक्कामी येणार असल्याने ही पाणी कपात मागे घेतली होती, जेणेकरून वारकऱ्यांची गैरसोय होऊ नये. मात्र, शुक्रवारी सकाळी वारकरी आंघोळ आणि कपडे धुण्यासाठी गेले असता त्यांना पाणी नसल्याचा धक्कादायक अनुभव आला. जलवाहिनीत हवा अडकल्यामुळे पाणीपुरवठा विस्कळीत झाला असल्याचे प्रशासनाकडून स्पष्ट करण्यात आले. या प्रकारामुळे संत तुकाराम महाराज आणि संत ज्ञानेश्वर महाराज यांच्या पालखी सोहळ्यातील वारकऱ्यांचे मोठे हाल झाले. संतप्त वारकऱ्यांनी स्थानिक कार्यकर्त्यांकडे तक्रार केली असता, कार्यकर्त्यांनी महापालिका अधिकाऱ्यांशी संपर्क साधण्याचा प्रयत्न केला. सुरुवातीला काही अधिकाऱ्यांनी फोन उचलले नाहीत, तर काही वेळानंतर फोन उचलून त्यांनी पाणीपुरवठा सुरळीत असल्याचा दावा केला, ज्यामुळे वारकऱ्यांमध्ये तीव्र नाराजी पसरली आहे.