ಹುಬ್ಬಳ್ಳಿಯಲ್ಲಿ ನಡೆದ ದಾರುಣ ಘಟನೆಯಲ್ಲಿ, ಪತ್ನಿ ಮತ್ತು ಮಗಳ ತೀವ್ರ ಮಾನಸಿಕ ಕಿರುಕುಳದಿಂದ ಬೇಸತ್ತ ಗಂಡನೊಬ್ಬ ಡೆತ್‌ನೋಟ್ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ವರದಿಯಾಗಿದೆ. ಬೆಂಗೇರಿಯ ಹರಿಜನ ಕಾಲೋನಿ ನಿವಾಸಿ ಸಂತೋಷ್ ಅಳ್ಳೂರು ಎಂಬ ದುರ್ದೈವಿ, ತಮ್ಮ 18 ವರ್ಷಗಳ ಪ್ರೀತಿಯ ಸಂಸಾರ ನರಕಕ್ಕಿಂತಲೂ ಹಿಂಸೆಯಾಗುತ್ತದೆ ಎಂದು ವಿವರಿಸಿ ಪ್ರಾಣ ಕಳೆದುಕೊಂಡಿದ್ದಾನೆ. ಸಂತೋಷ್ ಮತ್ತು ಆತನ ಪತ್ನಿ ಲಲಿತಾ ಅಳ್ಳೂರು 18 ವರ್ಷಗಳ ಹಿಂದೆ ಪ್ರೀತಿಸಿ ಮದುವೆಯಾಗಿದ್ದರು. ಗಂಡ ಸಂತೋಷ್ ತಾನೇ ಮುತುವರ್ಜಿ ವಹಿಸಿ ಪತ್ನಿ ಲಲಿತಾಳಿಗೆ ಅಂಗನವಾಡಿಯಲ್ಲಿ ಕೆಲಸ ಕೊಡಿಸಿದ್ದನು. ಆದರೆ, ಲಲಿತಾಳಿಗೆ ಅಂಗನವಾಡಿ ಕೆಲಸ ಖಾಯಂ ಆಗುತ್ತಿದ್ದಂತೆ ಆಕೆಯ ನಡವಳಿಕೆಯಲ್ಲಿ ಬದಲಾವಣೆ ಆರಂಭವಾಯಿತು. ಆಕೆ ಗಂಡನನ್ನು ಬಿಟ್ಟು ಊರೂರು ಸುತ್ತಲು ಶುರು ಮಾಡಿದ್ದಳು. ಇದೇ ವಿಚಾರವಾಗಿ ದಂಪತಿ ನಡುವೆ ಹಲವು ಬಾರಿ ತೀವ್ರ ಗಲಾಟೆಗಳು ನಡೆದಿದ್ದವು. ಇಷ್ಟೇ ಅಲ್ಲದೆ, ಪತ್ನಿ ಲಲಿತಾ, ಗಂಡ ಸಂತೋಷ್ ವಿರುದ್ಧ ಮಹಿಳಾ ಪೊಲೀಸ್ ಠಾಣೆಗೆ ದೂರು ಕೂಡ ನೀಡಿದ್ದಳು. ಪೊಲೀಸರು ಈ ಕೌಟುಂಬಿಕ ಸಮಸ್ಯೆಯನ್ನು ಇತ್ಯರ್ಥ ಮಾಡುವ ಬದಲು, ಉಲ್ಟಾ ಗಂಡನಿಗೇ ಕಾಟ ಕೊಡಲು ಶುರು ಮಾಡಿದ್ದರು ಎನ್ನಲಾಗಿದೆ. ಇತ್ತ ಹೆಂಡತಿಯ ಜೊತೆಗೆ ಮಗಳು ಕೂಡ ಸೇರಿಕೊಂಡು ತಂದೆಗೆ ಮಾನಸಿಕ ಕಿರುಕುಳ ನೀಡಲಾರಂಭಿಸಿದ್ದಾಳೆ. ಹೆಂಡತಿ, ಮಗಳು ಮತ್ತು ಪೊಲೀಸರ ಕಾಟ ತೀವ್ರವಾದಾಗ, ಸಂತೋಷ್ ಮಾನಸಿಕವಾಗಿ ಜರ್ಜರಿತನಾಗಿದ್ದಾನೆ. ಇನ್ನು ಈ ಭೂಮಿಯ ಮೇಲೆ ಬದುಕಲು ಸಾಧ್ಯವೇ ಇಲ್ಲ ಎಂದು ನಿರ್ಧರಿಸಿದ ಆತ, ತನ್ನ ಸಾವಿಗೆ ಹೆಂಡತಿ ಮತ್ತು ಮಗಳೇ ಕಾರಣ ಎಂದು ಡೆತ್‌ನೋಟ್ ಬರೆದಿಟ್ಟು ತನ್ನ ಪ್ರಾಣವನ್ನು ತಾನೇ ಕಳೆದುಕೊಂಡಿದ್ದಾನೆ. ಸಾಮಾನ್ಯವಾಗಿ ಗಂಡನ ಕಿರುಕುಳಕ್ಕೆ ಹೆಣ್ಣುಮಕ್ಕಳು ಬಲಿಯಾಗುವ ಘಟನೆಗಳನ್ನು ನೋಡುವಾಗ, ಹುಬ್ಬಳ್ಳಿಯ ಈ ಘಟನೆಯು ಉಲ್ಟಾ ಆಗಿದ್ದು, ಪುರುಷರ ಮೇಲಾಗುವ ಇಂತಹ ಕೌಟುಂಬಿಕ ದೌರ್ಜನ್ಯಗಳ ವಿರುದ್ಧವೂ ಕಠಿಣ ಕಾನೂನು ಕ್ರಮ ಜರುಗಬೇಕಿದೆ ಎಂಬ ಚರ್ಚೆ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.

ಜನತಾ ಕ್ರಾಂತಿ ನ್ಯೂಸ್

ಬೆಳಗಾವಿ, ಬೆಳಗಾವಿ, ಕರ್ನಾಟಕ•

4 hrs ago

ಹುಬ್ಬಳ್ಳಿಯಲ್ಲಿ ನಡೆದ ದಾರುಣ ಘಟನೆಯಲ್ಲಿ, ಪತ್ನಿ ಮತ್ತು ಮಗಳ ತೀವ್ರ ಮಾನಸಿಕ ಕಿರುಕುಳದಿಂದ ಬೇಸತ್ತ ಗಂಡನೊಬ್ಬ ಡೆತ್‌ನೋಟ್ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ವರದಿಯಾಗಿದೆ. ಬೆಂಗೇರಿಯ ಹರಿಜನ ಕಾಲೋನಿ ನಿವಾಸಿ ಸಂತೋಷ್ ಅಳ್ಳೂರು ಎಂಬ ದುರ್ದೈವಿ, ತಮ್ಮ 18 ವರ್ಷಗಳ ಪ್ರೀತಿಯ ಸಂಸಾರ ನರಕಕ್ಕಿಂತಲೂ ಹಿಂಸೆಯಾಗುತ್ತದೆ ಎಂದು ವಿವರಿಸಿ ಪ್ರಾಣ ಕಳೆದುಕೊಂಡಿದ್ದಾನೆ. ಸಂತೋಷ್ ಮತ್ತು ಆತನ ಪತ್ನಿ ಲಲಿತಾ ಅಳ್ಳೂರು 18 ವರ್ಷಗಳ ಹಿಂದೆ ಪ್ರೀತಿಸಿ ಮದುವೆಯಾಗಿದ್ದರು. ಗಂಡ ಸಂತೋಷ್ ತಾನೇ ಮುತುವರ್ಜಿ ವಹಿಸಿ ಪತ್ನಿ ಲಲಿತಾಳಿಗೆ ಅಂಗನವಾಡಿಯಲ್ಲಿ ಕೆಲಸ ಕೊಡಿಸಿದ್ದನು. ಆದರೆ, ಲಲಿತಾಳಿಗೆ ಅಂಗನವಾಡಿ ಕೆಲಸ ಖಾಯಂ ಆಗುತ್ತಿದ್ದಂತೆ ಆಕೆಯ ನಡವಳಿಕೆಯಲ್ಲಿ ಬದಲಾವಣೆ ಆರಂಭವಾಯಿತು. ಆಕೆ ಗಂಡನನ್ನು ಬಿಟ್ಟು ಊರೂರು ಸುತ್ತಲು ಶುರು ಮಾಡಿದ್ದಳು. ಇದೇ ವಿಚಾರವಾಗಿ ದಂಪತಿ ನಡುವೆ ಹಲವು ಬಾರಿ ತೀವ್ರ ಗಲಾಟೆಗಳು ನಡೆದಿದ್ದವು. ಇಷ್ಟೇ ಅಲ್ಲದೆ, ಪತ್ನಿ ಲಲಿತಾ, ಗಂಡ ಸಂತೋಷ್ ವಿರುದ್ಧ ಮಹಿಳಾ ಪೊಲೀಸ್ ಠಾಣೆಗೆ ದೂರು ಕೂಡ ನೀಡಿದ್ದಳು. ಪೊಲೀಸರು ಈ ಕೌಟುಂಬಿಕ ಸಮಸ್ಯೆಯನ್ನು ಇತ್ಯರ್ಥ ಮಾಡುವ ಬದಲು, ಉಲ್ಟಾ ಗಂಡನಿಗೇ ಕಾಟ ಕೊಡಲು ಶುರು ಮಾಡಿದ್ದರು ಎನ್ನಲಾಗಿದೆ. ಇತ್ತ ಹೆಂಡತಿಯ ಜೊತೆಗೆ ಮಗಳು ಕೂಡ ಸೇರಿಕೊಂಡು ತಂದೆಗೆ ಮಾನಸಿಕ ಕಿರುಕುಳ ನೀಡಲಾರಂಭಿಸಿದ್ದಾಳೆ. ಹೆಂಡತಿ, ಮಗಳು ಮತ್ತು ಪೊಲೀಸರ ಕಾಟ ತೀವ್ರವಾದಾಗ, ಸಂತೋಷ್ ಮಾನಸಿಕವಾಗಿ ಜರ್ಜರಿತನಾಗಿದ್ದಾನೆ. ಇನ್ನು ಈ ಭೂಮಿಯ ಮೇಲೆ ಬದುಕಲು ಸಾಧ್ಯವೇ ಇಲ್ಲ ಎಂದು ನಿರ್ಧರಿಸಿದ ಆತ, ತನ್ನ ಸಾವಿಗೆ ಹೆಂಡತಿ ಮತ್ತು ಮಗಳೇ ಕಾರಣ ಎಂದು ಡೆತ್‌ನೋಟ್ ಬರೆದಿಟ್ಟು ತನ್ನ ಪ್ರಾಣವನ್ನು ತಾನೇ ಕಳೆದುಕೊಂಡಿದ್ದಾನೆ. ಸಾಮಾನ್ಯವಾಗಿ ಗಂಡನ ಕಿರುಕುಳಕ್ಕೆ ಹೆಣ್ಣುಮಕ್ಕಳು ಬಲಿಯಾಗುವ ಘಟನೆಗಳನ್ನು ನೋಡುವಾಗ, ಹುಬ್ಬಳ್ಳಿಯ ಈ ಘಟನೆಯು ಉಲ್ಟಾ ಆಗಿದ್ದು, ಪುರುಷರ ಮೇಲಾಗುವ ಇಂತಹ ಕೌಟುಂಬಿಕ ದೌರ್ಜನ್ಯಗಳ ವಿರುದ್ಧವೂ ಕಠಿಣ ಕಾನೂನು ಕ್ರಮ ಜರುಗಬೇಕಿದೆ ಎಂಬ ಚರ್ಚೆ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.