बोरामणीत ‘समाधान’ शिबिराला उत्स्फूर्त प्रतिसाद; शेकडो नागरिक लाभार्थी दक्षिण सोलापूर : महाराष्ट्र शासनाच्या महसूल विभागामार्फत तहसील कार्यालय दक्षिण सोलापूर यांच्या वतीने बोरामणी येथील जिल्हा परिषद प्राथमिक शाळेत “छत्रपती शिवाजी महाराज महाराजस्व अभियान” अंतर्गत ‘समाधान’ शिबिर आयोजित करण्यात आले होते. महसूल प्रशासन अधिक लोकाभिमुख, कार्यक्षम व गतिमान करण्याच्या उद्देशाने आयोजित या शिबिराचा शेकडो नागरिकांनी एकाच दिवशी लाभ घेतला. सदर अभियानाचे उद्घाटन बोरामणी जिल्हा परिषद गटाचे नवनिर्वाचित सदस्य नेताजीभाऊ खंडागळे व पंचायत समिती सदस्य विजय उमाकांत राठोड यांच्या हस्ते शिवप्रतिमेचे पूजन करून करण्यात आले. यावेळी बोरामणीच्या सरपंच अरुणा साळुंखे,धनेश अचलारे, सोमनाथ पटणे,सिद्धाराम हेले, अनिता माळगे, ग्रामपंचायत सदस्य, विविध शासकीय विभागांचे अधिकारी तसेच बोरामणी परिसरातील मोठ्या संख्येने नागरिक उपस्थित होते. तहसील कार्यालय दक्षिण सोलापूर यांच्या वतीने आयोजित या शिबिरात प्रलंबित फेरफार, ७/१२ मधील चुकांची दुरुस्ती, डिजिटल स्वाक्षरी असलेले ७/१२ व ८-अ उताऱ्यांचे वाटप, उत्पन्न, रहिवासी व जातीचे प्रमाणपत्र, नॉन-क्रिमिलियर प्रमाणपत्र, विद्यार्थ्यांचे दाखले, विविध प्रमाणपत्रे, निराधार योजना, घरकुल बांधकामासाठी वाळू पावत्यांचे वितरण, नवीन बिनशेती (एन.ए.) सुधारणा आदी विविध कामे महसूल विभागाकडून नागरिकांना तात्काळ उपलब्ध करून देण्यात आली. याशिवाय पशुसंवर्धन विभाग, कृषी विभाग, पोलीस विभाग, महावितरण, महापारेषण, ग्रामविकास विभाग तसेच आरोग्य विभाग आदी विविध शासकीय विभागांच्या अधिकाऱ्यांनी शिबिरात सहभागी नागरिकांना विविध सेवा उपलब्ध करून दिल्या. विविध शासकीय योजनांची माहितीही नागरिकांना देण्यात आली. यावेळी दक्षिण सोलापूरचे प्रांताधिकारी सुमित शिंदे तसेच तहसीलदार किरण जमदाडे यांनी शिबिरास भेट देऊन पाहणी केली. छत्रपती शिवाजी महाराज यांच्यासारख्या आपल्या रयतेची काळजी घेणाऱ्या महापुरुषाच्या नावाने सुरू करण्यात आलेल्या या ‘समाधान’ शिबिराचे तहसील कार्यालयाने अत्यंत नियोजनबद्ध पद्धतीने आयोजन केले होते. शिबिरात सहभागी प्रत्येक नागरिकाच्या चेहऱ्यावर समाधानाचे भाव दिसून येत होते. या शिबिरासाठी बोरामणी गटातील सर्व गावांतील नागरिकांनी मोठ्या संख्येने उपस्थिती दर्शविली.

Rahul S

पंढरपूर, सोलापूर, महाराष्ट्र•

on 8 March

बोरामणीत ‘समाधान’ शिबिराला उत्स्फूर्त प्रतिसाद; शेकडो नागरिक लाभार्थी दक्षिण सोलापूर : महाराष्ट्र शासनाच्या महसूल विभागामार्फत तहसील कार्यालय दक्षिण सोलापूर यांच्या वतीने बोरामणी येथील जिल्हा परिषद प्राथमिक शाळेत “छत्रपती शिवाजी महाराज महाराजस्व अभियान” अंतर्गत ‘समाधान’ शिबिर आयोजित करण्यात आले होते. महसूल प्रशासन अधिक लोकाभिमुख, कार्यक्षम व गतिमान करण्याच्या उद्देशाने आयोजित या शिबिराचा शेकडो नागरिकांनी एकाच दिवशी लाभ घेतला. सदर अभियानाचे उद्घाटन बोरामणी जिल्हा परिषद गटाचे नवनिर्वाचित सदस्य नेताजीभाऊ खंडागळे व पंचायत समिती सदस्य विजय उमाकांत राठोड यांच्या हस्ते शिवप्रतिमेचे पूजन करून करण्यात आले. यावेळी बोरामणीच्या सरपंच अरुणा साळुंखे,धनेश अचलारे, सोमनाथ पटणे,सिद्धाराम हेले, अनिता माळगे, ग्रामपंचायत सदस्य, विविध शासकीय विभागांचे अधिकारी तसेच बोरामणी परिसरातील मोठ्या संख्येने नागरिक उपस्थित होते. तहसील कार्यालय दक्षिण सोलापूर यांच्या वतीने आयोजित या शिबिरात प्रलंबित फेरफार, ७/१२ मधील चुकांची दुरुस्ती, डिजिटल स्वाक्षरी असलेले ७/१२ व ८-अ उताऱ्यांचे वाटप, उत्पन्न, रहिवासी व जातीचे प्रमाणपत्र, नॉन-क्रिमिलियर प्रमाणपत्र, विद्यार्थ्यांचे दाखले, विविध प्रमाणपत्रे, निराधार योजना, घरकुल बांधकामासाठी वाळू पावत्यांचे वितरण, नवीन बिनशेती (एन.ए.) सुधारणा आदी विविध कामे महसूल विभागाकडून नागरिकांना तात्काळ उपलब्ध करून देण्यात आली. याशिवाय पशुसंवर्धन विभाग, कृषी विभाग, पोलीस विभाग, महावितरण, महापारेषण, ग्रामविकास विभाग तसेच आरोग्य विभाग आदी विविध शासकीय विभागांच्या अधिकाऱ्यांनी शिबिरात सहभागी नागरिकांना विविध सेवा उपलब्ध करून दिल्या. विविध शासकीय योजनांची माहितीही नागरिकांना देण्यात आली. यावेळी दक्षिण सोलापूरचे प्रांताधिकारी सुमित शिंदे तसेच तहसीलदार किरण जमदाडे यांनी शिबिरास भेट देऊन पाहणी केली. छत्रपती शिवाजी महाराज यांच्यासारख्या आपल्या रयतेची काळजी घेणाऱ्या महापुरुषाच्या नावाने सुरू करण्यात आलेल्या या ‘समाधान’ शिबिराचे तहसील कार्यालयाने अत्यंत नियोजनबद्ध पद्धतीने आयोजन केले होते. शिबिरात सहभागी प्रत्येक नागरिकाच्या चेहऱ्यावर समाधानाचे भाव दिसून येत होते. या शिबिरासाठी बोरामणी गटातील सर्व गावांतील नागरिकांनी मोठ्या संख्येने उपस्थिती दर्शविली.