भंडारा जिल्ह्यातील तुमसर-रामटेक मार्गावर रविवारी एक भीषण अपघात घडला, ज्यात धान वाहून नेणाऱ्या भरधाव ट्रकने समोरून येणाऱ्या महिंद्रा बोलेरोला जोरदार धडक दिली. या अपघातात बोलेरोमधील तिघांचा जागीच मृत्यू झाला, तर एक जण गंभीर जखमी झाला. ट्रक तुमसरहून रामटेकच्या दिशेने जात असताना, रामटेककडून तुमसरकडे येणाऱ्या बोलेरो वाहनावर समोरासमोर धडकल्याने हा अपघात झाला. धडकेची तीव्रता इतकी होती की बोलेरो वाहनाचा पूर्णपणे चेंदामेंदा झाला. अपघातात गंभीर जखमी झालेल्या प्रवाशावर जवळील खासगी रुग्णालयात उपचार सुरू असून, त्याची प्रकृती चिंताजनक असल्याची माहिती मिळाली आहे. घटनेची माहिती मिळताच स्थानिक नागरिकांनी तात्काळ मदतीसाठी धाव घेतली आणि तुमसर पोलिसांना कळवले. पोलिसांनी घटनास्थळी पोहोचून नागरिकांच्या मदतीने मृतदेह व जखमींना वाहनातून बाहेर काढले. मृतदेह उत्तरीय तपासणीसाठी तुमसर येथील शासकीय रुग्णालयात पाठविण्यात आले असून, तुमसर पोलीस या भीषण अपघाताचा पुढील तपास करीत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

भंडारा जिल्ह्यातील तुमसर-रामटेक मार्गावर रविवारी एक भीषण अपघात घडला, ज्यात धान वाहून नेणाऱ्या भरधाव ट्रकने समोरून येणाऱ्या महिंद्रा बोलेरोला जोरदार धडक दिली. या अपघातात बोलेरोमधील तिघांचा जागीच मृत्यू झाला, तर एक जण गंभीर जखमी झाला. ट्रक तुमसरहून रामटेकच्या दिशेने जात असताना, रामटेककडून तुमसरकडे येणाऱ्या बोलेरो वाहनावर समोरासमोर धडकल्याने हा अपघात झाला. धडकेची तीव्रता इतकी होती की बोलेरो वाहनाचा पूर्णपणे चेंदामेंदा झाला. अपघातात गंभीर जखमी झालेल्या प्रवाशावर जवळील खासगी रुग्णालयात उपचार सुरू असून, त्याची प्रकृती चिंताजनक असल्याची माहिती मिळाली आहे. घटनेची माहिती मिळताच स्थानिक नागरिकांनी तात्काळ मदतीसाठी धाव घेतली आणि तुमसर पोलिसांना कळवले. पोलिसांनी घटनास्थळी पोहोचून नागरिकांच्या मदतीने मृतदेह व जखमींना वाहनातून बाहेर काढले. मृतदेह उत्तरीय तपासणीसाठी तुमसर येथील शासकीय रुग्णालयात पाठविण्यात आले असून, तुमसर पोलीस या भीषण अपघाताचा पुढील तपास करीत आहेत.