સુરતના પલસાણા તાલુકાના વરેલીમાં ઔદ્યોગિક વિકાસના નામે લોકોના જીવ સાથે ખુલ્લેઆમ ચેડાં થઈ રહ્યા છે. સ્થાનિકોના મતે, વરેલીમાં આવેલું સુહાગ પ્રિન્ટર્સ પ્રાઇવેટ લિમિટેડ આ વિસ્તારના લોકો માટે આશીર્વાદને બદલે શ્વાસના કેન્સરનું કારણ બની રહ્યું છે. કંપનીની ચીમનીઓમાંથી ચોવીસ કલાક નીકળતો કાળો, તીખો અને ઝેરી ધુમાડો પર્યાવરણના નિયમોનો ભંગ કરી રહ્યો છે, જેના કારણે સ્થાનિક લોકોમાં ભારે ગુસ્સો અને નારાજગી જોવા મળી રહી છે. લોકોનું કહેવું છે કે, આ ધુમાડો કોઈ ભૂલથી નીકળતો નથી, પરંતુ સુહાગ પ્રિન્ટર્સમાં આ રોજિંદી પ્રવૃત્તિ બની ગઈ છે. આ ઝેરી ધુમાડાને કારણે સમગ્ર વિસ્તારમાં હવાની ગુણવત્તા એટલી હદે ખરાબ થઈ ગઈ છે કે નાના બાળકો અને અસ્થમાના દર્દીઓ માટે ઘરની અંદર રહેવું પણ મુશ્કેલ બની ગયું છે. આસપાસના ઘરોની છત અને ખુલ્લી જગ્યાઓ પર કાળા પાઉડર જેવી ધૂળ જમા થતી હોવાની પણ ફરિયાદો મળી છે. આ ગંભીર પ્રદૂષણ હવે માત્ર એક સમસ્યા નથી, પરંતુ સમગ્ર જિલ્લામાં એક મોટી રાજકીય અને સામાજિક ચર્ચાનો વિષય બન્યું છે. સાર્વજનિક સ્તરે એ જ ચર્ચા ચાલી રહી છે કે, શું ગુજરાત પ્રદૂષણ નિયંત્રણ બોર્ડ (GPCB)ના અધિકારીઓ વરેલીમાંથી પસાર થતી વખતે પોતાની આંખો પર પટ્ટી બાંધી દે છે, કે પછી આ કાળા ધુમાડા પાછળ કોઈ સફેદ પૈસા વહેંચવામાં આવી રહ્યા છે? આ ખુલ્લેઆમ દેખાતા પ્રદૂષણ છતાં, જવાબદાર વિભાગોની ચૂપકીદી અનેક શંકાઓ ઊભી કરે છે. લોકો સવાલ ઉઠાવી રહ્યા છે કે GPCB સુહાગ પ્રિન્ટર્સના એર પોલ્યુશન કંટ્રોલ સિસ્ટમની તપાસ કેમ નથી કરી રહ્યું, કંપની પાસે ઓપરેટ કરવાની માન્ય સહમતિ છે કે નહીં અને જો છે તો નિયમોનું આવું ખુલ્લું ઉલ્લંઘન કેમ થઈ રહ્યું છે. આ ઉપરાંત, સ્થાનિક ગ્રામ પંચાયત અને વહીવટીતંત્ર ક્યારે જનતાના સ્વાસ્થ્યના રક્ષણ માટે જાગૃત થશે તે પણ એક મોટો પ્રશ્ન છે. સ્થાનિકો હવે લડાઈના મૂડમાં છે અને ચેતવણી આપી રહ્યા છે કે જો આ પ્રદૂષણને તાત્કાલિક રોકવામાં નહીં આવે અને સુહાગ પ્રિન્ટર્સ વિરુદ્ધ કાયદેસરની કાર્યવાહી નહીં કરવામાં આવે, તો સ્થાનિક રહેવાસીઓ ઉચ્ચતમ સ્તરે લેખિત ફરિયાદોનો સિલસિલો શરૂ કરી દેશે અને એક ઉગ્ર આંદોલન પણ છેડવામાં આવશે.

Bharat Tv24 News

Media Consultant પલસાણા, સુરત, ગુજરાત•

1 hr ago

સુરતના પલસાણા તાલુકાના વરેલીમાં ઔદ્યોગિક વિકાસના નામે લોકોના જીવ સાથે ખુલ્લેઆમ ચેડાં થઈ રહ્યા છે. સ્થાનિકોના મતે, વરેલીમાં આવેલું સુહાગ પ્રિન્ટર્સ પ્રાઇવેટ લિમિટેડ આ વિસ્તારના લોકો માટે આશીર્વાદને બદલે શ્વાસના કેન્સરનું કારણ બની રહ્યું છે. કંપનીની ચીમનીઓમાંથી ચોવીસ કલાક નીકળતો કાળો, તીખો અને ઝેરી ધુમાડો પર્યાવરણના નિયમોનો ભંગ કરી રહ્યો છે, જેના કારણે સ્થાનિક લોકોમાં ભારે ગુસ્સો અને નારાજગી જોવા મળી રહી છે. લોકોનું કહેવું છે કે, આ ધુમાડો કોઈ ભૂલથી નીકળતો નથી, પરંતુ સુહાગ પ્રિન્ટર્સમાં આ રોજિંદી પ્રવૃત્તિ બની ગઈ છે. આ ઝેરી ધુમાડાને કારણે સમગ્ર વિસ્તારમાં હવાની ગુણવત્તા એટલી હદે ખરાબ થઈ ગઈ છે કે નાના બાળકો અને અસ્થમાના દર્દીઓ માટે ઘરની અંદર રહેવું પણ મુશ્કેલ બની ગયું છે. આસપાસના ઘરોની છત અને ખુલ્લી જગ્યાઓ પર કાળા પાઉડર જેવી ધૂળ જમા થતી હોવાની પણ ફરિયાદો મળી છે. આ ગંભીર પ્રદૂષણ હવે માત્ર એક સમસ્યા નથી, પરંતુ સમગ્ર જિલ્લામાં એક મોટી રાજકીય અને સામાજિક ચર્ચાનો વિષય બન્યું છે. સાર્વજનિક સ્તરે એ જ ચર્ચા ચાલી રહી છે કે, શું ગુજરાત પ્રદૂષણ નિયંત્રણ બોર્ડ (GPCB)ના અધિકારીઓ વરેલીમાંથી પસાર થતી વખતે પોતાની આંખો પર પટ્ટી બાંધી દે છે, કે પછી આ કાળા ધુમાડા પાછળ કોઈ સફેદ પૈસા વહેંચવામાં આવી રહ્યા છે? આ ખુલ્લેઆમ દેખાતા પ્રદૂષણ છતાં, જવાબદાર વિભાગોની ચૂપકીદી અનેક શંકાઓ ઊભી કરે છે. લોકો સવાલ ઉઠાવી રહ્યા છે કે GPCB સુહાગ પ્રિન્ટર્સના એર પોલ્યુશન કંટ્રોલ સિસ્ટમની તપાસ કેમ નથી કરી રહ્યું, કંપની પાસે ઓપરેટ કરવાની માન્ય સહમતિ છે કે નહીં અને જો છે તો નિયમોનું આવું ખુલ્લું ઉલ્લંઘન કેમ થઈ રહ્યું છે. આ ઉપરાંત, સ્થાનિક ગ્રામ પંચાયત અને વહીવટીતંત્ર ક્યારે જનતાના સ્વાસ્થ્યના રક્ષણ માટે જાગૃત થશે તે પણ એક મોટો પ્રશ્ન છે. સ્થાનિકો હવે લડાઈના મૂડમાં છે અને ચેતવણી આપી રહ્યા છે કે જો આ પ્રદૂષણને તાત્કાલિક રોકવામાં નહીં આવે અને સુહાગ પ્રિન્ટર્સ વિરુદ્ધ કાયદેસરની કાર્યવાહી નહીં કરવામાં આવે, તો સ્થાનિક રહેવાસીઓ ઉચ્ચતમ સ્તરે લેખિત ફરિયાદોનો સિલસિલો શરૂ કરી દેશે અને એક ઉગ્ર આંદોલન પણ છેડવામાં આવશે.