પલસાણા પોલીસે ચોરીનો ગુનો ઉકેલી રૂ. 6.43 લાખનો મુદ્દામાલ કબજે કર્યો, ત્રણ આરોપીઓ ઝડપાયા પલસાણા: પલસાણા પોલીસે ગણતરીના દિવસોમાં ચોરીના ગુનાનો ભેદ ઉકેલી રૂ. 6.43 લાખનો મુદ્દામાલ કબજે કરી ત્રણ આરોપીઓને ઝડપી પાડવામાં સફળતા મેળવી છે. સુરત રેન્જના પોલીસ મહાનિરીક્ષક શ્રી પ્રેમવીર સિંહ તથા સુરત ગ્રામ્ય પોલીસ અધિક્ષક શ્રી રાજેશ ગઢિયા અને બારડોલી વિભાગના ડિવાયએસપી શ્રી એચ. એલ. રાઠોડના માર્ગદર્શન હેઠળ પલસાણા પોલીસ સ્ટેશનના પોલીસ ઇન્સ્પેક્ટર શ્રી બી. ડી. ઝીલરિયાના નેતૃત્વમાં પોલીસ ટીમે અસરકારક કામગીરી હાથ ધરી હતી. તા. 31 જુલાઈ, 2026ના રોજ ખાનગી બાતમીના આધારે પોલીસને જાણ મળી હતી કે પલસાણા પોલીસ સ્ટેશનમાં નોંધાયેલા ચોરીના ગુનામાં ચોરાયેલી લોખંડની પાઇપો ભારત બેન્ઝ ટેમ્પો નં. GJ-19-Y-1490 મારફતે કામરેજ તાલુકાના નવાગામ સ્થિત એક સ્ક્રેપ ગોડાઉનમાં સંતાડવામાં આવી છે. પોલીસે તાત્કાલિક દરોડો પાડી ત્રણ આરોપીઓને ઝડપી પાડ્યા હતા. પોલીસે આરોપીઓ પાસેથી ચોરી કરાયેલ આશરે 2,785 કિલો લોખંડની પાઇપો, ભારત બેન્ઝ ટેમ્પો, ત્રણ મોબાઇલ ફોન, રોકડ રૂપિયા, એલપીજી ગેસ સિલિન્ડર, ઓક્સિજન સિલિન્ડર તથા ગેસ કટિંગ માટેના સાધનો સહિત કુલ રૂ. 6,43,000નો મુદ્દામાલ કબજે કર્યો છે. ઝડપાયેલા આરોપીઓમાં અશોકભાઈ સંજયભાઈ ઓડ (ટેમ્પો ચાલક), ઈશ્વર હરદેવ ગુર્જર (સ્ક્રેપ ગોડાઉન ધારક) અને દિનેશ ગોદુજી ગુર્જર (ચોરીનો મુદ્દામાલ ગોડાઉન સુધી પહોંચાડનાર)નો સમાવેશ થાય છે. આ ગુનાની તપાસ દરમિયાન પલસાણા પોલીસ સ્ટેશનના પીઆઈ શ્રી બી. ડી. ઝીલરિયા, પીએસઆઈ શ્રી એન. એન. ગામીત તથા પોલીસ સ્ટાફના અધિકારીઓ અને કર્મચારીઓએ મહત્વની ભૂમિકા ભજવી હતી. પલસાણા પોલીસની આ ઝડપી અને સફળ કામગીરીથી ચોરીના ગુનાનો ટૂંકા સમયમાં ભેદ ઉકેલાતા સ્થાનિકોમાં સુરક્ષાની લાગણી મજબૂત બની છે.

Hetalkumar manharbhai mis

પલસાણા, સુરત, ગુજરાત•

1 hr ago

પલસાણા પોલીસે ચોરીનો ગુનો ઉકેલી રૂ. 6.43 લાખનો મુદ્દામાલ કબજે કર્યો, ત્રણ આરોપીઓ ઝડપાયા પલસાણા: પલસાણા પોલીસે ગણતરીના દિવસોમાં ચોરીના ગુનાનો ભેદ ઉકેલી રૂ. 6.43 લાખનો મુદ્દામાલ કબજે કરી ત્રણ આરોપીઓને ઝડપી પાડવામાં સફળતા મેળવી છે. સુરત રેન્જના પોલીસ મહાનિરીક્ષક શ્રી પ્રેમવીર સિંહ તથા સુરત ગ્રામ્ય પોલીસ અધિક્ષક શ્રી રાજેશ ગઢિયા અને બારડોલી વિભાગના ડિવાયએસપી શ્રી એચ. એલ. રાઠોડના માર્ગદર્શન હેઠળ પલસાણા પોલીસ સ્ટેશનના પોલીસ ઇન્સ્પેક્ટર શ્રી બી. ડી. ઝીલરિયાના નેતૃત્વમાં પોલીસ ટીમે અસરકારક કામગીરી હાથ ધરી હતી. તા. 31 જુલાઈ, 2026ના રોજ ખાનગી બાતમીના આધારે પોલીસને જાણ મળી હતી કે પલસાણા પોલીસ સ્ટેશનમાં નોંધાયેલા ચોરીના ગુનામાં ચોરાયેલી લોખંડની પાઇપો ભારત બેન્ઝ ટેમ્પો નં. GJ-19-Y-1490 મારફતે કામરેજ તાલુકાના નવાગામ સ્થિત એક સ્ક્રેપ ગોડાઉનમાં સંતાડવામાં આવી છે. પોલીસે તાત્કાલિક દરોડો પાડી ત્રણ આરોપીઓને ઝડપી પાડ્યા હતા. પોલીસે આરોપીઓ પાસેથી ચોરી કરાયેલ આશરે 2,785 કિલો લોખંડની પાઇપો, ભારત બેન્ઝ ટેમ્પો, ત્રણ મોબાઇલ ફોન, રોકડ રૂપિયા, એલપીજી ગેસ સિલિન્ડર, ઓક્સિજન સિલિન્ડર તથા ગેસ કટિંગ માટેના સાધનો સહિત કુલ રૂ. 6,43,000નો મુદ્દામાલ કબજે કર્યો છે. ઝડપાયેલા આરોપીઓમાં અશોકભાઈ સંજયભાઈ ઓડ (ટેમ્પો ચાલક), ઈશ્વર હરદેવ ગુર્જર (સ્ક્રેપ ગોડાઉન ધારક) અને દિનેશ ગોદુજી ગુર્જર (ચોરીનો મુદ્દામાલ ગોડાઉન સુધી પહોંચાડનાર)નો સમાવેશ થાય છે. આ ગુનાની તપાસ દરમિયાન પલસાણા પોલીસ સ્ટેશનના પીઆઈ શ્રી બી. ડી. ઝીલરિયા, પીએસઆઈ શ્રી એન. એન. ગામીત તથા પોલીસ સ્ટાફના અધિકારીઓ અને કર્મચારીઓએ મહત્વની ભૂમિકા ભજવી હતી. પલસાણા પોલીસની આ ઝડપી અને સફળ કામગીરીથી ચોરીના ગુનાનો ટૂંકા સમયમાં ભેદ ઉકેલાતા સ્થાનિકોમાં સુરક્ષાની લાગણી મજબૂત બની છે.