చేవెళ్ల డిక్లరేషన్ తో గిరిజనులను మోసం చేసిన కాంగ్రెస్ కాంగ్రెస్ సర్కార్ గిరిజనులకు ఇచ్చిన హామీలను విస్మరించింది. ఎల్లారెడ్డి: ఎన్నికల ముందు చేవెళ్ల డిక్లరేషన్ తో గిరిజనులను కాంగ్రెస్ మోసం చేసిందని బి ఆర్ ఎస్ పార్టీ నియోజక వర్గ గిరిజన నాయకులు శ్రీనివాస్ నాయక్ ఆరోపించారు. మంగళవారం బి ఆర్ ఎస్ పార్టీ వర్కింగ్ ప్రెసిడెంట్ కేటీఆర్ పిలుపు మేరకు, మాజీ ఎమ్మెల్యే జాజాల సురేందర్ ఆదేశాల మేరకు ఎల్లారెడ్డి లోని ఆయన ఫామ్ హౌస్ వద్ద బి ఆర్ ఎస్ పార్టీ గిరిజన విభాగం నాయకులు ఏర్పాటు చేసిన విలేఖరుల సమావేశంలో ఆయన మాట్లాడారు. ఎన్నికల ముందు చేవెళ్ల డిక్లరేషన్ తో కాంగ్రెస్ గిరిజనులకు మాయ మాటలు చెప్పి , అధికారంలోకి వచ్చాక ఇచ్చిన హామీలను విస్మరించిందని అన్నారు. 2018 లో బి ఆర్ ఎస్ పార్టీ సర్కార్ రాష్ట్ర వ్యాప్తంగా 4,323 కొత్త గ్రామ పంచాయతీలను ఏర్పాటు చేసిందని, ఇందులో 3,146 తండాలను గ్రామ పంచాయతీలు గా మారాయని తెలిపారు. ఎల్లారెడ్డి నియోజకవర్గంలో 42 తండాలు గ్రామ పంచాయతీలుగా మారాయని గుర్తు చేశారు. గిరిజనుల సంక్షేమం, విద్య, వ్యవసాయం, మౌలిక వసతుల అభివృద్ధికి గత బీఆర్‌ఎస్ ప్రభుత్వం పెద్దపీట వేసిందని, ప్రస్తుత కాంగ్రెస్ ప్రభుత్వం గిరిజనులకు ఇచ్చిన హామీలను అమలు చేయడంలో విఫలమైందని ఆరోపించారు. బీఆర్‌ఎస్ ప్రభుత్వ హయాంలో ఎల్లారెడ్డి నియోజకవర్గంలో 6,500 ఎకరాల పోడు భూములకు పట్టాలు, 42 కోట్ల తో 33 బిటి రోడ్లు వేయించిన ఘనత మాజీ ఎమ్మెల్యే జాజాల సురేందర్ దని అన్నారు. గిరిజన విద్యార్థుల భవిష్యత్‌ను దృష్టిలో ఉంచుకుని బీఆర్‌ఎస్ ప్రభుత్వం 71 నూతన గిరిజన గురుకులాలు ఏర్పాటు చేసిందన్నారు. ట్రైబల్ స్కూళ్లు, హాస్టళ్లు, ఐఐటీ–నీట్ కోచింగ్, బెస్ట్ అవైలబుల్ స్కూల్స్, పోస్ట్ మెట్రిక్ స్కాలర్‌షిప్‌లు, అంబేద్కర్ ఓవర్సీస్ స్కాలర్‌షిప్ వంటి పథకాలను అమలు చేసినట్లు వివరించారు. కాంగ్రెస్ ప్రభుత్వం అధికారంలోకి వచ్చి దాదాపు మూడు సంవత్సరాలు కావస్తున్నా ఎన్నికల సమయంలో గిరిజనులకు ఇచ్చిన అనేక హామీలు అమలు కాలేదని విమర్శించారు. గిరిజన విద్యార్థులకు అదనపు ప్రోత్సాహకాలు వంటి హామీలు మర్చిందని, లంబాడీలకు సంత్ సేవలాల్ కార్పొరేషన్, ఆదివాసులకు తుకారాం కార్పొరేషన్, ఎరుకల కార్పొరేషన్ ఇలా మూడు కొత్త ట్రైబల్ కార్పొరేషన్లు, ఏర్పాటు చేసి ఏడాదికి 500 కోట్లు ఇస్తామని చెప్పి విస్మరించిందని అన్నారు. గిరిజన రైతుల భూములు, పోడు భూముల సమస్యలపై ప్రభుత్వం స్పష్టమైన విధానం ప్రకటించాలని డిమాండ్ చేశారు. గిరిజనులపై దాడులు, కేసులు, వేధింపులు జరగకుండా ప్రభుత్వం చర్యలు తీసుకోవాలని కోరారు. గత బీఆర్‌ఎస్ ప్రభుత్వంలో రైతుబంధు, రైతుబీమా, పింఛన్లు, కల్యాణలక్ష్మి, కేసీఆర్ కిట్, విదేశీ విద్యా సాయం వంటి పథకాల ద్వారా గిరిజన కుటుంబాలకు ఆర్థిక భరోసా కల్పించామని తెలిపారు. గిరిజనులు, రైతులు, పేదలు, ఉద్యోగులు ఎదుర్కొంటున్న సమస్యలను ప్రభుత్వం పరిష్కరించడంలో విఫలమైందన్నారు. ప్రతి తండాలోకి వెళ్లి కాంగ్రెస్ ప్రభుత్వం ఇచ్చిన హామీలు, వాటి అమలు పరిస్థితిని ప్రజలకు వివరిస్తామని తెలిపారు. ఈ సమావేశంలో బి ఆర్ ఎస్ పార్టీ నియోజక వర్గ గిరిజన నాయకులు శ్రీను నాయక్, సుభాష్ నాయక్, మాజీ కౌన్సిలర్ ఎరుకల సాయిలు , గను నాయక్, ఈశ్వర్ నాయక్, ప్రవీణ్ నాయక్, పండిత్ నాయక్, రవి నాయక్, తదితరులు పాల్గొన్నారు.

Vukkalkar Rajendernath

ఎల్లారెడ్డి, కామారెడ్డి, తెలంగాణ•

1 hr ago

చేవెళ్ల డిక్లరేషన్ తో గిరిజనులను మోసం చేసిన కాంగ్రెస్ కాంగ్రెస్ సర్కార్ గిరిజనులకు ఇచ్చిన హామీలను విస్మరించింది. ఎల్లారెడ్డి: ఎన్నికల ముందు చేవెళ్ల డిక్లరేషన్ తో గిరిజనులను కాంగ్రెస్ మోసం చేసిందని బి ఆర్ ఎస్ పార్టీ నియోజక వర్గ గిరిజన నాయకులు శ్రీనివాస్ నాయక్ ఆరోపించారు. మంగళవారం బి ఆర్ ఎస్ పార్టీ వర్కింగ్ ప్రెసిడెంట్ కేటీఆర్ పిలుపు మేరకు, మాజీ ఎమ్మెల్యే జాజాల సురేందర్ ఆదేశాల మేరకు ఎల్లారెడ్డి లోని ఆయన ఫామ్ హౌస్ వద్ద బి ఆర్ ఎస్ పార్టీ గిరిజన విభాగం నాయకులు ఏర్పాటు చేసిన విలేఖరుల సమావేశంలో ఆయన మాట్లాడారు. ఎన్నికల ముందు చేవెళ్ల డిక్లరేషన్ తో కాంగ్రెస్ గిరిజనులకు మాయ మాటలు చెప్పి , అధికారంలోకి వచ్చాక ఇచ్చిన హామీలను విస్మరించిందని అన్నారు. 2018 లో బి ఆర్ ఎస్ పార్టీ సర్కార్ రాష్ట్ర వ్యాప్తంగా 4,323 కొత్త గ్రామ పంచాయతీలను ఏర్పాటు చేసిందని, ఇందులో 3,146 తండాలను గ్రామ పంచాయతీలు గా మారాయని తెలిపారు. ఎల్లారెడ్డి నియోజకవర్గంలో 42 తండాలు గ్రామ పంచాయతీలుగా మారాయని గుర్తు చేశారు. గిరిజనుల సంక్షేమం, విద్య, వ్యవసాయం, మౌలిక వసతుల అభివృద్ధికి గత బీఆర్‌ఎస్ ప్రభుత్వం పెద్దపీట వేసిందని, ప్రస్తుత కాంగ్రెస్ ప్రభుత్వం గిరిజనులకు ఇచ్చిన హామీలను అమలు చేయడంలో విఫలమైందని ఆరోపించారు. బీఆర్‌ఎస్ ప్రభుత్వ హయాంలో ఎల్లారెడ్డి నియోజకవర్గంలో 6,500 ఎకరాల పోడు భూములకు పట్టాలు, 42 కోట్ల తో 33 బిటి రోడ్లు వేయించిన ఘనత మాజీ ఎమ్మెల్యే జాజాల సురేందర్ దని అన్నారు. గిరిజన విద్యార్థుల భవిష్యత్‌ను దృష్టిలో ఉంచుకుని బీఆర్‌ఎస్ ప్రభుత్వం 71 నూతన గిరిజన గురుకులాలు ఏర్పాటు చేసిందన్నారు. ట్రైబల్ స్కూళ్లు, హాస్టళ్లు, ఐఐటీ–నీట్ కోచింగ్, బెస్ట్ అవైలబుల్ స్కూల్స్, పోస్ట్ మెట్రిక్ స్కాలర్‌షిప్‌లు, అంబేద్కర్ ఓవర్సీస్ స్కాలర్‌షిప్ వంటి పథకాలను అమలు చేసినట్లు వివరించారు. కాంగ్రెస్ ప్రభుత్వం అధికారంలోకి వచ్చి దాదాపు మూడు సంవత్సరాలు కావస్తున్నా ఎన్నికల సమయంలో గిరిజనులకు ఇచ్చిన అనేక హామీలు అమలు కాలేదని విమర్శించారు. గిరిజన విద్యార్థులకు అదనపు ప్రోత్సాహకాలు వంటి హామీలు మర్చిందని, లంబాడీలకు సంత్ సేవలాల్ కార్పొరేషన్, ఆదివాసులకు తుకారాం కార్పొరేషన్, ఎరుకల కార్పొరేషన్ ఇలా మూడు కొత్త ట్రైబల్ కార్పొరేషన్లు, ఏర్పాటు చేసి ఏడాదికి 500 కోట్లు ఇస్తామని చెప్పి విస్మరించిందని అన్నారు. గిరిజన రైతుల భూములు, పోడు భూముల సమస్యలపై ప్రభుత్వం స్పష్టమైన విధానం ప్రకటించాలని డిమాండ్ చేశారు. గిరిజనులపై దాడులు, కేసులు, వేధింపులు జరగకుండా ప్రభుత్వం చర్యలు తీసుకోవాలని కోరారు. గత బీఆర్‌ఎస్ ప్రభుత్వంలో రైతుబంధు, రైతుబీమా, పింఛన్లు, కల్యాణలక్ష్మి, కేసీఆర్ కిట్, విదేశీ విద్యా సాయం వంటి పథకాల ద్వారా గిరిజన కుటుంబాలకు ఆర్థిక భరోసా కల్పించామని తెలిపారు. గిరిజనులు, రైతులు, పేదలు, ఉద్యోగులు ఎదుర్కొంటున్న సమస్యలను ప్రభుత్వం పరిష్కరించడంలో విఫలమైందన్నారు. ప్రతి తండాలోకి వెళ్లి కాంగ్రెస్ ప్రభుత్వం ఇచ్చిన హామీలు, వాటి అమలు పరిస్థితిని ప్రజలకు వివరిస్తామని తెలిపారు. ఈ సమావేశంలో బి ఆర్ ఎస్ పార్టీ నియోజక వర్గ గిరిజన నాయకులు శ్రీను నాయక్, సుభాష్ నాయక్, మాజీ కౌన్సిలర్ ఎరుకల సాయిలు , గను నాయక్, ఈశ్వర్ నాయక్, ప్రవీణ్ నాయక్, పండిత్ నాయక్, రవి నాయక్, తదితరులు పాల్గొన్నారు.