రాష్ట్ర బీజేపీ అధ్యక్షులు రామచందర్ రావు రాష్ట్ర ప్రభుత్వం ధాన్యం, మక్కజోన్నల కొనుగోళ్లలో విఫలమైందని తీవ్రంగా ఆరోపించారు. ప్రభుత్వం కాకిలెక్కలు చెబుతూ రైతులను తప్పుదోవ పట్టించే ప్రయత్నం చేస్తోందని ఆయన ధ్వజమెత్తారు. రైస్ మిల్లర్లతో రాష్ట్ర ప్రభుత్వానికి కుదిరిన లోపాయికారీ ఒప్పందం కారణంగానే రైతులు ఇబ్బందులు పడుతున్నారని, తక్కువ ధరకే ధాన్యం అమ్ముకునే పరిస్థితిని ప్రభుత్వం తీసుకొచ్చిందని విమర్శించారు. కరీంనగర్ సమీపంలోని ఎల్ఎండి కాలనీలో రెండు రోజుల బీజేపీ కార్యకర్తల శిక్షణ కార్యక్రమాన్ని ప్రారంభించిన సందర్భంగా రామచందర్ రావు మీడియాతో మాట్లాడుతూ ఈ వ్యాఖ్యలు చేశారు. మంత్రులు కేవలం లెక్కలు చెప్పడం మానేసి, క్షేత్రస్థాయిలో పరిశీలించి కొనుగోళ్లను వేగవంతం చేసి రైతులను ఆదుకోవాలని ఆయన డిమాండ్ చేశారు. తాను, బీజేపీ ఎంపీలు, ఎమ్మెల్యేలు, ఎమ్మెల్సీలు కలిసి క్షేత్రస్థాయిలో ధాన్యం, మొక్కజొన్నల కొనుగోలు కేంద్రాలను సందర్శించి రైతుల పరిస్థితిని పరిశీలించామని తెలిపారు. కేంద్ర ప్రభుత్వం ధాన్యానికి మద్దతు ధర ప్రకటించినప్పటికీ, రాష్ట్ర ప్రభుత్వం దానిని అమలు చేయడం లేదని ఆయన విమర్శించారు. రాష్ట్ర ప్రభుత్వం సక్రమంగా పనిచేయకుండా రైతులను తప్పుదోవ పట్టించి కేంద్రంపై నెపం మోపుతోందని రామచందర్ రావు ఆరోపించారు. రైతుల పరిస్థితిని అర్థం చేసుకోలేని పరిస్థితుల్లో కాంగ్రెస్ ప్రభుత్వం ఉందని, ఇప్పటికైనా వాస్తవాలను గ్రహించి రైతులను ఆదుకోవాలని ఆయన డిమాండ్ చేశారు. అకాల వర్షాలతో నష్టపోయిన రైతులకు తగిన పరిహారం చెల్లించాలని కూడా ఆయన కోరారు.

K.V.REDDY

చిగురుమామిడి, కరీంనగర్, తెలంగాణ•

4 hrs ago

రాష్ట్ర బీజేపీ అధ్యక్షులు రామచందర్ రావు రాష్ట్ర ప్రభుత్వం ధాన్యం, మక్కజోన్నల కొనుగోళ్లలో విఫలమైందని తీవ్రంగా ఆరోపించారు. ప్రభుత్వం కాకిలెక్కలు చెబుతూ రైతులను తప్పుదోవ పట్టించే ప్రయత్నం చేస్తోందని ఆయన ధ్వజమెత్తారు. రైస్ మిల్లర్లతో రాష్ట్ర ప్రభుత్వానికి కుదిరిన లోపాయికారీ ఒప్పందం కారణంగానే రైతులు ఇబ్బందులు పడుతున్నారని, తక్కువ ధరకే ధాన్యం అమ్ముకునే పరిస్థితిని ప్రభుత్వం తీసుకొచ్చిందని విమర్శించారు. కరీంనగర్ సమీపంలోని ఎల్ఎండి కాలనీలో రెండు రోజుల బీజేపీ కార్యకర్తల శిక్షణ కార్యక్రమాన్ని ప్రారంభించిన సందర్భంగా రామచందర్ రావు మీడియాతో మాట్లాడుతూ ఈ వ్యాఖ్యలు చేశారు. మంత్రులు కేవలం లెక్కలు చెప్పడం మానేసి, క్షేత్రస్థాయిలో పరిశీలించి కొనుగోళ్లను వేగవంతం చేసి రైతులను ఆదుకోవాలని

ఆయన డిమాండ్ చేశారు. తాను, బీజేపీ ఎంపీలు, ఎమ్మెల్యేలు, ఎమ్మెల్సీలు కలిసి క్షేత్రస్థాయిలో ధాన్యం, మొక్కజొన్నల కొనుగోలు కేంద్రాలను సందర్శించి రైతుల పరిస్థితిని పరిశీలించామని తెలిపారు. కేంద్ర ప్రభుత్వం ధాన్యానికి మద్దతు ధర ప్రకటించినప్పటికీ, రాష్ట్ర ప్రభుత్వం దానిని అమలు చేయడం లేదని ఆయన విమర్శించారు. రాష్ట్ర ప్రభుత్వం సక్రమంగా పనిచేయకుండా రైతులను తప్పుదోవ పట్టించి కేంద్రంపై నెపం మోపుతోందని రామచందర్ రావు ఆరోపించారు. రైతుల పరిస్థితిని అర్థం చేసుకోలేని పరిస్థితుల్లో కాంగ్రెస్ ప్రభుత్వం ఉందని, ఇప్పటికైనా వాస్తవాలను గ్రహించి రైతులను ఆదుకోవాలని ఆయన డిమాండ్ చేశారు. అకాల వర్షాలతో నష్టపోయిన రైతులకు తగిన పరిహారం చెల్లించాలని కూడా ఆయన కోరారు.