मध्य रेल्वेच्या भुसावळ विभागाने नागरिकांना रेल्वेचे हायड्रॉलिक (जलनिस्सारण) पूल आणि वॉटरवे पुलांचा रेल्वे मार्ग ओलांडण्यासाठी किंवा रस्ता म्हणून वापर न करण्याचे आवाहन केले आहे. अशा पुलांचा वापर अत्यंत धोकादायक असून, यामुळे विशेषतः पावसाळ्यात जीवितहानीचा मोठा धोका निर्माण होऊ शकतो, असा इशारा रेल्वे प्रशासनाने दिला आहे. भुसावळ विभागाच्या कार्यक्षेत्रातील १५६ हायड्रॉलिक पुलांवर नागरिक अनधिकृतरीत्या रेल्वे मार्ग ओलांडत असल्याचे एका सर्वेक्षणात समोर आले आहे. यामध्ये जळगाव जिल्ह्यात ७१, नाशिकमध्ये ५३, बुलढाण्यात १७, खंडवा येथे ११ तर अकोला आणि अमरावती येथे प्रत्येकी दोन संवेदनशील ठिकाणांचा समावेश आहे. रेल्वे प्रशासनाच्या स्पष्टीकरणानुसार, हे पूल केवळ पावसाचे पाणी वाहून नेण्यासाठी बांधण्यात आले असून ते सार्वजनिक वाहतूक किंवा रेल्वे मार्ग ओलांडण्यासाठी अधिकृत नाहीत. तरीही पादचारी, दुचाकीस्वार, ट्रॅक्टर आणि बैलगाड्यांकडून या पुलांचा वापर होत असल्याचे निदर्शनास आले आहे, ज्यामुळे गंभीर अपघाताची शक्यता वाढली आहे. विशेषतः पावसाळ्यात पाण्याचा प्रवाह आणि पातळी अचानक वाढल्याने वाहून जाण्याचा किंवा बुडण्याचा मोठा धोका असतो. दरम्यान, या पुलांच्या वापराबाबत काही माध्यमांमध्ये प्रसिद्ध झालेल्या बातम्या दिशाभूल करणाऱ्या असून, नागरिकांनी केवळ रेल्वे प्रशासनाच्या अधिकृत माहितीवरच विश्वास ठेवावा, असे स्पष्ट करण्यात आले आहे. रेल्वे अधिनियम १९८९ च्या कलम १४७ नुसार रेल्वे रुळ, बोगदे आणि जलनिस्सारण पुलांवर अनधिकृतपणे प्रवेश करणे हा दंडनीय गुन्हा आहे. या नियमाचे उल्लंघन करणाऱ्यांना सहा महिन्यांपर्यंतचा कारावास, एक हजार रुपयांपर्यंतचा दंड किंवा दोन्ही शिक्षा होऊ शकतात. यासाठी रेल्वे सुरक्षा पथकांकडून संवेदनशील ठिकाणी गस्त वाढवण्यात आली असून, दोषींवर तात्काळ कारवाई केली जाईल. तसेच जळगाव, नाशिक, बुलढाणा, अकोला, धुळे आणि खंडवा जिल्हा प्रशासन, स्थानिक पोलीस व ग्रामपंचायतींना हे अनधिकृत मार्ग बंद करण्याचे आणि जनजागृती मोहीम राबवण्याचे आवाहन करण्यात आले आहे. नागरिकांनी रेल्वे मार्ग ओलांडण्यासाठी केवळ अधिकृत रोड ओव्हर ब्रिज (ROB), रोड अंडर ब्रिज (RUB), लेव्हल क्रॉसिंग आणि फूट ओव्हर ब्रिज (FOB) यांचाच वापर करावा, असे रेल्वे प्रशासनाने म्हटले आहे.

Anil GUNJAL

नाशिक, नाशिक, महाराष्ट्र•

4 hrs ago

मध्य रेल्वेच्या भुसावळ विभागाने नागरिकांना रेल्वेचे हायड्रॉलिक (जलनिस्सारण) पूल आणि वॉटरवे पुलांचा रेल्वे मार्ग ओलांडण्यासाठी किंवा रस्ता म्हणून वापर न करण्याचे आवाहन केले आहे. अशा पुलांचा वापर अत्यंत धोकादायक असून, यामुळे विशेषतः पावसाळ्यात जीवितहानीचा मोठा धोका निर्माण होऊ शकतो, असा इशारा रेल्वे प्रशासनाने दिला आहे. भुसावळ विभागाच्या कार्यक्षेत्रातील १५६ हायड्रॉलिक पुलांवर नागरिक अनधिकृतरीत्या रेल्वे मार्ग ओलांडत असल्याचे एका सर्वेक्षणात समोर आले आहे. यामध्ये जळगाव जिल्ह्यात ७१, नाशिकमध्ये ५३, बुलढाण्यात १७, खंडवा येथे ११ तर अकोला आणि अमरावती येथे प्रत्येकी दोन संवेदनशील ठिकाणांचा समावेश आहे. रेल्वे प्रशासनाच्या स्पष्टीकरणानुसार, हे पूल केवळ पावसाचे पाणी वाहून नेण्यासाठी बांधण्यात आले असून ते सार्वजनिक वाहतूक किंवा रेल्वे मार्ग ओलांडण्यासाठी अधिकृत नाहीत. तरीही पादचारी, दुचाकीस्वार, ट्रॅक्टर आणि बैलगाड्यांकडून या पुलांचा वापर होत असल्याचे निदर्शनास आले आहे, ज्यामुळे गंभीर अपघाताची शक्यता वाढली आहे. विशेषतः पावसाळ्यात पाण्याचा प्रवाह आणि पातळी अचानक वाढल्याने वाहून जाण्याचा किंवा

बुडण्याचा मोठा धोका असतो. दरम्यान, या पुलांच्या वापराबाबत काही माध्यमांमध्ये प्रसिद्ध झालेल्या बातम्या दिशाभूल करणाऱ्या असून, नागरिकांनी केवळ रेल्वे प्रशासनाच्या अधिकृत माहितीवरच विश्वास ठेवावा, असे स्पष्ट करण्यात आले आहे. रेल्वे अधिनियम १९८९ च्या कलम १४७ नुसार रेल्वे रुळ, बोगदे आणि जलनिस्सारण पुलांवर अनधिकृतपणे प्रवेश करणे हा दंडनीय गुन्हा आहे. या नियमाचे उल्लंघन करणाऱ्यांना सहा महिन्यांपर्यंतचा कारावास, एक हजार रुपयांपर्यंतचा दंड किंवा दोन्ही शिक्षा होऊ शकतात. यासाठी रेल्वे सुरक्षा पथकांकडून संवेदनशील ठिकाणी गस्त वाढवण्यात आली असून, दोषींवर तात्काळ कारवाई केली जाईल. तसेच जळगाव, नाशिक, बुलढाणा, अकोला, धुळे आणि खंडवा जिल्हा प्रशासन, स्थानिक पोलीस व ग्रामपंचायतींना हे अनधिकृत मार्ग बंद करण्याचे आणि जनजागृती मोहीम राबवण्याचे आवाहन करण्यात आले आहे. नागरिकांनी रेल्वे मार्ग ओलांडण्यासाठी केवळ अधिकृत रोड ओव्हर ब्रिज (ROB), रोड अंडर ब्रिज (RUB), लेव्हल क्रॉसिंग आणि फूट ओव्हर ब्रिज (FOB) यांचाच वापर करावा, असे रेल्वे प्रशासनाने म्हटले आहे.