మహానంది మండలంలో శనివారం ఉదయం వరకు కురిసిన భారీ వర్షాలు, ఈదురు గాలులు, ఉరుములు, మెరుపులతో జనజీవనం అస్తవ్యస్తమైంది. ఈ ఉగ్రరూపానికి పొలాలు, లోతట్టు ప్రాంతాలు, రోడ్లు జలమయమయ్యాయి. ఈదురు గాలులతో కూడిన భారీ వర్షం అరటి రైతులలో తీవ్ర ఆందోళన కలిగించగా, గాజులపల్లె గ్రామంలో నిరంతర ఉరుములు, మెరుపులతో ప్రజలు భయాందోళనలకు గురయ్యారు. మౌలాలి స్వామి దర్గా వద్ద ఒక భారీ వృక్షం నేలకూలి విద్యుత్ స్తంభంపై పడటంతో విద్యుత్ తీగలు తెగిపడ్డాయి. ఈ ప్రమాదంలో శేషు అనే వ్యక్తికి చెందిన బంకు, రేకుల షెడ్డు పూర్తిగా ధ్వంసమయ్యాయి. అదే సమయంలో టీ తాగడానికి వచ్చిన చాకలి ఈశ్వరయ్యకు చెట్టు కొమ్మలు తగిలి స్వల్ప గాయాలయ్యాయి. తన బంకు, అందులోని సామాగ్రి ధ్వంసం కావడంతో బాధితుడు శేషు తీవ్ర ఆవేదన వ్యక్తం చేశారు. గత కొన్ని సంవత్సరాలుగా దీనిపైనే జీవనం సాగిస్తున్నానని, ఈ అకాల వర్షానికి తీవ్రంగా నష్టపోయానని, తమను ఆదుకోవాలని ఆయన వాపోయారు. ఈ ఘటనతో వెంటనే విద్యుత్ సరఫరా నిలిపివేయబడింది. ఈ ఘటన స్థలానికి మండల విద్యుత్ శాఖ ఏఈ ప్రభాకర్ రెడ్డి చేరుకొని పరిస్థితిని సమీక్షించారు. పడిపోయిన విద్యుత్ స్తంభం స్థానంలో ఆగర్ మిషన్ సహాయంతో కొత్త స్తంభాన్ని ఏర్పాటు చేస్తామని ఆయన తెలిపారు. భారీ వర్షాలకు విద్యుత్ తీగలు, స్తంభాలు విరిగిపడితే వెంటనే సమాచారం ఇవ్వాలని, సమస్యను పరిష్కరిస్తామని హామీ ఇచ్చారు. విద్యుత్ సిబ్బంది అప్రమత్తంగా ఉండాలని కూడా ఆదేశించారు. కాగా, మెట్ట, ఎస్సీ, ఓసీ కాలనీలలో డ్రైనేజీ మురుగునీరు ముందుకు సాగకపోవడంతో పొంగిపొర్లి ఇళ్లలోకి చేరి ప్రజలు తీవ్ర ఇబ్బందులు పడ్డారు. అనేక కాలనీలు చిత్తడిగా మారాయి. ఈ వర్షం కారణంగా విద్యుత్ సరఫరాకు కూడా అంతరాయం ఏర్పడింది. ఈదురు గాలులకు పలుచోట్ల వృక్షాలు నేలకూలగా, లోతట్టు ప్రాంతాలు జలమయమయ్యాయి. భారీ వర్షాల నేపథ్యంలో మండల ప్రజలు అప్రమత్తంగా ఉండాలని అధికారులు సూచించారు.

Syed Rafi

Photographer మహానంది, నంద్యాల, ఆంధ్రప్రదేశ్•

3 hrs ago

మహానంది మండలంలో శనివారం ఉదయం వరకు కురిసిన భారీ వర్షాలు, ఈదురు గాలులు, ఉరుములు, మెరుపులతో జనజీవనం అస్తవ్యస్తమైంది. ఈ ఉగ్రరూపానికి పొలాలు, లోతట్టు ప్రాంతాలు, రోడ్లు జలమయమయ్యాయి. ఈదురు గాలులతో కూడిన భారీ వర్షం అరటి రైతులలో తీవ్ర ఆందోళన కలిగించగా, గాజులపల్లె గ్రామంలో నిరంతర ఉరుములు, మెరుపులతో ప్రజలు భయాందోళనలకు గురయ్యారు. మౌలాలి స్వామి దర్గా వద్ద ఒక భారీ వృక్షం నేలకూలి విద్యుత్ స్తంభంపై పడటంతో

విద్యుత్ తీగలు తెగిపడ్డాయి. ఈ ప్రమాదంలో శేషు అనే వ్యక్తికి చెందిన బంకు, రేకుల షెడ్డు పూర్తిగా ధ్వంసమయ్యాయి. అదే సమయంలో టీ తాగడానికి వచ్చిన చాకలి ఈశ్వరయ్యకు చెట్టు కొమ్మలు తగిలి స్వల్ప గాయాలయ్యాయి. తన బంకు, అందులోని సామాగ్రి ధ్వంసం కావడంతో బాధితుడు శేషు తీవ్ర ఆవేదన వ్యక్తం చేశారు. గత కొన్ని సంవత్సరాలుగా దీనిపైనే జీవనం సాగిస్తున్నానని, ఈ అకాల వర్షానికి తీవ్రంగా నష్టపోయానని,

తమను ఆదుకోవాలని ఆయన వాపోయారు. ఈ ఘటనతో వెంటనే విద్యుత్ సరఫరా నిలిపివేయబడింది. ఈ ఘటన స్థలానికి మండల విద్యుత్ శాఖ ఏఈ ప్రభాకర్ రెడ్డి చేరుకొని పరిస్థితిని సమీక్షించారు. పడిపోయిన విద్యుత్ స్తంభం స్థానంలో ఆగర్ మిషన్ సహాయంతో కొత్త స్తంభాన్ని ఏర్పాటు చేస్తామని ఆయన తెలిపారు. భారీ వర్షాలకు విద్యుత్ తీగలు, స్తంభాలు విరిగిపడితే వెంటనే సమాచారం ఇవ్వాలని, సమస్యను పరిష్కరిస్తామని హామీ ఇచ్చారు. విద్యుత్ సిబ్బంది

అప్రమత్తంగా ఉండాలని కూడా ఆదేశించారు. కాగా, మెట్ట, ఎస్సీ, ఓసీ కాలనీలలో డ్రైనేజీ మురుగునీరు ముందుకు సాగకపోవడంతో పొంగిపొర్లి ఇళ్లలోకి చేరి ప్రజలు తీవ్ర ఇబ్బందులు పడ్డారు. అనేక కాలనీలు చిత్తడిగా మారాయి. ఈ వర్షం కారణంగా విద్యుత్ సరఫరాకు కూడా అంతరాయం ఏర్పడింది. ఈదురు గాలులకు పలుచోట్ల వృక్షాలు నేలకూలగా, లోతట్టు ప్రాంతాలు జలమయమయ్యాయి. భారీ వర్షాల నేపథ్యంలో మండల ప్రజలు అప్రమత్తంగా ఉండాలని అధికారులు సూచించారు.