छत्रपती संभाजीनगरच्या प्रतापनगर परिसरात कायदा आणि सुव्यवस्थेचा प्रश्न पुन्हा एकदा गंभीर बनला आहे. व्यावसायिक संजय लाहोटी यांच्या बंगल्यावरील सशस्त्र दरोड्याला अवघे सहा दिवस उलटत नाही तोच, याच परिसरात पुन्हा एक मोठी चोरी झाली आहे. घाटी रुग्णालयातील वैद्यकीय अधिकारी डॉ. ज्योती देशमुख या कामानिमित्त बाहेरगावी गेल्या असताना चोरट्यांनी त्यांच्या बंद घरावर डल्ला मारला. पहाटे सुमारे ३:४५ वाजता दोन शस्त्रधारी चोरट्यांनी अपार्टमेंटमध्ये प्रवेश केला आणि लोखंडी लॅच लॉक, लाकडी दरवाजाची चौकट व कपाट फोडून अवघ्या २० मिनिटांत चोरी करून पसार झाले. चोरट्यांनी घरातून सुमारे ९ तोळे सोने, दीड किलो चांदीचे दागिने आणि ८० हजार रुपयांची रोकड असा लाखोंचा ऐवज लंपास केला असून ही संपूर्ण घटना सीसीटीव्ही कॅमेऱ्यात कैद झाली आहे. या घटनेनंतर पोलिसांच्या कारभारावर नागरिकांनी तीव्र संताप व्यक्त केला आहे. चोरीची तक्रार देण्यासाठी गेलेल्या डॉ. देशमुख यांना पोलिस ठाण्यात वीजपुरवठा नसणे आणि अधिकारी उपलब्ध नसल्याचे कारण सांगत तब्बल १० तास हेलपाटे मारावे लागल्याचा आरोप आहे. तसेच, घटनेनंतर जवळपास १२ तासांनी फॉरेन्सिक पथक घटनास्थळी पोहोचले. लाहोटी यांच्या बंगल्यातील दरोड्याप्रमाणेच या चोरीतही दरवाजे फोडण्याची सारखीच पद्धत वापरण्यात आल्याने, दोन्ही गुन्ह्यांमागे एकाच टोळीचा हात असल्याची शक्यता वर्तवली जात आहे. या लागोपाठच्या चोऱ्यांमुळे प्रतापनगर परिसरात सध्या भीतीचे वातावरण पसरले असून रहिवाशांनी पोलिसांकडे रात्रगस्त वाढविण्याची मागणी केली आहे.

रविंद्र सुरडकर गुरव

औरंगाबाद, औरंगाबाद, महाराष्ट्र•

1 hr ago

छत्रपती संभाजीनगरच्या प्रतापनगर परिसरात कायदा आणि सुव्यवस्थेचा प्रश्न पुन्हा एकदा गंभीर बनला आहे. व्यावसायिक संजय लाहोटी यांच्या बंगल्यावरील सशस्त्र दरोड्याला अवघे सहा दिवस उलटत नाही तोच, याच परिसरात पुन्हा एक मोठी चोरी झाली आहे. घाटी रुग्णालयातील वैद्यकीय अधिकारी डॉ. ज्योती देशमुख या कामानिमित्त बाहेरगावी गेल्या असताना चोरट्यांनी त्यांच्या बंद घरावर डल्ला मारला. पहाटे सुमारे ३:४५ वाजता दोन शस्त्रधारी चोरट्यांनी अपार्टमेंटमध्ये प्रवेश केला आणि लोखंडी लॅच लॉक, लाकडी दरवाजाची चौकट व कपाट फोडून अवघ्या २० मिनिटांत चोरी करून पसार झाले. चोरट्यांनी घरातून सुमारे ९ तोळे सोने, दीड किलो चांदीचे दागिने आणि ८० हजार रुपयांची रोकड असा

लाखोंचा ऐवज लंपास केला असून ही संपूर्ण घटना सीसीटीव्ही कॅमेऱ्यात कैद झाली आहे. या घटनेनंतर पोलिसांच्या कारभारावर नागरिकांनी तीव्र संताप व्यक्त केला आहे. चोरीची तक्रार देण्यासाठी गेलेल्या डॉ. देशमुख यांना पोलिस ठाण्यात वीजपुरवठा नसणे आणि अधिकारी उपलब्ध नसल्याचे कारण सांगत तब्बल १० तास हेलपाटे मारावे लागल्याचा आरोप आहे. तसेच, घटनेनंतर जवळपास १२ तासांनी फॉरेन्सिक पथक घटनास्थळी पोहोचले. लाहोटी यांच्या बंगल्यातील दरोड्याप्रमाणेच या चोरीतही दरवाजे फोडण्याची सारखीच पद्धत वापरण्यात आल्याने, दोन्ही गुन्ह्यांमागे एकाच टोळीचा हात असल्याची शक्यता वर्तवली जात आहे. या लागोपाठच्या चोऱ्यांमुळे प्रतापनगर परिसरात सध्या भीतीचे वातावरण पसरले असून रहिवाशांनी पोलिसांकडे रात्रगस्त वाढविण्याची मागणी केली आहे.