ତାଳଚେର ବ୍ଲକ ଦେଉଳବେଡା ସ୍ଥିତ ଡିସିଆଇ କ୍ଲବ ପରିସରରେ ରେଜିନାଲ ଟ୍ରାନ୍ସପୋର୍ଟ ଅଫିସ, ତାଳଚେର ଏବଂ ଏମସିଏଲର ମିଳିତ ଆନୁକୂଲ୍ୟରେ "ସଡକ ସୁରକ୍ଷା – ଜୀବନ ରକ୍ଷା" ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି। ଏହି ଅବସରରେ, MCL ଆମ୍ବୁଲାନ୍ସ ଡିଭିଜନ ପକ୍ଷରୁ ସାମାଜିକ ସଚେତନତା ଭିତ୍ତିକ ନୁକଡ଼ ନାଟକ "ଅ-ସିଝା ସୁରକ୍ଷା" ଅତ୍ୟନ୍ତ ଜୀବନ୍ତ ଓ ପ୍ରଭାବଶାଳୀ ଭାବରେ ପରିବେଷଣ କରାଯାଇଥିଲା। ତାଳଚେରର ମୋଟର ଭେହିକଲ୍ସ ଇନ୍ସପେକ୍ଟର ତପନ କୁମାର ବେଟିଙ୍କ ସହିତ ସୌଭାଗ୍ୟ ଚନ୍ଦ୍ର ବେହେରା ଏବଂ ଆରଟିଓ କାର୍ଯ୍ୟାଳୟର କର୍ମଚାରୀବୃନ୍ଦଙ୍କ ଉପସ୍ଥିତି କାର୍ଯ୍ୟକ୍ରମକୁ ଅଧିକ ଗରିମାମୟ କରିଥିଲା। ନାଟକ "ଅ-ସିଝା ସୁରକ୍ଷା" ର ମୂଳ ବାର୍ତ୍ତା ଥିଲା ଯେ ଶିକ୍ଷିତ ହୋଇ ମଧ୍ୟ ଅନେକ ସମୟରେ ଲୋକେ ସଡକ ସୁରକ୍ଷା ନିୟମକୁ ଠିକ୍ ଭାବରେ ପାଳନ କରୁନାହାନ୍ତି। ଏଥିରେ ଦର୍ଶାଯାଇଥିଲା କିପରି ଲୋକେ ହେଲମେଟ୍ କିଣି ମୁଣ୍ଡରେ ପିନ୍ଧିବା ପରିବର୍ତ୍ତେ ବାଇକର ମିରରରେ ଝୁଲାଇ ରଖୁଛନ୍ତି, ସିଟ୍ ବେଲ୍ଟ ଶରୀର ଉପରେ ନଦେଇ ପଛପାଖରେ ଲକ୍ କରିଦେଉଛନ୍ତି ଏବଂ ମୋବାଇଲ୍ ବ୍ୟବହାରର କ୍ଷତି ଜାଣି ମଧ୍ୟ ଗାଡି ଚଳାଇବା ସମୟରେ କଥାବାର୍ତ୍ତା କିମ୍ବା ମେସେଜ୍ କରୁଛନ୍ତି। ଜାଣିଶୁଣି କରାଯାଉଥିବା ଏହି ଅସୁରକ୍ଷିତ ଅଭ୍ୟାସଗୁଡ଼ିକ କିପରି ଦୁର୍ଘଟଣାର କାରଣ ହୋଇଥାଏ, ତାହାକୁ ନାଟକ ମାଧ୍ୟମରେ ଅତ୍ୟନ୍ତ ସରଳ, ହାସ୍ୟରସାତ୍ମକ ଏବଂ ହୃଦୟସ୍ପର୍ଶୀ ଭାବରେ ପ୍ରଦର୍ଶିତ କରାଯାଇଥିଲା। ନାଟକରେ ରାଜଳଷ୍ମୀ, ଦମୟନ୍ତୀ, ରଶ୍ମିତା, ରତ୍ନମାଳା ଓ ଆରତୀ ମୁଖ୍ୟ ଭୂମିକାରେ ଅଭିନୟ କରିଥିଲେ, ଯାହା ଦର୍ଶକମାନଙ୍କୁ କେବଳ ନିୟମ ଜାଣିବା ନୁହେଁ ବରଂ ତାହାକୁ ଜୀବନରେ ପାଳନ କରିବା ହିଁ ପ୍ରକୃତ ସୁରକ୍ଷା ବୋଲି ଚିନ୍ତା କରିବାକୁ ବାଧ୍ୟ କରିଥିଲା। ଦର୍ଶକବୃନ୍ଦ ନାଟକର ବାର୍ତ୍ତାକୁ ଉଚ୍ଚ ପ୍ରଶଂସା କରିଥିବା ବେଳେ, ମୁଖ୍ୟ ଅତିଥି MCL ଆମ୍ବୁଲାନ୍ସ ଡିଭିଜନର ଏହି ଅଭିନବ ପ୍ରୟାସକୁ ଭୂୟସୀ ପ୍ରଶଂସା କରିଥିଲେ। ସେ ସଡକ ଦୁର୍ଘଟଣା ହ୍ରାସ କରିବା ପାଇଁ ଏଭଳି ସଚେତନତା ମୂଳକ କାର୍ଯ୍ୟକ୍ରମ ନିୟମିତ ଭାବରେ ଆୟୋଜନ କରିବାକୁ ଆହ୍ୱାନ ଜଣାଇଥିଲେ। ଏହି ସମ୍ପୂର୍ଣ୍ଣ କାର୍ଯ୍ୟକ୍ରମ MCL ଆମ୍ବୁଲାନ୍ସ ଡିଭିଜନର ଡିଭିଜନ କମାଣ୍ଡର ତଥା ଅନୁଗୋଳ ଜିଲ୍ଲା ସେଣ୍ଟ ଜନ୍ ଆମ୍ବୁଲାନ୍ସ ଯୁଗ୍ମ ସମ୍ପାଦକ ଦୀନବନ୍ଧୁ ପ୍ରଧାନ ଏବଂ ଆମ୍ବୁଲାନ୍ସ ଅଫିସର ହିମାଂଶୁ ଭୂଷଣ ପ୍ରଧାନ, ଟିକନ ସାହୁଙ୍କ ସହିତ ସୁଶୀଲ କୁମାର, ରାକେଲ କୁମାର ଏବଂ ସମସ୍ତ ବ୍ରିଗ୍ରେଡରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସୁଚାରୁରୂପେ ସମ୍ପନ୍ନ ହୋଇଥିଲା। ଏହି ଅଭିଯାନର ମୂଳ ଲକ୍ଷ୍ୟ ଥିଲା "ହେଲମେଟ୍ ଓ ସିଟ୍ ବେଲ୍ଟ କେବଳ ଜରିମାନାରୁ ବଞ୍ଚିବା ପାଇଁ ନୁହେଁ, ବରଂ ଜୀବନ ବଞ୍ଚାଇବା ପାଇଁ। ସଡକ ସୁରକ୍ଷା ନିୟମକୁ ମାନନ୍ତୁ, ନିଜକୁ ଓ ପରିବାରକୁ ସୁରକ୍ଷିତ ରଖନ୍ତୁ।"

Priyamadhaba Das

Journalists Talcher Sadar, Anugul•

6 hrs ago

ତାଳଚେର ବ୍ଲକ ଦେଉଳବେଡା ସ୍ଥିତ ଡିସିଆଇ କ୍ଲବ ପରିସରରେ ରେଜିନାଲ ଟ୍ରାନ୍ସପୋର୍ଟ ଅଫିସ, ତାଳଚେର ଏବଂ ଏମସିଏଲର ମିଳିତ ଆନୁକୂଲ୍ୟରେ "ସଡକ ସୁରକ୍ଷା – ଜୀବନ ରକ୍ଷା" ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି। ଏହି ଅବସରରେ, MCL ଆମ୍ବୁଲାନ୍ସ ଡିଭିଜନ ପକ୍ଷରୁ ସାମାଜିକ ସଚେତନତା ଭିତ୍ତିକ ନୁକଡ଼ ନାଟକ "ଅ-ସିଝା ସୁରକ୍ଷା" ଅତ୍ୟନ୍ତ ଜୀବନ୍ତ ଓ ପ୍ରଭାବଶାଳୀ ଭାବରେ ପରିବେଷଣ କରାଯାଇଥିଲା। ତାଳଚେରର ମୋଟର ଭେହିକଲ୍ସ ଇନ୍ସପେକ୍ଟର ତପନ କୁମାର ବେଟିଙ୍କ ସହିତ ସୌଭାଗ୍ୟ ଚନ୍ଦ୍ର ବେହେରା ଏବଂ ଆରଟିଓ କାର୍ଯ୍ୟାଳୟର କର୍ମଚାରୀବୃନ୍ଦଙ୍କ ଉପସ୍ଥିତି କାର୍ଯ୍ୟକ୍ରମକୁ ଅଧିକ ଗରିମାମୟ କରିଥିଲା। ନାଟକ "ଅ-ସିଝା ସୁରକ୍ଷା" ର ମୂଳ ବାର୍ତ୍ତା ଥିଲା ଯେ ଶିକ୍ଷିତ ହୋଇ ମଧ୍ୟ ଅନେକ ସମୟରେ ଲୋକେ ସଡକ ସୁରକ୍ଷା ନିୟମକୁ ଠିକ୍ ଭାବରେ ପାଳନ କରୁନାହାନ୍ତି। ଏଥିରେ ଦର୍ଶାଯାଇଥିଲା କିପରି ଲୋକେ ହେଲମେଟ୍ କିଣି ମୁଣ୍ଡରେ ପିନ୍ଧିବା ପରିବର୍ତ୍ତେ ବାଇକର ମିରରରେ ଝୁଲାଇ ରଖୁଛନ୍ତି, ସିଟ୍ ବେଲ୍ଟ ଶରୀର ଉପରେ ନଦେଇ ପଛପାଖରେ ଲକ୍ କରିଦେଉଛନ୍ତି ଏବଂ ମୋବାଇଲ୍ ବ୍ୟବହାରର କ୍ଷତି ଜାଣି ମଧ୍ୟ ଗାଡି ଚଳାଇବା ସମୟରେ କଥାବାର୍ତ୍ତା କିମ୍ବା ମେସେଜ୍ କରୁଛନ୍ତି। ଜାଣିଶୁଣି କରାଯାଉଥିବା ଏହି ଅସୁରକ୍ଷିତ ଅଭ୍ୟାସଗୁଡ଼ିକ କିପରି ଦୁର୍ଘଟଣାର କାରଣ ହୋଇଥାଏ, ତାହାକୁ ନାଟକ ମାଧ୍ୟମରେ ଅତ୍ୟନ୍ତ ସରଳ, ହାସ୍ୟରସାତ୍ମକ ଏବଂ ହୃଦୟସ୍ପର୍ଶୀ ଭାବରେ ପ୍ରଦର୍ଶିତ କରାଯାଇଥିଲା। ନାଟକରେ ରାଜଳଷ୍ମୀ, ଦମୟନ୍ତୀ, ରଶ୍ମିତା, ରତ୍ନମାଳା ଓ ଆରତୀ ମୁଖ୍ୟ ଭୂମିକାରେ ଅଭିନୟ କରିଥିଲେ, ଯାହା ଦର୍ଶକମାନଙ୍କୁ କେବଳ ନିୟମ ଜାଣିବା ନୁହେଁ ବରଂ ତାହାକୁ ଜୀବନରେ ପାଳନ କରିବା ହିଁ ପ୍ରକୃତ ସୁରକ୍ଷା ବୋଲି ଚିନ୍ତା କରିବାକୁ ବାଧ୍ୟ କରିଥିଲା। ଦର୍ଶକବୃନ୍ଦ ନାଟକର ବାର୍ତ୍ତାକୁ ଉଚ୍ଚ ପ୍ରଶଂସା କରିଥିବା ବେଳେ, ମୁଖ୍ୟ ଅତିଥି MCL ଆମ୍ବୁଲାନ୍ସ ଡିଭିଜନର ଏହି ଅଭିନବ ପ୍ରୟାସକୁ ଭୂୟସୀ ପ୍ରଶଂସା କରିଥିଲେ। ସେ ସଡକ ଦୁର୍ଘଟଣା ହ୍ରାସ କରିବା ପାଇଁ ଏଭଳି ସଚେତନତା ମୂଳକ କାର୍ଯ୍ୟକ୍ରମ ନିୟମିତ ଭାବରେ ଆୟୋଜନ କରିବାକୁ ଆହ୍ୱାନ ଜଣାଇଥିଲେ। ଏହି ସମ୍ପୂର୍ଣ୍ଣ କାର୍ଯ୍ୟକ୍ରମ MCL ଆମ୍ବୁଲାନ୍ସ ଡିଭିଜନର ଡିଭିଜନ କମାଣ୍ଡର ତଥା ଅନୁଗୋଳ ଜିଲ୍ଲା ସେଣ୍ଟ ଜନ୍ ଆମ୍ବୁଲାନ୍ସ ଯୁଗ୍ମ ସମ୍ପାଦକ ଦୀନବନ୍ଧୁ ପ୍ରଧାନ ଏବଂ ଆମ୍ବୁଲାନ୍ସ ଅଫିସର ହିମାଂଶୁ ଭୂଷଣ ପ୍ରଧାନ, ଟିକନ ସାହୁଙ୍କ ସହିତ ସୁଶୀଲ କୁମାର, ରାକେଲ କୁମାର ଏବଂ ସମସ୍ତ ବ୍ରିଗ୍ରେଡରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସୁଚାରୁରୂପେ ସମ୍ପନ୍ନ ହୋଇଥିଲା। ଏହି ଅଭିଯାନର ମୂଳ ଲକ୍ଷ୍ୟ ଥିଲା "ହେଲମେଟ୍ ଓ ସିଟ୍ ବେଲ୍ଟ କେବଳ ଜରିମାନାରୁ ବଞ୍ଚିବା ପାଇଁ ନୁହେଁ, ବରଂ ଜୀବନ ବଞ୍ଚାଇବା ପାଇଁ। ସଡକ ସୁରକ୍ଷା ନିୟମକୁ ମାନନ୍ତୁ, ନିଜକୁ ଓ ପରିବାରକୁ ସୁରକ୍ଷିତ ରଖନ୍ତୁ।"