-: ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟସେବା ବିପର୍ଯ୍ୟସ୍ତ :- -: ନାହିଁ ଶବ ବ୍ୟବଚ୍ଛେଦ କେନ୍ଦ୍ର ଓ ରକ୍ତଭଣ୍ଡାର ସୁବିଧା :- -: ଅଫିସ କାମରେ ନିୟୋଜିତ ବହୁମୁଖୀ ସ୍ୱାସ୍ଥ୍ୟକର୍ମୀ :- ​ଝାରସୁଗୁଡ଼ା, ୩୧।୭।୨୬: ଝାରସୁଗୁଡ଼ା ଜିଲା ଲଖନପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟସେବା କ୍ଷେତ୍ର ଅବହେଳିତ ତଥା ବିପର୍ଯ୍ୟସ୍ତ ହୋଇପଡ଼ିଥିବା ଅଭିଯୋଗ ହୋଇଛି। ଲଖନପୁର ବ୍ଲକ ମୋଟ ୩୩ ଗୋଟି ବ୍ଲକକୁ ନେଇ ଗଠିତ ହୋଇଥିବା ବେଳେ ପ୍ରାୟ ୧ ଲକ୍ଷ ଜନସଂଖ୍ୟାଙ୍କ କେବଳ ଏହି ସ୍ୱାସ୍ଥ୍ୟ କେନ୍ଦ୍ର ଉପରେ ନିର୍ଭରଶୀଳ। ତେବେ ଏଠାରେ ଲୋକେ ଉପଯୁକ୍ତ ସ୍ୱାସ୍ଥ୍ୟ ସେବା ପାଇ ପାରୁନଥିବା ଅଭିଯୋଗ ହୋଇଛି। ଏତେ ବଡ଼ ବ୍ଲକର ପ୍ରମୁଖ ହସ୍ପିଟାଲରେ ଚିକିତ୍ସା ସେବା କିପରି ଚାଲିଛି, ତାହା ସ୍ଥାନୀୟ ଲୋକଙ୍କୁ ଭଲଭାବେ ଜଣାଅଛି। ଏହା ବ୍ୟତୀତ ଏଠାରେ ପୋଷ୍ଟମୋର୍ଟମ ସେଣ୍ଟର, ଅତ୍ୟାବଶ୍ୟକ ରକ୍ତଭଣ୍ଡାର ସୁବିଧା କିମ୍ବା ଶବବାହକ ଗାଡ଼ିର ସୁବିଧା ନାହିଁ। କୌଣସି ବ୍ୟକ୍ତିଙ୍କ ମୃତ୍ୟୁ ହେଲେ କିମ୍ବା ‘ରିସିଭଡ୍ ଡେଡ୍’ ମାମଲାରେ ପୋଷ୍ଟମୋର୍ଟମ ପାଇଁ ମୃତଦେହକୁ ଝାରସୁଗୁଡ଼ା ନେବାକୁ ପଡ଼ୁଛି। ସେହି ସମୟରେ ଶବବାହକ ଗାଡ଼ି ନମିଳିବାରୁ ମୃତକଙ୍କ ପରିବାର ଲୋକଙ୍କୁ ଘଣ୍ଟା ଘଣ୍ଟା ଧରି ଅପେକ୍ଷା କରିବାକୁ ପଡ଼ୁଛି। ଅନ୍ୟପଟରେ ଝାରସୁଗୁଡ଼ାରୁ ଲଖନପୁର ବ୍ଲକ ଅଞ୍ଚଳ ଦେଇ ଛତିଶଗଡ଼ ରାଜ୍ୟକୁ ଜାତୀୟ ରାଜପଥ ୪୯ ସଂଯୋଗ ହୋଇଛି। ଏଥିରେ ଦୈନିକ ହଜାର ହଜାର ଯାନବାହନ ଚଳାଚଳ କରୁଛି। ବର୍ତ୍ତମାନ ସୁଦ୍ଧା ଏହି ଜାତୀୟ ରାଜପଥ ରାସ୍ତା ୪ ଥାକିଆ ହୋଇନଥିବାରୁ ଦୈନନ୍ଦିନ ସଡ଼କ ଦୁର୍ଘଟଣା ଘଟି ଅନେକ ଧନ ଜୀବନ ନଷ୍ଟ ହେଉଛି। ଲଖନପୁର ବ୍ଲକ ବର୍ତ୍ତମାନ ଓଡ଼ିଶାର ଏକ ଦୁର୍ଘଟଣା ପ୍ରବଣ ଅଞ୍ଚଳ ହୋଇଯାଇଛି। ଅନେକ ସମୟରେ ଦୁର୍ଘଟଣାରେ ଗୁରୁତର ଆହତ ବ୍ୟକ୍ତି ରକ୍ତ ଅଭାବରୁ ପ୍ରାଣ ହରାଇଛନ୍ତି। ଲଖନପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏକ ରକ୍ତଭଣ୍ଡାର ପରିଚାଳନା କରାଗଲେ ହୁଏତ ଅନେକ ଗୁରୁତର ବ୍ୟକ୍ତି ବଞ୍ଚିଯାଇ ପାରନ୍ତେ ବୋଲି ସ୍ଥାନୀୟ ବାସିନ୍ଦା ଦାବି କରିଛନ୍ତି। ବିଭିନ୍ନ ସମୟରେ ଲୋକେ ଏହି ସ୍ୱାସ୍ଥ୍ୟ କେନ୍ଦ୍ରରୁ ଉପଯୁକ୍ତ ସ୍ୱାସ୍ଥ୍ୟ ସେବା ପାଇନପରି ଅଧିକ ଖର୍ଚ୍ଚାନ୍ତ ହୋଇ ଘରୋଇ ହସ୍ପିଟାଲକୁ ଭରସା କରୁଛନ୍ତି। ଖାଲି ସେତିକି ନୁହେଁ, ଲଖନପୁର ବ୍ଲକରେ ସ୍ୱାସ୍ଥ୍ୟସେବା ନାଁରେ ଚାଲିଥିବା ଅବହେଳାର ଚିତ୍ର ଏତିକିରେ ଶେଷ ହେଉନାହିଁ। ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧୀନରେ ଆସୁଥିବା ଭଅଁରଖୋଲ ହେଲଥ ଆଣ୍ଡ ୱେଲନେସ ସେଣ୍ଟରରୁ ଜଣେ ପୁରୁଷ ବହୁମୁଖୀ ସ୍ୱାସ୍ଥ୍ୟକର୍ମୀଙ୍କୁ ଡେପୁଟେସନରେ ଆଣି ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଫିସରେ ବସାଯାଇଛି। ଯେଉଁଠାରେ ଜନ୍ମ-ମୃତ୍ୟୁ ପଞ୍ଜୀକରଣ ପାଇଁ ଜଣେ ନିର୍ଦ୍ଦିଷ୍ଟ କ୍ଲର୍କ  ଅଛନ୍ତି, ସେଠାରେ ଗ୍ରାମାଞ୍ଚଳର ଲୋକଙ୍କୁ ଚିକିତ୍ସା ସେବା ଯୋଗାଇବା ପାଇଁ ସରକାରଙ୍କ ଦ୍ୱାରା ନିୟୋଜିତ ଜଣେ ବହୁମୁଖୀ ସ୍ୱାସ୍ଥ୍ୟକର୍ମୀଙ୍କୁ କେଉଁ ସ୍ୱାର୍ଥରେ ବର୍ଷ ବର୍ଷ ଧରି କ୍ଲାରିକାଲ (ଅଫିସ) କାମରେ ରଖାଯାଇଛି, ତାହାକୁ ନେଇ ପ୍ରଶ୍ନ ଉଠିଛି। ​ଡେପୁଟେସନ ନାଁରେ ସ୍ୱାସ୍ଥ୍ୟକର୍ମୀଙ୍କୁ ଅଫିସରେ ବସାଇ ରଖାଯାଉଥିବାରୁ ଗାଁର ସାଧାରଣ ଲୋକେ ମୌଳିକ ସ୍ୱାସ୍ଥ୍ୟସେବାରୁ ବଞ୍ଚିତ ହେଉଛନ୍ତି। ଏହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

1 hr ago

-: ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟସେବା ବିପର୍ଯ୍ୟସ୍ତ :- -: ନାହିଁ ଶବ ବ୍ୟବଚ୍ଛେଦ କେନ୍ଦ୍ର ଓ ରକ୍ତଭଣ୍ଡାର ସୁବିଧା :- -: ଅଫିସ କାମରେ ନିୟୋଜିତ ବହୁମୁଖୀ ସ୍ୱାସ୍ଥ୍ୟକର୍ମୀ :- ​ଝାରସୁଗୁଡ଼ା, ୩୧।୭।୨୬: ଝାରସୁଗୁଡ଼ା ଜିଲା ଲଖନପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟସେବା କ୍ଷେତ୍ର ଅବହେଳିତ ତଥା ବିପର୍ଯ୍ୟସ୍ତ ହୋଇପଡ଼ିଥିବା ଅଭିଯୋଗ ହୋଇଛି। ଲଖନପୁର ବ୍ଲକ ମୋଟ ୩୩ ଗୋଟି ବ୍ଲକକୁ ନେଇ ଗଠିତ ହୋଇଥିବା ବେଳେ ପ୍ରାୟ ୧ ଲକ୍ଷ ଜନସଂଖ୍ୟାଙ୍କ କେବଳ ଏହି ସ୍ୱାସ୍ଥ୍ୟ କେନ୍ଦ୍ର ଉପରେ ନିର୍ଭରଶୀଳ। ତେବେ ଏଠାରେ ଲୋକେ ଉପଯୁକ୍ତ ସ୍ୱାସ୍ଥ୍ୟ ସେବା ପାଇ ପାରୁନଥିବା ଅଭିଯୋଗ ହୋଇଛି। ଏତେ ବଡ଼ ବ୍ଲକର ପ୍ରମୁଖ ହସ୍ପିଟାଲରେ ଚିକିତ୍ସା ସେବା କିପରି ଚାଲିଛି, ତାହା ସ୍ଥାନୀୟ ଲୋକଙ୍କୁ ଭଲଭାବେ ଜଣାଅଛି। ଏହା ବ୍ୟତୀତ ଏଠାରେ ପୋଷ୍ଟମୋର୍ଟମ ସେଣ୍ଟର, ଅତ୍ୟାବଶ୍ୟକ ରକ୍ତଭଣ୍ଡାର ସୁବିଧା କିମ୍ବା ଶବବାହକ ଗାଡ଼ିର ସୁବିଧା ନାହିଁ। କୌଣସି ବ୍ୟକ୍ତିଙ୍କ ମୃତ୍ୟୁ ହେଲେ କିମ୍ବା ‘ରିସିଭଡ୍ ଡେଡ୍’ ମାମଲାରେ ପୋଷ୍ଟମୋର୍ଟମ ପାଇଁ ମୃତଦେହକୁ ଝାରସୁଗୁଡ଼ା ନେବାକୁ ପଡ଼ୁଛି। ସେହି ସମୟରେ ଶବବାହକ ଗାଡ଼ି ନମିଳିବାରୁ ମୃତକଙ୍କ ପରିବାର ଲୋକଙ୍କୁ ଘଣ୍ଟା ଘଣ୍ଟା ଧରି ଅପେକ୍ଷା କରିବାକୁ ପଡ଼ୁଛି। ଅନ୍ୟପଟରେ ଝାରସୁଗୁଡ଼ାରୁ ଲଖନପୁର ବ୍ଲକ ଅଞ୍ଚଳ ଦେଇ ଛତିଶଗଡ଼ ରାଜ୍ୟକୁ ଜାତୀୟ ରାଜପଥ ୪୯ ସଂଯୋଗ ହୋଇଛି। ଏଥିରେ ଦୈନିକ ହଜାର ହଜାର ଯାନବାହନ ଚଳାଚଳ କରୁଛି। ବର୍ତ୍ତମାନ ସୁଦ୍ଧା ଏହି ଜାତୀୟ ରାଜପଥ ରାସ୍ତା ୪ ଥାକିଆ ହୋଇନଥିବାରୁ ଦୈନନ୍ଦିନ ସଡ଼କ ଦୁର୍ଘଟଣା

ଘଟି ଅନେକ ଧନ ଜୀବନ ନଷ୍ଟ ହେଉଛି। ଲଖନପୁର ବ୍ଲକ ବର୍ତ୍ତମାନ ଓଡ଼ିଶାର ଏକ ଦୁର୍ଘଟଣା ପ୍ରବଣ ଅଞ୍ଚଳ ହୋଇଯାଇଛି। ଅନେକ ସମୟରେ ଦୁର୍ଘଟଣାରେ ଗୁରୁତର ଆହତ ବ୍ୟକ୍ତି ରକ୍ତ ଅଭାବରୁ ପ୍ରାଣ ହରାଇଛନ୍ତି। ଲଖନପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏକ ରକ୍ତଭଣ୍ଡାର ପରିଚାଳନା କରାଗଲେ ହୁଏତ ଅନେକ ଗୁରୁତର ବ୍ୟକ୍ତି ବଞ୍ଚିଯାଇ ପାରନ୍ତେ ବୋଲି ସ୍ଥାନୀୟ ବାସିନ୍ଦା ଦାବି କରିଛନ୍ତି। ବିଭିନ୍ନ ସମୟରେ ଲୋକେ ଏହି ସ୍ୱାସ୍ଥ୍ୟ କେନ୍ଦ୍ରରୁ ଉପଯୁକ୍ତ ସ୍ୱାସ୍ଥ୍ୟ ସେବା ପାଇନପରି ଅଧିକ ଖର୍ଚ୍ଚାନ୍ତ ହୋଇ ଘରୋଇ ହସ୍ପିଟାଲକୁ ଭରସା କରୁଛନ୍ତି। ଖାଲି ସେତିକି ନୁହେଁ, ଲଖନପୁର ବ୍ଲକରେ ସ୍ୱାସ୍ଥ୍ୟସେବା ନାଁରେ ଚାଲିଥିବା ଅବହେଳାର ଚିତ୍ର ଏତିକିରେ ଶେଷ ହେଉନାହିଁ। ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧୀନରେ ଆସୁଥିବା ଭଅଁରଖୋଲ ହେଲଥ ଆଣ୍ଡ ୱେଲନେସ ସେଣ୍ଟରରୁ ଜଣେ ପୁରୁଷ ବହୁମୁଖୀ ସ୍ୱାସ୍ଥ୍ୟକର୍ମୀଙ୍କୁ ଡେପୁଟେସନରେ ଆଣି ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଫିସରେ ବସାଯାଇଛି। ଯେଉଁଠାରେ ଜନ୍ମ-ମୃତ୍ୟୁ ପଞ୍ଜୀକରଣ ପାଇଁ ଜଣେ ନିର୍ଦ୍ଦିଷ୍ଟ କ୍ଲର୍କ  ଅଛନ୍ତି, ସେଠାରେ ଗ୍ରାମାଞ୍ଚଳର ଲୋକଙ୍କୁ ଚିକିତ୍ସା ସେବା ଯୋଗାଇବା ପାଇଁ ସରକାରଙ୍କ ଦ୍ୱାରା ନିୟୋଜିତ ଜଣେ ବହୁମୁଖୀ ସ୍ୱାସ୍ଥ୍ୟକର୍ମୀଙ୍କୁ କେଉଁ ସ୍ୱାର୍ଥରେ ବର୍ଷ ବର୍ଷ ଧରି କ୍ଲାରିକାଲ (ଅଫିସ) କାମରେ ରଖାଯାଇଛି, ତାହାକୁ ନେଇ ପ୍ରଶ୍ନ ଉଠିଛି। ​ଡେପୁଟେସନ ନାଁରେ ସ୍ୱାସ୍ଥ୍ୟକର୍ମୀଙ୍କୁ ଅଫିସରେ ବସାଇ ରଖାଯାଉଥିବାରୁ ଗାଁର ସାଧାରଣ ଲୋକେ ମୌଳିକ ସ୍ୱାସ୍ଥ୍ୟସେବାରୁ ବଞ୍ଚିତ ହେଉଛନ୍ତି। ଏହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି।