కామారెడ్డి జిల్లా సదాశివనగర్ మండలం భూంపల్లి గ్రామంలో వ్యవసాయ పొలాల మధ్యగా వెళ్లే విద్యుత్ లైన్లు స్థానిక రైతులు, కూలీలు మరియు పశువుల ప్రాణాలకు ముప్పుగా మారాయి. పొలాల్లో ఏర్పాటు చేసిన కరెంట్ వైర్లు కేవలం నాలుగు నుంచి ఐదు అడుగుల ఎత్తులోనే వేలాడుతుండటంతో ఎప్పుడు ఏ ప్రమాదం జరుగుతుందోనని గ్రామ ప్రజలు తీవ్ర ఆందోళన చెందుతున్నారు. ప్రస్తుతం వ్యవసాయ పనుల కోసం పొలాలకు వెళ్లే రైతులు, కూలీలు ప్రతిరోజు ప్రాణాలను అరచేతిలో పెట్టుకుని వెళ్లాల్సిన పరిస్థితి ఏర్పడింది. పశువులను మేపడానికి వెళ్లే గ్రామస్థులు కూడా తీవ్ర భయాందోళనల మధ్య కాలం వెల్లదీస్తున్నారు. రైతులు తెలిపిన వివరాల ప్రకారం, వర్షాకాలం సమీపిస్తుండటంతో ఈ సమస్య మరింత ప్రమాదకరంగా మారే అవకాశం ఉంది. వర్షాలు పడితే తడి నేల కారణంగా విద్యుత్ ప్రసరణ పెరిగి మనుషులు, పశువులు ప్రమాదాల బారిన పడే అవకాశాలు ఎక్కువగా ఉన్నాయని గ్రామస్థులు హెచ్చరిస్తున్నారు. వ్యవసాయ సీజన్ ప్రారంభం కావడంతో పొలాల్లో ట్రాక్టర్లు, వ్యవసాయ పరికరాలు మరియు గడ్డి మోసే వాహనాలు తీసుకెళ్లేటప్పుడు ఈ తక్కువ ఎత్తులో ఉన్న విద్యుత్ తీగలు తీవ్ర అడ్డంకిగా మారాయి. ఎత్తయిన యంత్రాలు తీగలకు తగిలి ప్రమాదాలు జరిగే అవకాశం ఉండటంతో రైతులు తీవ్ర భయంతోనే పనులు చేసుకుంటున్నారు. ఈ తీవ్రమైన సమస్యపై భూంపల్లి గ్రామ రైతులు పలుమార్లు విద్యుత్ శాఖ ఏఈ, ఏఏఈ, మరియు లైన్మెన్‌కు ఫిర్యాదు చేసినప్పటికీ ఎలాంటి శాశ్వత చర్యలు చేపట్టలేదని ఆగ్రహం వ్యక్తం చేస్తున్నారు. అధికారులు క్షేత్రస్థాయికి వచ్చి పరిస్థితిని పరిశీలించడం కానీ, తీగలను సరిచేసి స్తంభాలను బలపరిచే పనులు కానీ చేయడం లేదని మండిపడుతున్నారు. ప్రమాదం జరిగాక స్పందించడం కాదని, జరగకముందే తక్షణమే చర్యలు తీసుకోవాలని డిమాండ్ చేస్తున్నారు. అధికారులు స్పందించి వేలాడుతున్న తీగలను సరిచేయాలని, అవసరమైతే కొత్త స్తంభాలను ఏర్పాటు చేసి, పాడైన తీగలను మార్చాలని కోరుతున్నారు. ఒకవేళ విద్యుత్ అధికారులు తక్షణమే స్పందించి చర్యలు తీసుకోకపోతే, గ్రామస్తులమంతా కలిసి కలెక్టర్‌కు వినతిపత్రం అందజేస్తామని హెచ్చరిస్తున్నారు.

Routhu srikanth

నాగారెడ్డిపేట్, కామారెడ్డి, తెలంగాణ•

9 hrs ago

కామారెడ్డి జిల్లా సదాశివనగర్ మండలం భూంపల్లి గ్రామంలో వ్యవసాయ పొలాల మధ్యగా వెళ్లే విద్యుత్ లైన్లు స్థానిక రైతులు, కూలీలు మరియు పశువుల ప్రాణాలకు ముప్పుగా మారాయి. పొలాల్లో ఏర్పాటు చేసిన కరెంట్ వైర్లు కేవలం నాలుగు నుంచి ఐదు అడుగుల ఎత్తులోనే వేలాడుతుండటంతో ఎప్పుడు ఏ ప్రమాదం జరుగుతుందోనని గ్రామ ప్రజలు తీవ్ర ఆందోళన చెందుతున్నారు. ప్రస్తుతం వ్యవసాయ పనుల కోసం పొలాలకు వెళ్లే రైతులు, కూలీలు ప్రతిరోజు ప్రాణాలను అరచేతిలో పెట్టుకుని వెళ్లాల్సిన పరిస్థితి ఏర్పడింది. పశువులను మేపడానికి వెళ్లే గ్రామస్థులు కూడా తీవ్ర భయాందోళనల మధ్య కాలం వెల్లదీస్తున్నారు. రైతులు తెలిపిన వివరాల ప్రకారం, వర్షాకాలం సమీపిస్తుండటంతో ఈ సమస్య మరింత ప్రమాదకరంగా మారే అవకాశం ఉంది. వర్షాలు పడితే తడి నేల కారణంగా విద్యుత్ ప్రసరణ పెరిగి మనుషులు, పశువులు ప్రమాదాల బారిన పడే అవకాశాలు ఎక్కువగా ఉన్నాయని గ్రామస్థులు హెచ్చరిస్తున్నారు. వ్యవసాయ సీజన్ ప్రారంభం కావడంతో పొలాల్లో ట్రాక్టర్లు,

వ్యవసాయ పరికరాలు మరియు గడ్డి మోసే వాహనాలు తీసుకెళ్లేటప్పుడు ఈ తక్కువ ఎత్తులో ఉన్న విద్యుత్ తీగలు తీవ్ర అడ్డంకిగా మారాయి. ఎత్తయిన యంత్రాలు తీగలకు తగిలి ప్రమాదాలు జరిగే అవకాశం ఉండటంతో రైతులు తీవ్ర భయంతోనే పనులు చేసుకుంటున్నారు. ఈ తీవ్రమైన సమస్యపై భూంపల్లి గ్రామ రైతులు పలుమార్లు విద్యుత్ శాఖ ఏఈ, ఏఏఈ, మరియు లైన్మెన్‌కు ఫిర్యాదు చేసినప్పటికీ ఎలాంటి శాశ్వత చర్యలు చేపట్టలేదని ఆగ్రహం వ్యక్తం చేస్తున్నారు. అధికారులు క్షేత్రస్థాయికి వచ్చి పరిస్థితిని పరిశీలించడం కానీ, తీగలను సరిచేసి స్తంభాలను బలపరిచే పనులు కానీ చేయడం లేదని మండిపడుతున్నారు. ప్రమాదం జరిగాక స్పందించడం కాదని, జరగకముందే తక్షణమే చర్యలు తీసుకోవాలని డిమాండ్ చేస్తున్నారు. అధికారులు స్పందించి వేలాడుతున్న తీగలను సరిచేయాలని, అవసరమైతే కొత్త స్తంభాలను ఏర్పాటు చేసి, పాడైన తీగలను మార్చాలని కోరుతున్నారు. ఒకవేళ విద్యుత్ అధికారులు తక్షణమే స్పందించి చర్యలు తీసుకోకపోతే, గ్రామస్తులమంతా కలిసి కలెక్టర్‌కు వినతిపత్రం అందజేస్తామని హెచ్చరిస్తున్నారు.