స్కౌట్ స్కార్ఫ్ సేవాభావానికి, ఐక్యతకు ప్రతీక ------ ఎస్పీ ధీరజ్ కునుబిల్లి మదనపల్లె: ప్రపంచ స్కౌట్ స్కార్ఫ్ దినోత్సవం సందర్భంగా మెడలో ధరించే స్కార్ఫ్ సాహసానికి, సేవాభావానికి, ఐక్యతకు ప్రతీక అని అన్నమయ్య జిల్లా ఎస్పీ ధీరజ్ కునుబిల్లి అన్నారు. శనివారం జిల్లా పోలీసు కార్యాలయంలో భారత స్కౌట్స్ అండ్ గైడ్స్ జిల్లా సెక్రటరీ మడితాటి నరసింహారెడ్డి ఆధ్వర్యంలో స్కౌట్ మాస్టర్లు, గైడ్ కెప్టెన్లు ఎస్పీని కలిసి గౌరవ సూచకంగా స్కార్ఫ్‌ను ధరింపజేశారు. ఈ సందర్భంగా జిల్లాలో స్కౌట్స్ అండ్ గైడ్స్ నిర్వహిస్తున్న సేవా కార్యక్రమాలు, విద్యార్థుల వ్యక్తిత్వ వికాసానికి స్కౌటింగ్ అందిస్తున్న తోడ్పాటును ఎస్పీకి వివరించారు. అనంతరం ఎస్పీ మాట్లాడుతూ చిన్ననాటి నుంచే విద్యార్థుల్లో క్రమశిక్షణ, దేశభక్తి, సేవాభావం, పెద్దల పట్ల గౌరవం, నాయకత్వ లక్షణాలు, నైతిక విలువలు పెంపొందించడంలో స్కౌట్ శిక్షణ కీలక పాత్ర పోషిస్తుందని అన్నారు. స్కౌట్ శిక్షణను సద్వినియోగం చేసుకుని ఉత్తమ పౌరులుగా ఎదగాలని విద్యార్థులకు సూచించారు. జిల్లాలో బాలబటుల ఉద్యమం మరింత బలోపేతం కావడానికి పోలీసు శాఖ తరఫున అవసరమైన సహకారం అందిస్తామని హామీ ఇచ్చారు. అనంతరం స్కౌట్స్ అండ్ గైడ్స్ విద్యార్థులతో ముఖాముఖి నిర్వహించి వారికి మిఠాయిలు పంపిణీ చేశారు. తదుపరి జిల్లా విద్యాశాఖ అధికారి డాక్టర్ కె. సుబ్రహ్మణ్యం, సమగ్ర శిక్ష అదనపు ప్రాజెక్టు కోఆర్డినేటర్ డాక్టర్ అనురాధలను స్కౌట్ ప్రతినిధులు కలిసి స్కార్ఫ్‌ను ధరింపజేశారు. ఈ సందర్భంగా జిల్లా సెక్రటరీ మడితాటి నరసింహారెడ్డి మాట్లాడుతూ 1907 ఆగస్టు 1న స్కౌటింగ్ వ్యవస్థాపకుడు లార్డ్ బేడెన్–పావెల్ ఇంగ్లాండ్‌లోని బ్రౌన్‌సీ ద్వీపంలో తొలి స్కౌట్ శిబిరాన్ని ప్రారంభించిన జ్ఞాపకార్థం ప్రతి ఏడాది ఆగస్టు 1న ప్రపంచ స్కౌట్ స్కార్ఫ్ దినోత్సవాన్ని నిర్వహిస్తున్నట్లు తెలిపారు. స్కార్ఫ్ కేవలం యూనిఫాంలో భాగమే కాకుండా సేవ, స్నేహం, క్రమశిక్షణ, బాధ్యత, ప్రపంచ సౌభ్రాతృత్వానికి ప్రతీకగా నిలుస్తుందని పేర్కొన్నారు. కార్యక్రమం ముగింపులో స్కౌట్స్ అండ్ గైడ్స్ సభ్యులు, స్కౌట్ మాస్టర్లు, గైడ్ కెప్టెన్లు స్కౌటింగ్ ఆశయాలను కొనసాగిస్తూ స్కౌట్ ప్రతిజ్ఞ, నియమాలను నిబద్ధతతో పాటిస్తామని సామూహికంగా ప్రతిజ్ఞ చేశారు. కార్యక్రమంలో గైడ్స్ లీడర్ ట్రైనర్ శకుంతల, జిల్లా ఆర్గనైజింగ్ కమిషనర్ (స్కౌట్స్) చంద్రశేఖర్, అడ్వాన్స్‌డ్ స్కౌట్ మాస్టర్ మహమ్మద్ ఖాన్, లక్ష్మీకర్, మడితాటి నితిన్ రెడ్డి, లక్ష్మిరెడ్డి, గైడ్ కెప్టెన్ సాయి కిరణ్ కుమారి తదితరులు పాల్గొన్నారు.

శ్రీనాధుడు ఎం

మదనపల్లె, అన్నమయ్య, ఆంధ్రప్రదేశ్•

3 hrs ago

స్కౌట్ స్కార్ఫ్ సేవాభావానికి, ఐక్యతకు ప్రతీక ------ ఎస్పీ ధీరజ్ కునుబిల్లి మదనపల్లె: ప్రపంచ స్కౌట్ స్కార్ఫ్ దినోత్సవం సందర్భంగా మెడలో ధరించే స్కార్ఫ్ సాహసానికి, సేవాభావానికి, ఐక్యతకు ప్రతీక అని అన్నమయ్య జిల్లా ఎస్పీ ధీరజ్ కునుబిల్లి అన్నారు. శనివారం జిల్లా పోలీసు కార్యాలయంలో భారత స్కౌట్స్ అండ్ గైడ్స్ జిల్లా సెక్రటరీ మడితాటి నరసింహారెడ్డి ఆధ్వర్యంలో స్కౌట్ మాస్టర్లు, గైడ్ కెప్టెన్లు ఎస్పీని కలిసి గౌరవ సూచకంగా స్కార్ఫ్‌ను ధరింపజేశారు. ఈ సందర్భంగా జిల్లాలో స్కౌట్స్ అండ్ గైడ్స్ నిర్వహిస్తున్న సేవా కార్యక్రమాలు, విద్యార్థుల వ్యక్తిత్వ వికాసానికి స్కౌటింగ్ అందిస్తున్న తోడ్పాటును ఎస్పీకి వివరించారు. అనంతరం ఎస్పీ మాట్లాడుతూ చిన్ననాటి నుంచే విద్యార్థుల్లో క్రమశిక్షణ, దేశభక్తి, సేవాభావం, పెద్దల పట్ల గౌరవం,

నాయకత్వ లక్షణాలు, నైతిక విలువలు పెంపొందించడంలో స్కౌట్ శిక్షణ కీలక పాత్ర పోషిస్తుందని అన్నారు. స్కౌట్ శిక్షణను సద్వినియోగం చేసుకుని ఉత్తమ పౌరులుగా ఎదగాలని విద్యార్థులకు సూచించారు. జిల్లాలో బాలబటుల ఉద్యమం మరింత బలోపేతం కావడానికి పోలీసు శాఖ తరఫున అవసరమైన సహకారం అందిస్తామని హామీ ఇచ్చారు. అనంతరం స్కౌట్స్ అండ్ గైడ్స్ విద్యార్థులతో ముఖాముఖి నిర్వహించి వారికి మిఠాయిలు పంపిణీ చేశారు. తదుపరి జిల్లా విద్యాశాఖ అధికారి డాక్టర్ కె. సుబ్రహ్మణ్యం, సమగ్ర శిక్ష అదనపు ప్రాజెక్టు కోఆర్డినేటర్ డాక్టర్ అనురాధలను స్కౌట్ ప్రతినిధులు కలిసి స్కార్ఫ్‌ను ధరింపజేశారు. ఈ సందర్భంగా జిల్లా సెక్రటరీ మడితాటి నరసింహారెడ్డి మాట్లాడుతూ 1907 ఆగస్టు 1న స్కౌటింగ్ వ్యవస్థాపకుడు లార్డ్ బేడెన్–పావెల్ ఇంగ్లాండ్‌లోని బ్రౌన్‌సీ

ద్వీపంలో తొలి స్కౌట్ శిబిరాన్ని ప్రారంభించిన జ్ఞాపకార్థం ప్రతి ఏడాది ఆగస్టు 1న ప్రపంచ స్కౌట్ స్కార్ఫ్ దినోత్సవాన్ని నిర్వహిస్తున్నట్లు తెలిపారు. స్కార్ఫ్ కేవలం యూనిఫాంలో భాగమే కాకుండా సేవ, స్నేహం, క్రమశిక్షణ, బాధ్యత, ప్రపంచ సౌభ్రాతృత్వానికి ప్రతీకగా నిలుస్తుందని పేర్కొన్నారు. కార్యక్రమం ముగింపులో స్కౌట్స్ అండ్ గైడ్స్ సభ్యులు, స్కౌట్ మాస్టర్లు, గైడ్ కెప్టెన్లు స్కౌటింగ్ ఆశయాలను కొనసాగిస్తూ స్కౌట్ ప్రతిజ్ఞ, నియమాలను నిబద్ధతతో పాటిస్తామని సామూహికంగా ప్రతిజ్ఞ చేశారు. కార్యక్రమంలో గైడ్స్ లీడర్ ట్రైనర్ శకుంతల, జిల్లా ఆర్గనైజింగ్ కమిషనర్ (స్కౌట్స్) చంద్రశేఖర్, అడ్వాన్స్‌డ్ స్కౌట్ మాస్టర్ మహమ్మద్ ఖాన్, లక్ష్మీకర్, మడితాటి నితిన్ రెడ్డి, లక్ష్మిరెడ్డి, గైడ్ కెప్టెన్ సాయి కిరణ్ కుమారి తదితరులు పాల్గొన్నారు.