అనంతపురం, జనవరి 7: అనంతపురం జిల్లా విద్యాశాఖ అధికారి ప్రసాద్ బాబు బుధవారం ఉదయం సింగనమల మండలంలోని ఆకులేడు జిల్లా పరిషత్ ఉన్నత పాఠశాలను ఆకస్మికంగా సందర్శించారు. ఈ సందర్భంగా పాఠశాలలో అమలవుతున్న 100 రోజుల ప్రత్యేక విద్యా కార్యక్రమం పురోగతిపై ఉపాధ్యాయులను అడిగి తెలుసుకున్నారు. కార్యక్రమ లక్ష్యాలను విద్యార్థులు ఎంతవరకు సాధిస్తున్నారన్న విషయంపై సమీక్ష నిర్వహించారు. పాఠశాల బోధన సిబ్బందితో ప్రత్యేక సమావేశం ఏర్పాటు చేసిన డీఈఓ ప్రసాద్ బాబు, ముఖ్యంగా పదవ తరగతి విద్యార్థుల్లో మెరుగైన ఫలితాలు సాధించే దిశగా మరింత కృషి చేయాలని ఉపాధ్యాయులను ఆదేశించారు. బోధనలో నాణ్యత పెంచడంతో పాటు విద్యార్థులపై ప్రత్యేక దృష్టి సారించాలని సూచించారు. అనంతరం పాఠశాలలో అమలవుతున్న మధ్యాహ్న భోజన పథకంలో భాగంగా విద్యార్థులకు పంపిణీ చేస్తున్న కోడిగుడ్లను పరిశీలించారు. కోడిగుడ్ల నాణ్యత, నిల్వ విధానంపై సంతృప్తి వ్యక్తం చేస్తూ, విద్యార్థుల ఆరోగ్యంపై ఎలాంటి రాజీ ఉండకూడదని స్పష్టం చేశారు. అలాగే వికాస్ కార్యక్రమం అమలు తీరును పరిశీలించి సంబంధిత రికార్డులను తనిఖీ చేశారు. పాఠశాల ఉపాధ్యాయులు విధులకు సకాలంలో హాజరవుతున్నారా లేదా అన్న విషయాన్ని కూడా డీఈఓ పరిశీలించారు. క్రమశిక్షణ, సమయపాలన తప్పనిసరిగా పాటించాలని ఉపాధ్యాయులకు సూచించారు. అనంతరం గార్లదిన్నె మండలం లోలూరు మండల పరిషత్ ప్రాథమిక పాఠశాల (ఎం.పి.పి.ఎస్) ను కూడా డీఈఓ సందర్శించారు. అక్కడ కూడా విద్యార్థులకు పంపిణీ చేస్తున్న కోడిగుడ్లను పరిశీలించి, ప్రభుత్వ పథకాలు సమర్థవంతంగా అమలవుతున్నాయా లేదా అనే అంశంపై సమీక్ష నిర్వహించారు. ఈ తనిఖీల ద్వారా ప్రభుత్వ పాఠశాలల్లో విద్యా ప్రమాణాలు మరింత మెరుగుపడేలా అవసరమైన చర్యలు తీసుకుంటామని జిల్లా విద్యాశాఖ అధికారి ప్రసాద్ బాబు తెలిపారు. ఈ కార్యక్రమంలో జిల్లా విద్యాశాఖ అధికారి తో పాటు ఆకులేడు జిల్లా పరిషత్ ఉన్నత పాఠశాల ప్రధానోపాధ్యాయుడు, బోధనా సిబ్బంది, అలాగే లోలూరు ఎం.పి.పి.ఎస్ ప్రధానోపాధ్యాయుడు మరియు బోధనా సిబ్బంది పాల్గొన్నారు.

JG Reddy

Journalist పీలేరు, అన్నమయ్య, ఆంధ్రప్రదేశ్•

1 day ago

అనంతపురం, జనవరి 7: అనంతపురం జిల్లా విద్యాశాఖ అధికారి ప్రసాద్ బాబు బుధవారం ఉదయం సింగనమల మండలంలోని ఆకులేడు జిల్లా పరిషత్ ఉన్నత పాఠశాలను ఆకస్మికంగా సందర్శించారు. ఈ సందర్భంగా పాఠశాలలో అమలవుతున్న 100 రోజుల ప్రత్యేక విద్యా కార్యక్రమం పురోగతిపై ఉపాధ్యాయులను అడిగి తెలుసుకున్నారు. కార్యక్రమ లక్ష్యాలను విద్యార్థులు ఎంతవరకు సాధిస్తున్నారన్న విషయంపై సమీక్ష నిర్వహించారు. పాఠశాల బోధన సిబ్బందితో ప్రత్యేక సమావేశం ఏర్పాటు చేసిన డీఈఓ ప్రసాద్ బాబు, ముఖ్యంగా పదవ తరగతి విద్యార్థుల్లో మెరుగైన ఫలితాలు సాధించే దిశగా మరింత కృషి చేయాలని ఉపాధ్యాయులను ఆదేశించారు. బోధనలో నాణ్యత పెంచడంతో పాటు విద్యార్థులపై ప్రత్యేక దృష్టి సారించాలని సూచించారు. అనంతరం పాఠశాలలో అమలవుతున్న మధ్యాహ్న భోజన పథకంలో భాగంగా విద్యార్థులకు పంపిణీ చేస్తున్న కోడిగుడ్లను పరిశీలించారు. కోడిగుడ్ల నాణ్యత, నిల్వ విధానంపై సంతృప్తి వ్యక్తం చేస్తూ, విద్యార్థుల ఆరోగ్యంపై ఎలాంటి రాజీ ఉండకూడదని స్పష్టం చేశారు. అలాగే వికాస్ కార్యక్రమం అమలు తీరును పరిశీలించి సంబంధిత రికార్డులను తనిఖీ చేశారు. పాఠశాల ఉపాధ్యాయులు విధులకు సకాలంలో హాజరవుతున్నారా లేదా అన్న విషయాన్ని కూడా డీఈఓ పరిశీలించారు. క్రమశిక్షణ, సమయపాలన తప్పనిసరిగా పాటించాలని ఉపాధ్యాయులకు సూచించారు. అనంతరం గార్లదిన్నె మండలం లోలూరు మండల పరిషత్ ప్రాథమిక పాఠశాల (ఎం.పి.పి.ఎస్) ను కూడా డీఈఓ సందర్శించారు. అక్కడ కూడా విద్యార్థులకు పంపిణీ చేస్తున్న కోడిగుడ్లను పరిశీలించి, ప్రభుత్వ పథకాలు సమర్థవంతంగా అమలవుతున్నాయా లేదా అనే అంశంపై సమీక్ష నిర్వహించారు. ఈ తనిఖీల ద్వారా ప్రభుత్వ పాఠశాలల్లో విద్యా ప్రమాణాలు మరింత మెరుగుపడేలా అవసరమైన చర్యలు తీసుకుంటామని జిల్లా విద్యాశాఖ అధికారి ప్రసాద్ బాబు తెలిపారు. ఈ కార్యక్రమంలో జిల్లా విద్యాశాఖ అధికారి తో పాటు ఆకులేడు జిల్లా పరిషత్ ఉన్నత పాఠశాల ప్రధానోపాధ్యాయుడు, బోధనా సిబ్బంది, అలాగే లోలూరు ఎం.పి.పి.ఎస్ ప్రధానోపాధ్యాయుడు మరియు బోధనా సిబ్బంది పాల్గొన్నారు.