केंद्र सरकारच्या महत्त्वाकांक्षी ‘आयुष्मान भारत’ योजनेअंतर्गत उभारण्यात आलेली ‘आयुष्मान आरोग्य मंदिरे’, अर्थात आरोग्यवर्धिनी केंद्रे, पिंपरी-चिंचवड शहरात अनेक ठिकाणी निष्क्रीय अवस्थेत असल्याचे समोर आले आहे. नागरिकांना घराजवळ मोफत आणि दर्जेदार प्राथमिक आरोग्य सेवा उपलब्ध करून देण्याच्या उद्देशाने ही केंद्रे सुरू करण्यात आली होती, परंतु वैद्यकीय अधिकारीच नसल्याने अनेक ठिकाणी त्यांना कुलूप लावलेले दिसत आहे. या केंद्रांमध्ये माता-बाल आरोग्य, लसीकरण, मधुमेह, रक्तदाब, कर्करोग तपासणी, टीबी उपचार, मानसिक आरोग्य समुपदेशन आणि ज्येष्ठ नागरिकांची काळजी अशा १२ प्रकारच्या सेवा देण्याचा दावा करण्यात आला होता. मात्र प्रत्यक्षात अनेक केंद्रांमध्ये रुग्णांना डॉक्टर उपलब्ध नसल्याने सेवा मिळत नसल्याची तक्रार नागरिक करत आहेत. मोदी सरकारच्या आरोग्य क्षेत्रातील या महत्त्वाच्या योजनेची शहरात अशी दुर्दशा झाल्याने प्रशासनाच्या नियोजनावर प्रश्नचिन्ह निर्माण झाले आहे. केंद्र सरकार निधी देत असताना आणि सुविधा उभारण्यात आल्या असतानाही मनुष्यबळ भरतीतील विलंबामुळे योजना केवळ कागदावरच राहिल्याची टीका होत आहे. दरम्यान, आरोग्य वैद्यकीय अधिकारी डॉ. लक्ष्मण गोफणे यांनी माहिती दिली आहे की, आरोग्यवर्धिनी केंद्रांसाठी यापूर्वी ७९ वैद्यकीय अधिकाऱ्यांची भरती प्रक्रिया राबविण्यात आली होती, परंतु आवश्यक पात्रतेचे उमेदवार उपलब्ध न झाल्याने नियुक्त्या पूर्ण होऊ शकल्या नाहीत. त्यानंतर निवडणूक आचारसंहिता लागू झाल्याने नवीन भरती प्रक्रिया राबविण्यात अडचणी आल्या. आता वैद्यकीय अधिकाऱ्यांची अंतिम यादी प्रसिद्ध करण्यात आली असून उमेदवार रुजू होण्यास सुरुवात झाली आहे. पुढील १५ दिवसांत सर्व आरोग्यवर्धिनी केंद्रांमधील सेवा नियमित करण्यात येतील, तसेच कामकाजावर देखरेख ठेवण्यासाठी वरिष्ठ वैद्यकीय अधिकाऱ्याची नियुक्ती करण्यात आली असून कर्मचाऱ्यांना आवश्यक प्रशिक्षणही दिले जाणार आहे. मात्र, अनेक महिन्यांपासून सेवा बंद असल्याने नागरिकांमध्ये नाराजीचे वातावरण आहे.

न्यूज पीसीएमसी

पिंपरी चिंचवड, पुणे, महाराष्ट्र•

10 hrs ago

केंद्र सरकारच्या महत्त्वाकांक्षी ‘आयुष्मान भारत’ योजनेअंतर्गत उभारण्यात आलेली ‘आयुष्मान आरोग्य मंदिरे’, अर्थात आरोग्यवर्धिनी केंद्रे, पिंपरी-चिंचवड शहरात अनेक ठिकाणी निष्क्रीय अवस्थेत असल्याचे समोर आले आहे. नागरिकांना घराजवळ मोफत आणि दर्जेदार प्राथमिक आरोग्य सेवा उपलब्ध करून देण्याच्या उद्देशाने ही केंद्रे सुरू करण्यात आली होती, परंतु वैद्यकीय अधिकारीच नसल्याने अनेक ठिकाणी त्यांना कुलूप लावलेले दिसत आहे. या केंद्रांमध्ये माता-बाल आरोग्य, लसीकरण, मधुमेह, रक्तदाब, कर्करोग तपासणी, टीबी उपचार, मानसिक आरोग्य समुपदेशन आणि ज्येष्ठ नागरिकांची काळजी अशा १२ प्रकारच्या सेवा देण्याचा दावा करण्यात आला होता. मात्र प्रत्यक्षात अनेक केंद्रांमध्ये रुग्णांना डॉक्टर उपलब्ध नसल्याने सेवा मिळत नसल्याची तक्रार नागरिक करत आहेत. मोदी सरकारच्या आरोग्य क्षेत्रातील या महत्त्वाच्या योजनेची शहरात अशी दुर्दशा झाल्याने प्रशासनाच्या नियोजनावर प्रश्नचिन्ह निर्माण झाले आहे. केंद्र सरकार निधी देत असताना आणि सुविधा उभारण्यात आल्या असतानाही मनुष्यबळ भरतीतील विलंबामुळे योजना केवळ कागदावरच राहिल्याची टीका होत आहे. दरम्यान, आरोग्य वैद्यकीय अधिकारी डॉ. लक्ष्मण गोफणे यांनी माहिती दिली आहे की, आरोग्यवर्धिनी केंद्रांसाठी यापूर्वी ७९ वैद्यकीय अधिकाऱ्यांची भरती प्रक्रिया राबविण्यात आली होती, परंतु आवश्यक पात्रतेचे उमेदवार उपलब्ध न झाल्याने नियुक्त्या पूर्ण होऊ शकल्या नाहीत. त्यानंतर निवडणूक आचारसंहिता लागू झाल्याने नवीन भरती प्रक्रिया राबविण्यात अडचणी आल्या. आता वैद्यकीय अधिकाऱ्यांची अंतिम यादी प्रसिद्ध करण्यात आली असून उमेदवार रुजू होण्यास सुरुवात झाली आहे. पुढील १५ दिवसांत सर्व आरोग्यवर्धिनी केंद्रांमधील सेवा नियमित करण्यात येतील, तसेच कामकाजावर देखरेख ठेवण्यासाठी वरिष्ठ वैद्यकीय अधिकाऱ्याची नियुक्ती करण्यात आली असून कर्मचाऱ्यांना आवश्यक प्रशिक्षणही दिले जाणार आहे. मात्र, अनेक महिन्यांपासून सेवा बंद असल्याने नागरिकांमध्ये नाराजीचे वातावरण आहे.