କାଦୁଅ ପଚପଚ ରାସ୍ତାରେ ଜନଜୀବନ ଅସ୍ତବ୍ୟସ୍ତ - ୪ ଗ୍ରାମବାସୀଙ୍କ ପଞ୍ଚାୟତ କାର୍ଯ୍ୟାଳୟକୁ ନାହିଁ ପକ୍କା ସଡ଼କ - ଭାଲୁଡୁଙ୍ଗୁରୀ–ବିଶାଳପାଲି ରାସ୍ତା ମରାମତି , ପକ୍କାକରଣ ପାଇଁ ଦାବି - ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ପଞ୍ଚାୟତର ଭାଲୁଡୁଙ୍ଗୁରୀ–ବିଶାଳପାଲି ରାସ୍ତା ଏବେ କାଦୁଅ ପଚପଚ ହୋଇପଡ଼ିଛି। ଫଳରେ ଏହି ରାସ୍ତାରେ ଯାତାୟାତ ପ୍ରାୟ ଠପ୍‌ ହୋଇଯାଇଥିବାବେଳେ ସ୍ଥାନୀୟ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଦୀର୍ଘଦିନ ଧରି ରାସ୍ତାଟିର ଦୁରବସ୍ଥା ଲାଗି ରହିଥିଲେ ମଧ୍ୟ ଏହାର ସ୍ଥାୟୀ ସମାଧାନ ହୋଇନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବହଳପଦର ପଞ୍ଚାୟତର ବିଶାଳପାଲି, ପାତ୍ରପାଲି, ହାତିଲିମୁଣ୍ଡା, କୁନ୍ଦପାଲ, ଭାଲୁଡୁଙ୍ଗୁରୀ ଓ ବହଳପଦର ସମେତ ଆଖପାଖ ଅଞ୍ଚଳର ଲୋକେ ଦୈନନ୍ଦିନ ଯାତାୟାତ ପାଇଁ ଏହି ରାସ୍ତା ଉପରେ ନିର୍ଭର କରିଥାନ୍ତି। ପ୍ରାୟ ୨ କିଲୋମିଟର ଦୀର୍ଘ ଏହି ମାଟି ରାସ୍ତାଟି ଅନେକ ସ୍ଥାନରେ ଖାଲଖମାରେ ଭରି ରହିଛି। ବର୍ଷା ହେଲେ ଏହି ଖାଲଗୁଡ଼ିକରେ ପାଣି ଜମି ରହୁଥିବାରୁ ରାସ୍ତାଟି କାଦୁଅରେ ପରିଣତ ହେଉଛି। ଏଭଳି ପରିସ୍ଥିତିରେ ଚାରିଚକିଆ ଯାନ ଚଳାଚଳ ପ୍ରାୟ ଅସମ୍ଭବ ହୋଇପଡ଼ିଛି। ଦୁଇଚକିଆ ଯାନ ନେଇ ଯାଉଥିବା ଲୋକଙ୍କୁ ମଧ୍ୟ ଅନେକ ସମସ୍ୟା ଭୋଗିବାକୁ ପଡ଼ୁଛି। କାଦୁଅ ଚକରେ ଲାଗି ଅନେକ ସମୟରେ ଗାଡ଼ି ଅଧାବାଟରେ ଅଟକି ଯାଉଥିବାବେଳେ ପାଦଚାରୀଙ୍କ ପାଇଁ ମଧ୍ୟ ଏହି ରାସ୍ତାରେ ଯିବା କଷ୍ଟକର ହୋଇପଡ଼ିଛି। ରାସ୍ତାର ଖାଲଖମା ଯୋଗୁଁ ଯାତାୟାତ ସମୟରେ ଲୋକେ ଦୁର୍ଘଟଣାର ଆଶଙ୍କା ମଧ୍ୟରେ ଯାତ୍ରା କରୁଛନ୍ତି। ଏହି ରାସ୍ତା ଦେଇ ବହଳପଦର ପଞ୍ଚାୟତ ସମେତ ଦୁର୍ଜନତୈଲା ପଞ୍ଚାୟତର ଅନେକ ଲୋକ ଖଣ୍ଡହତା ପଞ୍ଚାୟତର ସଦର ଗ୍ରାମ ଖଣ୍ଡହତାକୁ ଯାତାୟାତ କରିଥାନ୍ତି। ସେଠାରେ ଥିବା ଉତ୍କଳ ଗ୍ରାମ୍ୟ ବ୍ୟାଙ୍କ, ଶୁକ୍ରବାର ସାପ୍ତାହିକ ବଜାର ସମେତ ବ୍ୟବସାୟିକ ପେଣ୍ଠସ୍ଥଳୀ ସୁବଳୟାକୁ ଯିବା ପାଇଁ ଏହି ରାସ୍ତାଟି ଗୁରୁତ୍ୱପୂର୍ଣ୍ଣ ମାଧ୍ୟମ ପାଲଟିଛି। ରାସ୍ତାର ଏଭଳି ଦୁରବସ୍ଥା ଯୋଗୁଁ ଅଞ୍ଚଳର ଛାତ୍ରୀଛାତ୍ରମାନେ ଅମରପାଲି ହାଇସ୍କୁଲ ଓ ଖଣ୍ଡହତା କଲେଜକୁ ଯାତାୟାତ କରିବାରେ ମଧ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ଅନ୍ୟପକ୍ଷରେ, ଏହି ରାସ୍ତା ଦେଇ ବିଶାଲପାଲି, ପାତ୍ରପାଲି, ହାତିଲିମୁଣ୍ଡା ଓ କୁନ୍ଦପାଲ ଏହି ୪ ଟି ଗ୍ରାମର ହିତାଧିକାରୀମାନେ ବହଳପଦର ପଞ୍ଚାୟତ କାର୍ଯ୍ୟାଳୟକୁ ବିଭିନ୍ନ ସରକାରୀ କାମ ପାଇଁ ଆସିଥାନ୍ତି। ପିଡିଏସ୍‌ ଚାଉଳ ନେବା ସହ ବୃଦ୍ଧ, ବିଧବା ଓ ଭିନ୍ନକ୍ଷମ ହିତାଧିକାରୀମାନେ ବିଭିନ୍ନ ଭତ୍ତା ସମ୍ପର୍କିତ କାର୍ଯ୍ୟ ପାଇଁ ପଞ୍ଚାୟତ କାର୍ଯ୍ୟାଳୟକୁ ଏହି ରାସ୍ତା ଦେଇ ଆସିବାକୁ ପଡ଼ୁଛି। ଏହି ଅଞ୍ଚଳକୁ ସିଧାସଳଖ ବସ୍‌ ସେବା ମଧ୍ୟ ନଥିବାରୁ ସ୍ଥାନୀୟ ଲୋକଙ୍କ ସମସ୍ୟା ଆହୁରି ବଢ଼ିଯାଇଛି। ବସ୍‌ ସେବା ପାଇବା ପାଇଁ ପାଞ୍ଚଟି ଗ୍ରାମର ଲୋକଙ୍କୁ ବହଳପଦରକୁ ଆସିବାକୁ ପଡ଼ୁଥିବାବେଳେ ସେମାନେ ଏହି ଖାଲଖମା ଓ କାଦୁଅପୂର୍ଣ୍ଣ ରାସ୍ତା ଦେଇ ଯାତାୟାତ କରୁଛନ୍ତି। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ରାସ୍ତାକୁ ପକ୍କା କରିବା ପାଇଁ ପୂର୍ବରୁ ସରକାର ଓ ଜନପ୍ରତିନିଧିଙ୍କୁ ବାରମ୍ବାର ଅନୁରୋଧ କରାଯାଇଥିଲେ ମଧ୍ୟ କୌଣସି ସ୍ଥାୟୀ ପଦକ୍ଷେପ ନିଆଯାଇନଥିଲା। ନୂତନ ସରକାର ଗଠନ ପରେ ରାସ୍ତା ସମସ୍ୟାର ସମାଧାନ ହେବ ବୋଲି ଲୋକଙ୍କ ମନରେ ଆଶା ସୃଷ୍ଟି ହୋଇଥିଲା। ମାତ୍ର ଏପର୍ଯ୍ୟନ୍ତ ଏହି ରାସ୍ତା ପ୍ରତି ଆବଶ୍ୟକ ଧ୍ୟାନ ଦିଆଯାଇନଥିବାରୁ ଅସନ୍ତୋଷ ବଢ଼ିବାରେ ଲାଗିଛି। ଭାଲୁଡୁଙ୍ଗୁରୀ–ବିଶାଳପାଲି ରାସ୍ତାକୁ ପକ୍କା ସଡ଼କରେ ପରିଣତ କରାଗଲେ ବହଳପଦର ଓ ସୁବଳୟା ଅଞ୍ଚଳ ମଧ୍ୟରେ ଯୋଗାଯୋଗ ଅଧିକ ସୁଗମ ହେବା ସହ ଅଞ୍ଚଳର ସାମଗ୍ରିକ ବିକାଶରେ ସହାୟକ ହେବ। ତେଣୁ ପ୍ରଶାସନ ଓ ଜନପ୍ରତିନିଧିମାନେ ଏହି ଗୁରୁତର ସମସ୍ୟାକୁ ପ୍ରାଥମିକତା ଦେଇ ପ୍ରଥମେ ରାସ୍ତାର ଜରୁରୀ ମରାମତି କରିବା ସହ ଖୁବ୍‌ଶୀଘ୍ର ଏହାକୁ ପକ୍କା ସଡ଼କରେ ପରିଣତ କରିବାକୁ ସାଧାରଣରେ ଜୋରଦାର ଦାବି ହେଉଛି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

3 hrs ago

କାଦୁଅ ପଚପଚ ରାସ୍ତାରେ ଜନଜୀବନ ଅସ୍ତବ୍ୟସ୍ତ - ୪ ଗ୍ରାମବାସୀଙ୍କ ପଞ୍ଚାୟତ କାର୍ଯ୍ୟାଳୟକୁ ନାହିଁ ପକ୍କା ସଡ଼କ - ଭାଲୁଡୁଙ୍ଗୁରୀ–ବିଶାଳପାଲି ରାସ୍ତା ମରାମତି , ପକ୍କାକରଣ ପାଇଁ ଦାବି - ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ପଞ୍ଚାୟତର ଭାଲୁଡୁଙ୍ଗୁରୀ–ବିଶାଳପାଲି ରାସ୍ତା ଏବେ କାଦୁଅ ପଚପଚ ହୋଇପଡ଼ିଛି। ଫଳରେ ଏହି ରାସ୍ତାରେ ଯାତାୟାତ ପ୍ରାୟ ଠପ୍‌ ହୋଇଯାଇଥିବାବେଳେ ସ୍ଥାନୀୟ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଦୀର୍ଘଦିନ ଧରି ରାସ୍ତାଟିର ଦୁରବସ୍ଥା ଲାଗି ରହିଥିଲେ ମଧ୍ୟ ଏହାର ସ୍ଥାୟୀ ସମାଧାନ ହୋଇନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବହଳପଦର ପଞ୍ଚାୟତର ବିଶାଳପାଲି, ପାତ୍ରପାଲି, ହାତିଲିମୁଣ୍ଡା, କୁନ୍ଦପାଲ, ଭାଲୁଡୁଙ୍ଗୁରୀ ଓ ବହଳପଦର ସମେତ ଆଖପାଖ ଅଞ୍ଚଳର ଲୋକେ ଦୈନନ୍ଦିନ ଯାତାୟାତ ପାଇଁ ଏହି ରାସ୍ତା ଉପରେ ନିର୍ଭର କରିଥାନ୍ତି। ପ୍ରାୟ ୨ କିଲୋମିଟର ଦୀର୍ଘ ଏହି ମାଟି ରାସ୍ତାଟି ଅନେକ ସ୍ଥାନରେ ଖାଲଖମାରେ ଭରି ରହିଛି। ବର୍ଷା ହେଲେ ଏହି ଖାଲଗୁଡ଼ିକରେ ପାଣି ଜମି ରହୁଥିବାରୁ ରାସ୍ତାଟି କାଦୁଅରେ ପରିଣତ ହେଉଛି। ଏଭଳି ପରିସ୍ଥିତିରେ ଚାରିଚକିଆ ଯାନ ଚଳାଚଳ ପ୍ରାୟ ଅସମ୍ଭବ ହୋଇପଡ଼ିଛି। ଦୁଇଚକିଆ ଯାନ ନେଇ ଯାଉଥିବା ଲୋକଙ୍କୁ ମଧ୍ୟ ଅନେକ ସମସ୍ୟା ଭୋଗିବାକୁ ପଡ଼ୁଛି। କାଦୁଅ

ଚକରେ ଲାଗି ଅନେକ ସମୟରେ ଗାଡ଼ି ଅଧାବାଟରେ ଅଟକି ଯାଉଥିବାବେଳେ ପାଦଚାରୀଙ୍କ ପାଇଁ ମଧ୍ୟ ଏହି ରାସ୍ତାରେ ଯିବା କଷ୍ଟକର ହୋଇପଡ଼ିଛି। ରାସ୍ତାର ଖାଲଖମା ଯୋଗୁଁ ଯାତାୟାତ ସମୟରେ ଲୋକେ ଦୁର୍ଘଟଣାର ଆଶଙ୍କା ମଧ୍ୟରେ ଯାତ୍ରା କରୁଛନ୍ତି। ଏହି ରାସ୍ତା ଦେଇ ବହଳପଦର ପଞ୍ଚାୟତ ସମେତ ଦୁର୍ଜନତୈଲା ପଞ୍ଚାୟତର ଅନେକ ଲୋକ ଖଣ୍ଡହତା ପଞ୍ଚାୟତର ସଦର ଗ୍ରାମ ଖଣ୍ଡହତାକୁ ଯାତାୟାତ କରିଥାନ୍ତି। ସେଠାରେ ଥିବା ଉତ୍କଳ ଗ୍ରାମ୍ୟ ବ୍ୟାଙ୍କ, ଶୁକ୍ରବାର ସାପ୍ତାହିକ ବଜାର ସମେତ ବ୍ୟବସାୟିକ ପେଣ୍ଠସ୍ଥଳୀ ସୁବଳୟାକୁ ଯିବା ପାଇଁ ଏହି ରାସ୍ତାଟି ଗୁରୁତ୍ୱପୂର୍ଣ୍ଣ ମାଧ୍ୟମ ପାଲଟିଛି। ରାସ୍ତାର ଏଭଳି ଦୁରବସ୍ଥା ଯୋଗୁଁ ଅଞ୍ଚଳର ଛାତ୍ରୀଛାତ୍ରମାନେ ଅମରପାଲି ହାଇସ୍କୁଲ ଓ ଖଣ୍ଡହତା କଲେଜକୁ ଯାତାୟାତ କରିବାରେ ମଧ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ଅନ୍ୟପକ୍ଷରେ, ଏହି ରାସ୍ତା ଦେଇ ବିଶାଲପାଲି, ପାତ୍ରପାଲି, ହାତିଲିମୁଣ୍ଡା ଓ କୁନ୍ଦପାଲ ଏହି ୪ ଟି ଗ୍ରାମର ହିତାଧିକାରୀମାନେ ବହଳପଦର ପଞ୍ଚାୟତ କାର୍ଯ୍ୟାଳୟକୁ ବିଭିନ୍ନ ସରକାରୀ କାମ ପାଇଁ ଆସିଥାନ୍ତି। ପିଡିଏସ୍‌ ଚାଉଳ ନେବା ସହ ବୃଦ୍ଧ, ବିଧବା ଓ ଭିନ୍ନକ୍ଷମ ହିତାଧିକାରୀମାନେ ବିଭିନ୍ନ ଭତ୍ତା ସମ୍ପର୍କିତ କାର୍ଯ୍ୟ ପାଇଁ ପଞ୍ଚାୟତ କାର୍ଯ୍ୟାଳୟକୁ ଏହି ରାସ୍ତା ଦେଇ ଆସିବାକୁ

ପଡ଼ୁଛି। ଏହି ଅଞ୍ଚଳକୁ ସିଧାସଳଖ ବସ୍‌ ସେବା ମଧ୍ୟ ନଥିବାରୁ ସ୍ଥାନୀୟ ଲୋକଙ୍କ ସମସ୍ୟା ଆହୁରି ବଢ଼ିଯାଇଛି। ବସ୍‌ ସେବା ପାଇବା ପାଇଁ ପାଞ୍ଚଟି ଗ୍ରାମର ଲୋକଙ୍କୁ ବହଳପଦରକୁ ଆସିବାକୁ ପଡ଼ୁଥିବାବେଳେ ସେମାନେ ଏହି ଖାଲଖମା ଓ କାଦୁଅପୂର୍ଣ୍ଣ ରାସ୍ତା ଦେଇ ଯାତାୟାତ କରୁଛନ୍ତି। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ରାସ୍ତାକୁ ପକ୍କା କରିବା ପାଇଁ ପୂର୍ବରୁ ସରକାର ଓ ଜନପ୍ରତିନିଧିଙ୍କୁ ବାରମ୍ବାର ଅନୁରୋଧ କରାଯାଇଥିଲେ ମଧ୍ୟ କୌଣସି ସ୍ଥାୟୀ ପଦକ୍ଷେପ ନିଆଯାଇନଥିଲା। ନୂତନ ସରକାର ଗଠନ ପରେ ରାସ୍ତା ସମସ୍ୟାର ସମାଧାନ ହେବ ବୋଲି ଲୋକଙ୍କ ମନରେ ଆଶା ସୃଷ୍ଟି ହୋଇଥିଲା। ମାତ୍ର ଏପର୍ଯ୍ୟନ୍ତ ଏହି ରାସ୍ତା ପ୍ରତି ଆବଶ୍ୟକ ଧ୍ୟାନ ଦିଆଯାଇନଥିବାରୁ ଅସନ୍ତୋଷ ବଢ଼ିବାରେ ଲାଗିଛି। ଭାଲୁଡୁଙ୍ଗୁରୀ–ବିଶାଳପାଲି ରାସ୍ତାକୁ ପକ୍କା ସଡ଼କରେ ପରିଣତ କରାଗଲେ ବହଳପଦର ଓ ସୁବଳୟା ଅଞ୍ଚଳ ମଧ୍ୟରେ ଯୋଗାଯୋଗ ଅଧିକ ସୁଗମ ହେବା ସହ ଅଞ୍ଚଳର ସାମଗ୍ରିକ ବିକାଶରେ ସହାୟକ ହେବ। ତେଣୁ ପ୍ରଶାସନ ଓ ଜନପ୍ରତିନିଧିମାନେ ଏହି ଗୁରୁତର ସମସ୍ୟାକୁ ପ୍ରାଥମିକତା ଦେଇ ପ୍ରଥମେ ରାସ୍ତାର ଜରୁରୀ ମରାମତି କରିବା ସହ ଖୁବ୍‌ଶୀଘ୍ର ଏହାକୁ ପକ୍କା ସଡ଼କରେ ପରିଣତ କରିବାକୁ ସାଧାରଣରେ ଜୋରଦାର ଦାବି ହେଉଛି।