મકરસંક્રાંતિ પર બાળકો માટે ખુશીની ભેટ: અમરીશ ડેરે વહેંચ્યા 1.50 લાખ પતંગો 142 ગામોમાં 1.50 લાખથી વધુ પતંગો બાળકોને ભેટ રાજુલાના પૂર્વ ધારાસભ્ય અમરીશ ડેર દ્વારા મકરસંક્રાંતિ પર્વ નિમિત્તે તેમના વિધાનસભા વિસ્તારમાં આવેલા 142 ગામોમાં 1.50 લાખથી વધુ પતંગોનું વિતરણ કરવામાં આવ્યું હતું. તહેવારની ખુશી દરેક બાળક સુધી પહોંચે તે હેતુસર આ સેવાકીય કાર્યક્રમનું આયોજન કરવામાં આવ્યું હતું. આ પતંગ વિતરણ કાર્યક્રમ રાજુલા, જાફરાબાદ અને ખાંભા તાલુકાના ગ્રામ્ય વિસ્તારોમાં આવેલા 98 વિધાનસભાના કુલ 142 ગામોની પ્રાથમિક શાળાઓના વિદ્યાર્થીઓ માટે યોજાયો હતો. વર્ષ 2016-17થી અમરીશ ડેર દર વર્ષે મકરસંક્રાંતિના બે દિવસ પૂર્વે સતત આ પરંપરાને આગળ વધારી રહ્યા છે. તેમણે જણાવ્યું કે, શરૂઆતના વર્ષોમાં મર્યાદિત સંખ્યામાં પતંગો વિતરણ થતા હતા, પરંતુ બાળકોના વધતા ઉત્સાહ અને આનંદને ધ્યાનમાં રાખી આજે 50 હજારથી વધુ વિદ્યાર્થીઓ વચ્ચે અંદાજે 1.50 લાખથી વધુ પતંગો વહેંચવામાં આવે છે. હાલમાં ગુજરાત મેરીટાઇમ બોર્ડ કર્મચારી મંડળના ચેરમેન તરીકે ફરજ બજાવતા હોવા છતાં, સમાજસેવા અને વિસ્તારના બાળકો માટેની આ પ્રવૃત્તિ તેઓ સતત જાળવી રાખી રહ્યા છે. અમરીશ ડેરે કહ્યું કે, “મારા વિસ્તારના બાળકો પતંગ ઉડાડીને જે ખુશી અનુભવે છે, તેનાથી બમણી ખુશી મને મળે છે.” ખાસ કરીને દરિયાકાંઠાના છેવાડાના તેમજ મધ્યમ વર્ગના પરિવારોના બાળકો પણ તહેવાર આનંદપૂર્વક ઉજવી શકે તેવા પ્રયાસો આ કાર્યક્રમ દ્વારા કરવામાં આવી રહ્યા છે. તેમણે ખાતરી આપી કે, તેમની ટીમ સાથે આ સેવાભાવિ પ્રવૃત્તિ ભવિષ્યમાં પણ સતત ચાલુ રહેશે. કોરોના કાળ દરમિયાન જ્યારે અમરીશ ડેરના ફોટાવાળા પતંગો ઉપલબ્ધ નહોતા, ત્યારે પણ બાળકોએ ખાસ તેમના ફોટાવાળા પતંગોની માંગ કરી હતી, જે જોઈને ડેરે આનંદ વ્યક્ત કર્યો હતો. આ પતંગ વિતરણ કાર્યક્રમથી ગ્રામ્ય વિસ્તારના વિદ્યાર્થીઓમાં ભારે ઉત્સાહ જોવા મળ્યો હતો અને મકરસંક્રાંતિનો ઉત્સવ બાળકો માટે વધુ રંગીન અને આનંદમય બન્યો હતો.

RAJULANEWSUPDATE

News Update રાજુલા, અમરેલી, ગુજરાત•

18 hrs ago

મકરસંક્રાંતિ પર બાળકો માટે ખુશીની ભેટ: અમરીશ ડેરે વહેંચ્યા 1.50 લાખ પતંગો 142 ગામોમાં 1.50 લાખથી વધુ પતંગો બાળકોને ભેટ રાજુલાના પૂર્વ ધારાસભ્ય અમરીશ ડેર દ્વારા મકરસંક્રાંતિ પર્વ નિમિત્તે તેમના વિધાનસભા વિસ્તારમાં આવેલા 142 ગામોમાં 1.50 લાખથી વધુ પતંગોનું વિતરણ કરવામાં આવ્યું હતું. તહેવારની ખુશી દરેક બાળક સુધી પહોંચે તે હેતુસર આ સેવાકીય કાર્યક્રમનું આયોજન કરવામાં આવ્યું હતું. આ પતંગ વિતરણ કાર્યક્રમ રાજુલા, જાફરાબાદ અને ખાંભા તાલુકાના ગ્રામ્ય વિસ્તારોમાં આવેલા 98 વિધાનસભાના કુલ 142 ગામોની પ્રાથમિક શાળાઓના વિદ્યાર્થીઓ માટે યોજાયો હતો. વર્ષ 2016-17થી અમરીશ ડેર દર વર્ષે મકરસંક્રાંતિના બે દિવસ પૂર્વે સતત આ પરંપરાને આગળ વધારી રહ્યા છે. તેમણે જણાવ્યું કે, શરૂઆતના વર્ષોમાં મર્યાદિત સંખ્યામાં પતંગો વિતરણ થતા હતા, પરંતુ બાળકોના વધતા ઉત્સાહ અને આનંદને ધ્યાનમાં રાખી આજે 50 હજારથી વધુ વિદ્યાર્થીઓ વચ્ચે અંદાજે 1.50 લાખથી વધુ પતંગો વહેંચવામાં આવે છે. હાલમાં ગુજરાત

મેરીટાઇમ બોર્ડ કર્મચારી મંડળના ચેરમેન તરીકે ફરજ બજાવતા હોવા છતાં, સમાજસેવા અને વિસ્તારના બાળકો માટેની આ પ્રવૃત્તિ તેઓ સતત જાળવી રાખી રહ્યા છે. અમરીશ ડેરે કહ્યું કે, “મારા વિસ્તારના બાળકો પતંગ ઉડાડીને જે ખુશી અનુભવે છે, તેનાથી બમણી ખુશી મને મળે છે.” ખાસ કરીને દરિયાકાંઠાના છેવાડાના તેમજ મધ્યમ વર્ગના પરિવારોના બાળકો પણ તહેવાર આનંદપૂર્વક ઉજવી શકે તેવા પ્રયાસો આ કાર્યક્રમ દ્વારા કરવામાં આવી રહ્યા છે. તેમણે ખાતરી આપી કે, તેમની ટીમ સાથે આ સેવાભાવિ પ્રવૃત્તિ ભવિષ્યમાં પણ સતત ચાલુ રહેશે. કોરોના કાળ દરમિયાન જ્યારે અમરીશ ડેરના ફોટાવાળા પતંગો ઉપલબ્ધ નહોતા, ત્યારે પણ બાળકોએ ખાસ તેમના ફોટાવાળા પતંગોની માંગ કરી હતી, જે જોઈને ડેરે આનંદ વ્યક્ત કર્યો હતો. આ પતંગ વિતરણ કાર્યક્રમથી ગ્રામ્ય વિસ્તારના વિદ્યાર્થીઓમાં ભારે ઉત્સાહ જોવા મળ્યો હતો અને મકરસંક્રાંતિનો ઉત્સવ બાળકો માટે વધુ રંગીન અને આનંદમય બન્યો હતો.