नांदेड जिल्ह्यात पाणीटंचाई निवारणासाठी राबविण्यात आलेल्या उपाययोजनांचे यावर्षी सकारात्मक परिणाम स्पष्टपणे दिसून आले आहेत. सन २०२४-२५ च्या उन्हाळ्यात जिल्ह्यात ३२ टँकरद्वारे पाणीपुरवठा केला जात होता, परंतु सन २०२५-२६ मध्ये ही संख्या केवळ १४ वर आली आहे. प्रभावी नियोजन, सातत्यपूर्ण पाठपुरावा आणि वेळेवर राबविण्यात आलेल्या उपायांमुळे पाणीटंचाईची तीव्रता मोठ्या प्रमाणात कमी करण्यात यश आले आहे. जिल्ह्यात जलजीवन मिशन अंतर्गत सुरू असलेल्या विविध ग्रामीण पाणीपुरवठा योजनांची प्रगती, जलसंधारण उपक्रम आणि भूजल पुनर्भरणासाठी हाती घेण्यात आलेल्या उपाययोजना हा या सकारात्मक बदलाचा परिणाम आहे. मुख्य कार्यकारी अधिकारी मेघना कावली यांच्या मार्गदर्शनाखाली योजनांचा नियमित आढावा घेतला जात असून आवश्यक तेथे तातडीने उपाययोजना केल्या जात आहेत. भूजल पातळी वाढवण्यासाठी जिल्ह्यात विविध ठिकाणी रिचार्ज शाफ्टची कामे प्रस्तावित आहेत. तसेच, जी-रामजी अंतर्गत गावांमध्ये जुन्या बोअरवेल परिसरात 'जलतारा' उपक्रम राबवून भूजल पुनर्भरणाला चालना देण्याचे प्रयत्न सुरू आहेत, ज्यामुळे भविष्यात पाण्याची उपलब्धता अधिक शाश्वत होईल. ग्रामीण आरोग्य सेवांना सुरक्षित पिण्याचे पाणी मिळावे यासाठी प्राथमिक आरोग्य केंद्रांना नळ पाणीपुरवठा जोडणी देण्याचे विशेष अभियान हाती घेण्यात आले आहे; यात ७० पैकी ४० केंद्रांची निवड केली असून २० केंद्रांमध्ये काम पूर्ण होऊन पाणीपुरवठा सुरू झाला आहे. मुख्य कार्यकारी अधिकारी मेघना कावली, ग्रामीण पाणीपुरवठा विभागाचे कार्यकारी अभियंता राहुल रावसाहेब आणि जिल्हा परिषद प्रशासनाच्या समन्वित प्रयत्नांमुळे पाणीटंचाईवर प्रभावीपणे मात केली जात आहे. यामुळे टँकरवरील अवलंबित्व कमी झाले असून ग्रामीण भागातील नागरिकांना मोठा दिलासा मिळाला आहे. यावर्षी संभाव्य एल-निनो परिस्थितीचा विचार करून प्रशासनाकडून आवश्यक खबरदारी घेतली जात आहे. आगामी काळात जलजीवन मिशनच्या योजनांसोबतच 'शाश्वत भूजल बळकटीकरण समिती'च्या माध्यमातून जिल्हाभर व्यापक जलसंधारण व भूजल पुनर्भरणाची कामे राबविण्यात येतील. पिण्याच्या पाण्याची शाश्वत उपलब्धता सुनिश्चित करण्यासाठी विविध विभागांच्या समन्वयातून दीर्घकालीन उपाययोजनांवर भर दिला जाणार असल्याची माहिती मुख्य कार्यकारी अधिकारी मेघना कावली यांनी दिली.

Mohammad Rafikh

Graphic designer माहूर, नांदेड, महाराष्ट्र•

20 hrs ago

नांदेड जिल्ह्यात पाणीटंचाई निवारणासाठी राबविण्यात आलेल्या उपाययोजनांचे यावर्षी सकारात्मक परिणाम स्पष्टपणे दिसून आले आहेत. सन २०२४-२५ च्या उन्हाळ्यात जिल्ह्यात ३२ टँकरद्वारे पाणीपुरवठा केला जात होता, परंतु सन २०२५-२६ मध्ये ही संख्या केवळ १४ वर आली आहे. प्रभावी नियोजन, सातत्यपूर्ण पाठपुरावा आणि वेळेवर राबविण्यात आलेल्या उपायांमुळे पाणीटंचाईची तीव्रता मोठ्या प्रमाणात कमी करण्यात यश आले आहे. जिल्ह्यात जलजीवन मिशन अंतर्गत सुरू असलेल्या विविध ग्रामीण पाणीपुरवठा योजनांची प्रगती, जलसंधारण उपक्रम आणि भूजल पुनर्भरणासाठी हाती घेण्यात आलेल्या उपाययोजना हा या सकारात्मक बदलाचा परिणाम आहे. मुख्य कार्यकारी अधिकारी मेघना कावली यांच्या मार्गदर्शनाखाली योजनांचा नियमित आढावा घेतला जात असून आवश्यक तेथे तातडीने उपाययोजना केल्या जात आहेत. भूजल पातळी वाढवण्यासाठी जिल्ह्यात विविध ठिकाणी रिचार्ज शाफ्टची कामे प्रस्तावित आहेत. तसेच, जी-रामजी अंतर्गत गावांमध्ये जुन्या बोअरवेल परिसरात 'जलतारा' उपक्रम राबवून भूजल पुनर्भरणाला चालना देण्याचे प्रयत्न सुरू आहेत, ज्यामुळे भविष्यात पाण्याची उपलब्धता अधिक शाश्वत होईल. ग्रामीण आरोग्य सेवांना सुरक्षित पिण्याचे पाणी मिळावे यासाठी प्राथमिक आरोग्य केंद्रांना नळ पाणीपुरवठा जोडणी देण्याचे विशेष अभियान हाती घेण्यात आले आहे; यात ७० पैकी ४० केंद्रांची निवड केली असून २० केंद्रांमध्ये काम पूर्ण होऊन पाणीपुरवठा सुरू झाला आहे. मुख्य कार्यकारी अधिकारी मेघना कावली, ग्रामीण पाणीपुरवठा विभागाचे कार्यकारी अभियंता राहुल रावसाहेब आणि जिल्हा परिषद प्रशासनाच्या समन्वित प्रयत्नांमुळे पाणीटंचाईवर प्रभावीपणे मात केली जात आहे. यामुळे टँकरवरील अवलंबित्व कमी झाले असून ग्रामीण भागातील नागरिकांना मोठा दिलासा मिळाला आहे. यावर्षी संभाव्य एल-निनो परिस्थितीचा विचार करून प्रशासनाकडून आवश्यक खबरदारी घेतली जात आहे. आगामी काळात जलजीवन मिशनच्या योजनांसोबतच 'शाश्वत भूजल बळकटीकरण समिती'च्या माध्यमातून जिल्हाभर व्यापक जलसंधारण व भूजल पुनर्भरणाची कामे राबविण्यात येतील. पिण्याच्या पाण्याची शाश्वत उपलब्धता सुनिश्चित करण्यासाठी विविध विभागांच्या समन्वयातून दीर्घकालीन उपाययोजनांवर भर दिला जाणार असल्याची माहिती मुख्य कार्यकारी अधिकारी मेघना कावली यांनी दिली.