पालघरमधील शिरगाव बीचवर, समुद्राच्या अथांग लाटा आणि निसर्गरम्य वातावरणात, १२ वा आंतरराष्ट्रीय योग दिन मोठ्या उत्साहात साजरा करण्यात आला. ‘एक पृथ्वी, एक आरोग्य’ (Yoga for One Earth, One Health) ही संकल्पना केंद्रस्थानी ठेवून आयोजित या कार्यक्रमात अधिकारी, विद्यार्थी आणि नागरिकांनी मोठ्या संख्येने सहभागी होत योगाची शपथ घेतली. राष्ट्रीय आयुष अभियान, जिल्हा परिषद आरोग्य विभाग, जिल्हा प्रशासन आणि जिल्हा क्रीडा अधिकारी कार्यालय यांच्या संयुक्त विद्यमाने या उपक्रमाचे आयोजन करण्यात आले होते. पहाटेच्या मंगलमय वातावरणात नागरिक आणि विद्यार्थी योगासनांसाठी एकत्रित झाले होते. यावेळी योग प्रशिक्षक हर्षदा घरत यांनी उपस्थितांना योगासने, प्राणायाम आणि आयुर्वेदातील जीवनशैलीचे महत्त्व पटवून दिले. नियमित योगाभ्यासाने शारीरिक तंदुरुस्तीसोबतच मानसिक शांतता आणि सकारात्मक दृष्टिकोन कसा विकसित होतो, याचे प्रात्यक्षिकही त्यांनी करून दाखवले. कार्यक्रमाच्या समारोपाप्रसंगी जिल्हाधिकारी इंदुराणी जाखड यांनी मार्गदर्शन करताना सांगितले की, योग केवळ शारीरिक व्यायाम नसून ती एक जीवनपद्धती आहे आणि दैनंदिन धावपळीत शरीर व मनाला संतुलित ठेवण्यासाठी तो अत्यंत प्रभावी आहे. त्यांनी विद्यार्थ्यांना योगाला आपल्या दिनचर्येचा अविभाज्य भाग बनवण्याचे आवाहन केले. या सोहळ्यास मुख्य कार्यकारी अधिकारी मनोज रानडे, जिल्हा क्रीडा अधिकारी सुहास वनमाने, जिल्हा शल्यचिकित्सक डॉ. रामदास मराड, सहाय्यक जिल्हा आरोग्य अधिकारी डॉ. शशिकांत साळुंखे, जिल्हा आयुष अधिकारी डॉ. श्रीकांत कुलकर्णी यांच्यासह विविध विभागांचे अधिकारी, कर्मचारी आणि शाळांतील विद्यार्थी मोठ्या संख्येने उपस्थित होते. शिरगाव बीचच्या निसर्गरम्य परिसरात पार पडलेल्या या कार्यक्रमाने उपस्थित सर्वांमध्ये एक नवा उत्साह संचारला.

अमोल काळे

Newspaper advertising department पालघर, पालघर, महाराष्ट्र•

4 hrs ago

पालघरमधील शिरगाव बीचवर, समुद्राच्या अथांग लाटा आणि निसर्गरम्य वातावरणात, १२ वा आंतरराष्ट्रीय योग दिन मोठ्या उत्साहात साजरा करण्यात आला. ‘एक पृथ्वी, एक आरोग्य’ (Yoga for One Earth, One Health) ही संकल्पना केंद्रस्थानी ठेवून आयोजित या कार्यक्रमात अधिकारी, विद्यार्थी आणि नागरिकांनी मोठ्या संख्येने सहभागी होत योगाची शपथ घेतली. राष्ट्रीय आयुष अभियान, जिल्हा परिषद आरोग्य विभाग, जिल्हा प्रशासन आणि जिल्हा क्रीडा अधिकारी कार्यालय यांच्या संयुक्त विद्यमाने या उपक्रमाचे आयोजन करण्यात आले होते. पहाटेच्या मंगलमय वातावरणात नागरिक आणि विद्यार्थी योगासनांसाठी एकत्रित झाले होते. यावेळी योग प्रशिक्षक हर्षदा घरत यांनी उपस्थितांना योगासने, प्राणायाम आणि आयुर्वेदातील जीवनशैलीचे महत्त्व पटवून दिले. नियमित योगाभ्यासाने शारीरिक तंदुरुस्तीसोबतच मानसिक शांतता आणि सकारात्मक दृष्टिकोन कसा विकसित होतो, याचे प्रात्यक्षिकही त्यांनी करून दाखवले. कार्यक्रमाच्या समारोपाप्रसंगी जिल्हाधिकारी इंदुराणी जाखड यांनी मार्गदर्शन करताना सांगितले की, योग केवळ शारीरिक व्यायाम नसून ती एक जीवनपद्धती आहे आणि दैनंदिन धावपळीत शरीर व मनाला संतुलित ठेवण्यासाठी तो अत्यंत प्रभावी आहे. त्यांनी विद्यार्थ्यांना योगाला आपल्या दिनचर्येचा अविभाज्य भाग बनवण्याचे आवाहन केले. या सोहळ्यास मुख्य कार्यकारी अधिकारी मनोज रानडे, जिल्हा क्रीडा अधिकारी सुहास वनमाने, जिल्हा शल्यचिकित्सक डॉ. रामदास मराड, सहाय्यक जिल्हा आरोग्य अधिकारी डॉ. शशिकांत साळुंखे, जिल्हा आयुष अधिकारी डॉ. श्रीकांत कुलकर्णी यांच्यासह विविध विभागांचे अधिकारी, कर्मचारी आणि शाळांतील विद्यार्थी मोठ्या संख्येने उपस्थित होते. शिरगाव बीचच्या निसर्गरम्य परिसरात पार पडलेल्या या कार्यक्रमाने उपस्थित सर्वांमध्ये एक नवा उत्साह संचारला.