भारतीय शिक्षण प्रसारक संस्था, अंबाजोगाई द्वारा संचलित उदगीर येथील लाल बहादूर शास्त्री प्राथमिक शाळेत २१ जून रोजी आंतरराष्ट्रीय योग दिन मोठ्या उत्साहात साजरा करण्यात आला. या विशेष योग कार्यक्रमाच्या अध्यक्षस्थानी शालेय समितीचे अध्यक्ष व्यंकटराव गुरमे होते, तर योग शिक्षिका प्रतिभाताई मोघेकर आणि महादेवी पाटील प्रमुख पाहुण्या म्हणून उपस्थित होत्या. मुख्याध्यापक अंकुश मिरगुडे आणि विभाग प्रमुख श्रीमती सुरेखाबाई कुलकर्णी यांचीही कार्यक्रमाला उपस्थिती होती. मान्यवर पाहुण्यांच्या हस्ते प्रतिमा पूजन व दिपप्रज्वलन करून कार्यक्रमाची सुरुवात झाली आणि शाळेच्या वतीने शाल, पुष्प व पुस्तक भेट देऊन त्यांचे स्वागत करण्यात आले. कार्यक्रमाच्या प्रमुख पाहुण्या प्रतिभाताई मोघेकर यांनी योगाचे महत्त्व स्पष्ट करताना सांगितले की, योग ही आपल्या प्राचीन भारतीय संस्कृतीची एक अमूल्य देणगी आहे. योगामुळे शरीर निरोगी राहते, मन प्रसन्न होते आणि बुद्धी एकाग्र होते. आजच्या धावपळीच्या जीवनात शारीरिक व मानसिक आरोग्य जपण्यासाठी योग अत्यंत आवश्यक असल्याचे त्यांनी अधोरेखित केले. विद्यार्थ्यांनी नियमित योगाभ्यास केल्यास त्यांची एकाग्रता, स्मरणशक्ती आणि आत्मविश्वास वाढतो असेही त्यांनी सांगितले. योग केवळ एक व्यायाम नसून, ती जीवन जगण्याची एक शिस्तबद्ध पद्धत आहे. निरोगी जीवनासाठी दररोज किमान काही मिनिटे योग व प्राणायाम करणे आवश्यक असल्याचे सांगत, सर्वांनी योग आपल्या दैनंदिन जीवनाचा भाग बनवून निरोगी, सुदृढ आणि आनंदी समाज घडवण्यासाठी प्रयत्न करावेत असे आवाहन त्यांनी केले. यानंतर, प्रतिभाताई मोघेकर आणि महादेवी पाटील यांनी सर्व विद्यार्थ्यांकडून योग व प्राणायामाची प्रात्यक्षिके करून घेतली. अध्यक्षीय समारोपपर भाषणात शालेय समिती अध्यक्ष व्यंकटराव गुरमे यांनी योग हा केवळ एका दिवसापुरता साजरा करण्याचा विषय नसून, तो आपल्या दैनंदिन जीवनाचा अविभाज्य भाग असावा असे आवाहन केले. नियमित योगाभ्यासाने शरीर निरोगी, मन शांत आणि विचार सकारात्मक राहतात असे त्यांनी नमूद केले. विद्यार्थ्यांनी दररोज योग व प्राणायामाचा सराव करून निरोगी जीवनशैली अंगीकारण्याचे आवाहनही त्यांनी केले. मुख्याध्यापक अंकुश मिरगुडे यांनी प्रास्ताविक केले, तर सौ. भाग्यश्री स्वामी यांनी स्वागत व परिचय करून दिला आणि श्याम गौंडगावे यांनी कार्यक्रमाचे सूत्रसंचालन केले. हा कार्यक्रम यशस्वी करण्यासाठी शाळेतील सर्व शिक्षकांनी विशेष परिश्रम घेतले.

Laxman Ugile

उदगीर, लातूर, महाराष्ट्र•

3 hrs ago

भारतीय शिक्षण प्रसारक संस्था, अंबाजोगाई द्वारा संचलित उदगीर येथील लाल बहादूर शास्त्री प्राथमिक शाळेत २१ जून रोजी आंतरराष्ट्रीय योग दिन मोठ्या उत्साहात साजरा करण्यात आला. या विशेष योग कार्यक्रमाच्या अध्यक्षस्थानी शालेय समितीचे अध्यक्ष व्यंकटराव गुरमे होते, तर योग शिक्षिका प्रतिभाताई मोघेकर आणि महादेवी पाटील प्रमुख पाहुण्या म्हणून उपस्थित होत्या. मुख्याध्यापक अंकुश मिरगुडे आणि विभाग प्रमुख श्रीमती सुरेखाबाई कुलकर्णी यांचीही कार्यक्रमाला उपस्थिती होती. मान्यवर पाहुण्यांच्या हस्ते प्रतिमा पूजन व दिपप्रज्वलन करून कार्यक्रमाची सुरुवात झाली आणि शाळेच्या वतीने शाल, पुष्प व पुस्तक भेट देऊन त्यांचे स्वागत करण्यात आले. कार्यक्रमाच्या प्रमुख पाहुण्या प्रतिभाताई मोघेकर यांनी योगाचे महत्त्व स्पष्ट करताना सांगितले की, योग ही आपल्या प्राचीन भारतीय संस्कृतीची एक अमूल्य देणगी आहे. योगामुळे शरीर निरोगी राहते, मन प्रसन्न होते आणि बुद्धी एकाग्र होते. आजच्या धावपळीच्या जीवनात शारीरिक व मानसिक आरोग्य जपण्यासाठी योग अत्यंत आवश्यक असल्याचे त्यांनी अधोरेखित केले. विद्यार्थ्यांनी नियमित योगाभ्यास केल्यास त्यांची एकाग्रता, स्मरणशक्ती आणि आत्मविश्वास वाढतो असेही त्यांनी सांगितले. योग केवळ एक व्यायाम नसून, ती जीवन जगण्याची एक शिस्तबद्ध पद्धत आहे. निरोगी जीवनासाठी दररोज किमान काही मिनिटे योग व प्राणायाम करणे आवश्यक असल्याचे सांगत, सर्वांनी योग आपल्या दैनंदिन जीवनाचा भाग बनवून निरोगी, सुदृढ आणि आनंदी समाज घडवण्यासाठी प्रयत्न करावेत असे आवाहन त्यांनी केले. यानंतर, प्रतिभाताई मोघेकर आणि महादेवी पाटील यांनी सर्व विद्यार्थ्यांकडून योग व प्राणायामाची प्रात्यक्षिके करून घेतली. अध्यक्षीय समारोपपर भाषणात शालेय समिती अध्यक्ष व्यंकटराव गुरमे यांनी योग हा केवळ एका दिवसापुरता साजरा करण्याचा विषय नसून, तो आपल्या दैनंदिन जीवनाचा अविभाज्य भाग असावा असे आवाहन केले. नियमित योगाभ्यासाने शरीर निरोगी, मन शांत आणि विचार सकारात्मक राहतात असे त्यांनी नमूद केले. विद्यार्थ्यांनी दररोज योग व प्राणायामाचा सराव करून निरोगी जीवनशैली अंगीकारण्याचे आवाहनही त्यांनी केले. मुख्याध्यापक अंकुश मिरगुडे यांनी प्रास्ताविक केले, तर सौ. भाग्यश्री स्वामी यांनी स्वागत व परिचय करून दिला आणि श्याम गौंडगावे यांनी कार्यक्रमाचे सूत्रसंचालन केले. हा कार्यक्रम यशस्वी करण्यासाठी शाळेतील सर्व शिक्षकांनी विशेष परिश्रम घेतले.