ప్రభుత్వ ఉద్యోగం సాధించిన గిరిజన యువతికి ఘన సన్మానం.. నాగదుర్గను అభినందించిన ఎమ్మెల్యే డాక్టర్ తెల్లం వెంకట్రావు... భద్రాచలం, సెప్టెంబర్ 15: దుమ్ముగూడెం మండలం మారాయిగూడెం గ్రామానికి చెందిన గిరిజన యువతి సోడి నాగదుర్గ ప్రభుత్వ ఉద్యోగం సాధించిన సందర్భంగా భద్రాచలం ఎమ్మెల్యే డాక్టర్ తెల్లం వెంకట్రావు ఆమెను ఘనంగా సన్మానించి అభినందించారు. మంగళవారం ఎమ్మెల్యే క్యాంపు కార్యాలయంలో ఈ కార్యక్రమం నిర్వహించారు. సాధారణ వ్యవసాయ కుటుంబానికి చెందిన సోడి ధర్మయ్య, శాంతమ్మ దంపతుల కుమార్తె నాగదుర్గ చిన్ననాటి నుంచే చదువుపై ఆసక్తి కనబరిచింది. భద్రాచలం ట్రైబల్ వెల్ఫేర్ పాఠశాలలో పదో తరగతి, శ్రీచైతన్యలో ఇంటర్మీడియట్, వరంగల్‌లో బీటెక్ పూర్తి చేసింది. గ్రాడ్యుయేషన్ అనంతరం పోటీ పరీక్షలకు సిద్ధమవుతున్న సమయంలో తండ్రి ధర్మయ్య మృతి చెందినప్పటికీ, తల్లి శాంతమ్మ అందించిన ప్రోత్సాహంతో పట్టుదలగా చదువుకుంది. జిల్లా కోర్టు కార్యాలయం నిర్వహించిన పోటీ పరీక్షల్లో ప్రతిభ కనబరిచి భద్రాచలం ప్రథమ శ్రేణి మెజిస్ట్రేట్ కార్యాలయంలో జూనియర్ అసిస్టెంట్‌గా ప్రభుత్వ ఉద్యోగం సాధించింది. ఎమ్మెల్యే డాక్టర్ తెల్లం వెంకట్రావు మాట్లాడుతూ ఎన్నో కష్టాలను అధిగమించి నాగదుర్గ ఉద్యోగం సాధించడం అభినందనీయమన్నారు. ఆమె విజయం గిరిజన, గ్రామీణ ప్రాంతాల విద్యార్థులకు స్ఫూర్తిదాయకమని పేర్కొన్నారు. భవిష్యత్తులో మరింత ఉన్నత స్థాయికి ఎదగాలని ఆకాంక్షించారు. కార్యక్రమంలో కుటుంబ సభ్యులు, పార్టీ నాయకులు, కార్యకర్తలు, ప్రజాప్రతినిధులు, యువజన నాయకులు పాల్గొన్నారు.

Velpula Manoj Kumar

బుర్గుంపహాడ్, భద్రాద్రి కొత్తగూడెం, తెలంగాణ•

7 hrs ago

ప్రభుత్వ ఉద్యోగం సాధించిన గిరిజన యువతికి ఘన సన్మానం.. నాగదుర్గను అభినందించిన ఎమ్మెల్యే డాక్టర్ తెల్లం వెంకట్రావు... భద్రాచలం, సెప్టెంబర్ 15: దుమ్ముగూడెం మండలం మారాయిగూడెం గ్రామానికి చెందిన గిరిజన యువతి సోడి నాగదుర్గ ప్రభుత్వ ఉద్యోగం సాధించిన సందర్భంగా భద్రాచలం ఎమ్మెల్యే డాక్టర్ తెల్లం వెంకట్రావు ఆమెను ఘనంగా సన్మానించి అభినందించారు. మంగళవారం ఎమ్మెల్యే క్యాంపు కార్యాలయంలో ఈ కార్యక్రమం నిర్వహించారు. సాధారణ వ్యవసాయ కుటుంబానికి చెందిన సోడి ధర్మయ్య, శాంతమ్మ దంపతుల కుమార్తె నాగదుర్గ చిన్ననాటి నుంచే చదువుపై ఆసక్తి కనబరిచింది. భద్రాచలం ట్రైబల్ వెల్ఫేర్ పాఠశాలలో పదో తరగతి, శ్రీచైతన్యలో ఇంటర్మీడియట్, వరంగల్‌లో బీటెక్ పూర్తి

చేసింది. గ్రాడ్యుయేషన్ అనంతరం పోటీ పరీక్షలకు సిద్ధమవుతున్న సమయంలో తండ్రి ధర్మయ్య మృతి చెందినప్పటికీ, తల్లి శాంతమ్మ అందించిన ప్రోత్సాహంతో పట్టుదలగా చదువుకుంది. జిల్లా కోర్టు కార్యాలయం నిర్వహించిన పోటీ పరీక్షల్లో ప్రతిభ కనబరిచి భద్రాచలం ప్రథమ శ్రేణి మెజిస్ట్రేట్ కార్యాలయంలో జూనియర్ అసిస్టెంట్‌గా ప్రభుత్వ ఉద్యోగం సాధించింది. ఎమ్మెల్యే డాక్టర్ తెల్లం వెంకట్రావు మాట్లాడుతూ ఎన్నో కష్టాలను అధిగమించి నాగదుర్గ ఉద్యోగం సాధించడం అభినందనీయమన్నారు. ఆమె విజయం గిరిజన, గ్రామీణ ప్రాంతాల విద్యార్థులకు స్ఫూర్తిదాయకమని పేర్కొన్నారు. భవిష్యత్తులో మరింత ఉన్నత స్థాయికి ఎదగాలని ఆకాంక్షించారు. కార్యక్రమంలో కుటుంబ సభ్యులు, పార్టీ నాయకులు, కార్యకర్తలు, ప్రజాప్రతినిధులు, యువజన నాయకులు పాల్గొన్నారు.