ମିଶନ ଏ ୱାନ ଆଶାୟୀ ଛାତ୍ରଛାତ୍ରୀଙ୍କ ଜିଲ୍ଲା ସ୍ତରୀୟ ସ୍ୱାଗତ ଓ ପ୍ରବେଶ ସମାରୋହ ଅନୁଷ୍ଠିତ l ବୌଦ୍ଧ: ପୁରୁଣାକଟକ ସରକାରୀ ଉଚ୍ଚ ବିଦ୍ୟାଳୟଠାରେ ହରଭଙ୍ଗା ବ୍ଲକ ମିଶନ ଏ ୱାନ ଆଶାୟୀ ଛାତ୍ରଛାତ୍ରୀଙ୍କ ଜିଲ୍ଲା ସ୍ତରୀୟ ସ୍ୱାଗତ ଓ ପ୍ରବେଶ ସମାରୋହ ଜିଲ୍ଲା ଶିକ୍ଷା ଅଧିକାରୀ ଟେମଲାଲ ଦୁବେଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ଉଦ୍ଘାଟନୀସମାରୋହରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଚୂଡ଼ାମଣି ବାରିକ, ଭାସ୍କର ଲେଙ୍କା, ହରଭଙ୍ଗା ଗୋଷ୍ଠୀ ଶିକ୍ଷା ଅଧିକାରୀ ବରୁଣ ପ୍ରଧାନ , ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମଲ୍ଲିକ ପ୍ରମୁଖ ମଂଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ପୂର୍ବରୁ ଜିଲ୍ଲା ସ୍ତରୀୟ ମିଶନ ଏ ୱାନ ମେଧା ପରୀକ୍ଷାରେ ସଫଳ ହୋଇଥବା ହରଭଙ୍ଗା ବ୍ଲକର ୩୧ ଜଣ ଶିକ୍ଷାର୍ଥୀ ଯୋଗ ଦେଇଥିବା ବେଳେ ଜିଲ୍ଲାର ବଛାବଛା ପଚାଶ ଜଣ ବିଷୟ ଭିତ୍ତିକ ସାଧନକର୍ମୀ ଯୋଗ ଦେଇ ପିଲାଙ୍କୁ ବୋର୍ଡ ପରୀକ୍ଷା ଶୈଳୀ,ପ୍ରଶ୍ନ ପ୍ରକାର ଓ ଲେଖିବା ଶୈଳୀ, ସମୟ ଜ୍ଞାନ, ପରୀକ୍ଷା ପାଇଁ ଆବଶ୍ୟକ ଚିନ୍ତାମୁକ୍ତ ପୂର୍ବ ପ୍ରସ୍ତୁତି ଉପରେ ବିଶେଷ ଭାବେ ମାର୍ଗଦର୍ଶନ ପ୍ରଦାନ କରିଥିଲେ । ନିଜସ୍ୱ ପଠନ,ପରିଶ୍ରମ, ଶୃଙ୍ଖଳା ଓ ସ୍ମାର୍ଟ ୱାର୍କହିଁ ସଫଳତାର ଚାବିକାଠି ଆଉ ତାକୁ ଅଭ୍ୟାସରେ ପରିଣତ କରିବା ବୋଲି ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଦୁବେ ମତ ପ୍ରକାଶ କରିଥିଲେ। ପିଲାଙ୍କୁ ବିଷୟ ଭିତ୍ତିକ କ୍ଲାସ ପ୍ରଦାନ କରାଯିବା ଏବଂ ଆଗାମୀ ଦିନରେ ହେବାକୁ ଯାଉଥିବା କାର୍ଯ୍ୟପନ୍ଥା ଉପରେ ଜଣାଇ ଅଭିଭାବକ ମାନଙ୍କ ମତାମତ ନେବା ସହ ଏଥିରେ ସହଯୋଗ କରିବା ପାଇଁ ଜିଲ୍ଲା ଶିକ୍ଷା ଅଧିକାରୀ ଆହ୍ୱାନ ଜଣାଇ ଥିଲେ l ଶେଷ ପର୍ଯ୍ୟୟରେ ସାଧନ କର୍ମୀମାନେ ଶିକ୍ଷାର୍ଥୀ ମାନଙ୍କ ମଧ୍ୟରେ ଥିବା ବିଭିନ୍ନ ଶଙ୍କା ମୋଚନ କରିବା ସହ ବୋର୍ଡ ପରୀକ୍ଷାରେ ଉତ୍କର୍ଷତା ଲାଭ ନିମନ୍ତେ ବିଭିନ୍ନ ଟିପ୍ସ ପ୍ରଦାନ କରିଥିଲେ। ପରବର୍ତ୍ତୀ ସମୟରେ ମିଶନ ଏ ୱାନ ଶିକ୍ଷଣ ଶିବିର କରାଯିବା, ପ୍ରତ୍ୟେକ ସାଧନ କର୍ମୀ ଜଣେ ଜଣେ ଶିକ୍ଷାର୍ଥୀଙ୍କୁ ପୋଷ୍ୟ ଛାତ୍ରଛାତ୍ରୀ ରୂପେ ଗ୍ରହଣ କରିବା ଏବଂ ଅଭିଭାବକଙ୍କୁ ଯୋଡିବା ଜାରି ରହିବ ବୋଲି ସ୍ଥିର ହୋଇଛି।ଆସନ୍ତା ଅଗଷ୍ଟ ୪ ଓ ୬ ତାରିଖରେ ଯଥାକ୍ରମେ କଣ୍ଟାମାଳ ଓ ବୌଦ୍ଧ ବ୍ଲକରେ ପ୍ରବେଶ ଓ ସ୍ୱାଗତ ସମାରୋହ କରାଯିବାର କାର୍ଯ୍ୟକ୍ରମ ରହିଛି। ଶିକ୍ଷକ ରଞ୍ଜିତ ନାଏକ ମଞ୍ଚ ପରିଚାଳନା କରିଥିବାବେଳେ ମିତାଞ୍ଜଳି ଜେନା ଧନ୍ୟବାଦ ଅର୍ପଣ କରିଥିଲେ। ପୁରୁଣାକଟକ ହାଇସ୍କୁଲର ସମସ୍ତ ଶିକ୍ଷକ ଓ କର୍ମଚାରୀ କାର୍ଯ୍ୟକ୍ରମକୁ ସଫଳ କରିବା ନିମନ୍ତେ ସକ୍ରିୟ ସହଯୋଗ କରିଥିଲେ।

Ranjan Kumar Dash

ସାମ୍ବାଦିକ ବୌଦ୍ଧ ସଦର, ବୌଦ୍ଧ, ଓଡ଼ିଶା•

1 hr ago

ମିଶନ ଏ ୱାନ ଆଶାୟୀ ଛାତ୍ରଛାତ୍ରୀଙ୍କ ଜିଲ୍ଲା ସ୍ତରୀୟ ସ୍ୱାଗତ ଓ ପ୍ରବେଶ ସମାରୋହ ଅନୁଷ୍ଠିତ l ବୌଦ୍ଧ: ପୁରୁଣାକଟକ ସରକାରୀ ଉଚ୍ଚ ବିଦ୍ୟାଳୟଠାରେ ହରଭଙ୍ଗା ବ୍ଲକ ମିଶନ ଏ ୱାନ ଆଶାୟୀ ଛାତ୍ରଛାତ୍ରୀଙ୍କ ଜିଲ୍ଲା ସ୍ତରୀୟ ସ୍ୱାଗତ ଓ ପ୍ରବେଶ ସମାରୋହ ଜିଲ୍ଲା ଶିକ୍ଷା ଅଧିକାରୀ ଟେମଲାଲ ଦୁବେଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ଉଦ୍ଘାଟନୀସମାରୋହରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଚୂଡ଼ାମଣି ବାରିକ, ଭାସ୍କର ଲେଙ୍କା, ହରଭଙ୍ଗା ଗୋଷ୍ଠୀ ଶିକ୍ଷା ଅଧିକାରୀ ବରୁଣ ପ୍ରଧାନ , ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମଲ୍ଲିକ ପ୍ରମୁଖ ମଂଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ପୂର୍ବରୁ ଜିଲ୍ଲା ସ୍ତରୀୟ ମିଶନ ଏ ୱାନ ମେଧା ପରୀକ୍ଷାରେ ସଫଳ ହୋଇଥବା ହରଭଙ୍ଗା ବ୍ଲକର ୩୧ ଜଣ ଶିକ୍ଷାର୍ଥୀ ଯୋଗ ଦେଇଥିବା ବେଳେ ଜିଲ୍ଲାର ବଛାବଛା ପଚାଶ ଜଣ ବିଷୟ ଭିତ୍ତିକ ସାଧନକର୍ମୀ ଯୋଗ ଦେଇ ପିଲାଙ୍କୁ ବୋର୍ଡ ପରୀକ୍ଷା ଶୈଳୀ,ପ୍ରଶ୍ନ ପ୍ରକାର ଓ ଲେଖିବା ଶୈଳୀ, ସମୟ ଜ୍ଞାନ, ପରୀକ୍ଷା ପାଇଁ ଆବଶ୍ୟକ ଚିନ୍ତାମୁକ୍ତ ପୂର୍ବ ପ୍ରସ୍ତୁତି ଉପରେ ବିଶେଷ ଭାବେ ମାର୍ଗଦର୍ଶନ ପ୍ରଦାନ କରିଥିଲେ । ନିଜସ୍ୱ ପଠନ,ପରିଶ୍ରମ, ଶୃଙ୍ଖଳା ଓ ସ୍ମାର୍ଟ ୱାର୍କହିଁ ସଫଳତାର ଚାବିକାଠି ଆଉ ତାକୁ ଅଭ୍ୟାସରେ ପରିଣତ କରିବା ବୋଲି ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଦୁବେ ମତ ପ୍ରକାଶ କରିଥିଲେ। ପିଲାଙ୍କୁ ବିଷୟ ଭିତ୍ତିକ କ୍ଲାସ ପ୍ରଦାନ କରାଯିବା ଏବଂ ଆଗାମୀ ଦିନରେ ହେବାକୁ ଯାଉଥିବା କାର୍ଯ୍ୟପନ୍ଥା ଉପରେ ଜଣାଇ ଅଭିଭାବକ ମାନଙ୍କ ମତାମତ ନେବା ସହ ଏଥିରେ ସହଯୋଗ କରିବା ପାଇଁ ଜିଲ୍ଲା ଶିକ୍ଷା ଅଧିକାରୀ ଆହ୍ୱାନ ଜଣାଇ ଥିଲେ l ଶେଷ ପର୍ଯ୍ୟୟରେ ସାଧନ କର୍ମୀମାନେ ଶିକ୍ଷାର୍ଥୀ ମାନଙ୍କ ମଧ୍ୟରେ ଥିବା ବିଭିନ୍ନ ଶଙ୍କା ମୋଚନ କରିବା ସହ ବୋର୍ଡ ପରୀକ୍ଷାରେ ଉତ୍କର୍ଷତା ଲାଭ ନିମନ୍ତେ ବିଭିନ୍ନ ଟିପ୍ସ ପ୍ରଦାନ କରିଥିଲେ। ପରବର୍ତ୍ତୀ ସମୟରେ ମିଶନ ଏ ୱାନ ଶିକ୍ଷଣ ଶିବିର କରାଯିବା, ପ୍ରତ୍ୟେକ ସାଧନ କର୍ମୀ ଜଣେ ଜଣେ ଶିକ୍ଷାର୍ଥୀଙ୍କୁ ପୋଷ୍ୟ ଛାତ୍ରଛାତ୍ରୀ ରୂପେ ଗ୍ରହଣ କରିବା ଏବଂ ଅଭିଭାବକଙ୍କୁ ଯୋଡିବା ଜାରି ରହିବ ବୋଲି ସ୍ଥିର ହୋଇଛି।ଆସନ୍ତା ଅଗଷ୍ଟ ୪ ଓ ୬ ତାରିଖରେ ଯଥାକ୍ରମେ କଣ୍ଟାମାଳ ଓ ବୌଦ୍ଧ ବ୍ଲକରେ ପ୍ରବେଶ ଓ ସ୍ୱାଗତ ସମାରୋହ କରାଯିବାର କାର୍ଯ୍ୟକ୍ରମ ରହିଛି। ଶିକ୍ଷକ ରଞ୍ଜିତ ନାଏକ ମଞ୍ଚ ପରିଚାଳନା କରିଥିବାବେଳେ ମିତାଞ୍ଜଳି ଜେନା ଧନ୍ୟବାଦ ଅର୍ପଣ କରିଥିଲେ। ପୁରୁଣାକଟକ ହାଇସ୍କୁଲର ସମସ୍ତ ଶିକ୍ଷକ ଓ କର୍ମଚାରୀ କାର୍ଯ୍ୟକ୍ରମକୁ ସଫଳ କରିବା ନିମନ୍ତେ ସକ୍ରିୟ ସହଯୋଗ କରିଥିଲେ।