कोपरगाव येथील आत्मा मालिक इंग्लिश मीडियम स्कूलला श्रीरामपूर परिवहन कार्यालयाचे असिस्टंट इन्स्पेक्टर राकेश जगताप यांनी नुकतीच भेट दिली. यावेळी त्यांनी शाळेतील परिवहन समितीच्या सभा इतिवृत्ताचे अवलोकन करून शालेय बसचे चालक आणि वाहकांशी संवाद साधला. विद्यार्थ्यांची सुरक्षा ही सर्वोच्च प्राथमिकता असल्याचे सांगत, चालकांनी बसचा वेग मर्यादेत ठेवावा आणि वाहकांनी प्रत्येक विद्यार्थ्याकडे कटाक्षाने लक्ष द्यावे, अशा स्पष्ट सूचना त्यांनी दिल्या आहेत. विद्यार्थ्यांच्या सुरक्षिततेबाबत मार्गदर्शन करताना जगताप म्हणाले की, सर्व विद्यार्थी बसमध्ये बसल्याशिवाय गाडी सुरू करू नये आणि घरी सोडताना विद्यार्थी पूर्णपणे बसच्या खाली उतरल्याची खात्री करूनच पुढे जावे. विद्यार्थ्यांना पालकांच्या स्वाधीन करण्याबाबतही त्यांनी बजावले. तसेच, मर्यादेपेक्षा अधिक वेगाने गाडी चालवू नये, बस चालू असताना विद्यार्थी उभे राहणार नाहीत याची काळजी घ्यावी, आणि चालक-वाहकांनी नियमाप्रमाणे गणवेश परिधान करून ओळखपत्र व वाहन परवाना सोबत ठेवणे बंधनकारक असल्याचे त्यांनी स्पष्ट केले. याप्रसंगी शाळेचे प्राचार्य नितीन सोनवणे, वाहन विभागाचे सहाय्यक व्यवस्थापक विश्वास बारवकर यांच्यासह २० चालक आणि १० वाहक उपस्थित होते.

Press Rajendra Taskar

कोपरगाव, अहमदनगर, महाराष्ट्र•

1 day ago

कोपरगाव येथील आत्मा मालिक इंग्लिश मीडियम स्कूलला श्रीरामपूर परिवहन कार्यालयाचे असिस्टंट इन्स्पेक्टर राकेश जगताप यांनी नुकतीच भेट दिली. यावेळी त्यांनी शाळेतील परिवहन समितीच्या सभा इतिवृत्ताचे अवलोकन करून शालेय बसचे चालक आणि वाहकांशी संवाद साधला. विद्यार्थ्यांची सुरक्षा ही सर्वोच्च प्राथमिकता असल्याचे सांगत, चालकांनी बसचा वेग मर्यादेत ठेवावा आणि वाहकांनी प्रत्येक विद्यार्थ्याकडे कटाक्षाने लक्ष द्यावे, अशा स्पष्ट सूचना त्यांनी दिल्या आहेत. विद्यार्थ्यांच्या सुरक्षिततेबाबत मार्गदर्शन करताना जगताप म्हणाले की, सर्व विद्यार्थी बसमध्ये बसल्याशिवाय गाडी सुरू करू नये आणि घरी सोडताना विद्यार्थी पूर्णपणे बसच्या खाली उतरल्याची खात्री करूनच पुढे जावे. विद्यार्थ्यांना पालकांच्या स्वाधीन करण्याबाबतही त्यांनी बजावले. तसेच, मर्यादेपेक्षा अधिक वेगाने गाडी चालवू नये, बस चालू असताना विद्यार्थी उभे राहणार नाहीत याची काळजी घ्यावी, आणि चालक-वाहकांनी नियमाप्रमाणे गणवेश परिधान करून ओळखपत्र व वाहन परवाना सोबत ठेवणे बंधनकारक असल्याचे त्यांनी स्पष्ट केले. याप्रसंगी शाळेचे प्राचार्य नितीन सोनवणे, वाहन विभागाचे सहाय्यक व्यवस्थापक विश्वास बारवकर यांच्यासह २० चालक आणि १० वाहक उपस्थित होते.