पाबळ - मलठण परिसरात नव्या एमआयडीसीच्या स्थापनेला वेग; ७४३ हेक्टर जमिनीवर औद्योगिक वसाहतीचा प्रस्ताव पाबळ प्रतिनिधी | तेजस वाळुंज शिरूर आणि खेड तालुक्यातील दुष्काळी भागाच्या औद्योगिक विकासाला चालना देण्यासाठी महाराष्ट्र औद्योगिक विकास महामंडळाने (MIDC) मोठे पाऊल उचलले असून पाबळ-धामारी परिसरातील ७४३ हेक्टर जमिनीवर नवी एमआयडीसी स्थापन करण्याच्या हालचाली सुरू केल्या आहेत. त्यासाठी भूसंपादनाकरिता राजपत्र (गॅझेट) प्रसिद्ध केले असून संबंधित जमिनींच्या ७/१२ उताऱ्यांवर ‘अधिसूचित क्षेत्र’ असा शेरा टाकण्यात येत आहे. या नव्या प्रस्तावित एमआयडीसीत आयटी आणि ऑटोमोबाईल उद्योग असणार असल्याने आयटी हब चाकण आणि आयटी पार्क हिंजवडीला पर्याय मिळणार आहे. तेथील पायाभूत सुविधांअभावी स्थलांतर करणाऱ्या उद्योगांना जवळच नवा पर्याय मिळणार आहे. या प्रस्तावित औद्योगिक क्षेत्राला रस्ते आणि बंदरांशी उत्तम जोडणी मिळणार असून प्रस्तावित पुणे-नाशिक औद्योगिक द्रुतगती महामार्ग याच भागातून जाणार आहे. याशिवाय शिरूर-कर्जत-उरण महामार्गामुळे हे क्षेत्र थेट जेएनपीटी बंदर आणि मुंबईशी जोडले जाणार असल्याने मालवाहतूक अधिक जलद होईल. त्याकरिता तलाठ्यांमार्फत ‘नमुना ९’ अंतर्गत सूचना जारी केली आहे. त्यानुसार नोटीस मिळाल्यापासून १५ दिवसांच्या आत शेतकऱ्यांना आपल्या हरकती किंवा सूचना तलाठी कार्यालयात लेखी किंवा तोंडी स्वरूपात सादर करणे बंधनकारक आहे. त्यावरील सुनावणीनंतर जमिनीचा योग्य मोबदला निश्चित करून प्रत्यक्ष भूसंपादन केले जाईल. दरम्यान, काही बागायती जमिनीवर शिक्के पडल्याने त्याला मोठा विरोध झाला आहे. त्यावर बोलताना शिरूरचे प्रांताधिकारी विठ्ठल जोशी यांनी पुढील प्रक्रिया तात्काळ होणार नाही, असे सांगत शेतकऱ्यांच्या भूमिकेवरच ती अवलंबून असेल, असे स्पष्ट केले. दुसरीकडे पाबळ परिसरातील ७४३ हेक्टर क्षेत्रावर नोंद घेण्याची कारवाई झाली असून पुढील सर्व अधिकार प्रांताधिकारी व MIDCच्या प्रादेशिक अधिकाऱ्यांना आहेत, असे शिरूरचे तहसीलदार बाळासाहेब म्हस्के यांनी सांगितले. प्रकल्पाची प्रमुख वैशिष्ट्ये : एकूण क्षेत्रफळ: ७४३ हेक्टर (१८३६ एकर) – पहिला टप्पा बाधित गावे: पाबळ, खैरेनगर, धामारी आणि मलठण हद्द प्राधान्य उद्योग: ऑटोमोबाईल, अभियांत्रिकी आणि आयटी अपेक्षित परिणाम: हजारो रोजगारांची निर्मिती व परिसराचा औद्योगिक विकास

Tejas Walunj

Local News Reporter आंबेगाव, पुणे, महाराष्ट्र•

15 hrs ago

पाबळ - मलठण परिसरात नव्या एमआयडीसीच्या स्थापनेला वेग; ७४३ हेक्टर जमिनीवर औद्योगिक वसाहतीचा प्रस्ताव पाबळ प्रतिनिधी | तेजस वाळुंज शिरूर आणि खेड तालुक्यातील दुष्काळी भागाच्या औद्योगिक विकासाला चालना देण्यासाठी महाराष्ट्र औद्योगिक विकास महामंडळाने (MIDC) मोठे पाऊल उचलले असून पाबळ-धामारी परिसरातील ७४३ हेक्टर जमिनीवर नवी एमआयडीसी स्थापन करण्याच्या हालचाली सुरू केल्या आहेत. त्यासाठी भूसंपादनाकरिता राजपत्र (गॅझेट) प्रसिद्ध केले असून संबंधित जमिनींच्या ७/१२ उताऱ्यांवर ‘अधिसूचित क्षेत्र’ असा शेरा टाकण्यात येत आहे. या नव्या प्रस्तावित एमआयडीसीत आयटी आणि ऑटोमोबाईल उद्योग असणार असल्याने आयटी हब चाकण आणि आयटी पार्क हिंजवडीला पर्याय मिळणार आहे. तेथील पायाभूत सुविधांअभावी स्थलांतर करणाऱ्या उद्योगांना जवळच नवा पर्याय मिळणार आहे. या प्रस्तावित औद्योगिक क्षेत्राला रस्ते आणि बंदरांशी उत्तम जोडणी मिळणार असून प्रस्तावित पुणे-नाशिक औद्योगिक द्रुतगती महामार्ग याच भागातून जाणार आहे. याशिवाय शिरूर-कर्जत-उरण महामार्गामुळे हे क्षेत्र थेट जेएनपीटी बंदर आणि मुंबईशी जोडले जाणार असल्याने मालवाहतूक अधिक जलद होईल. त्याकरिता तलाठ्यांमार्फत ‘नमुना ९’ अंतर्गत सूचना जारी केली आहे. त्यानुसार नोटीस मिळाल्यापासून १५ दिवसांच्या आत शेतकऱ्यांना आपल्या हरकती किंवा सूचना तलाठी कार्यालयात लेखी किंवा तोंडी स्वरूपात सादर करणे बंधनकारक आहे. त्यावरील सुनावणीनंतर जमिनीचा योग्य मोबदला निश्चित करून प्रत्यक्ष भूसंपादन केले जाईल. दरम्यान, काही बागायती जमिनीवर शिक्के पडल्याने त्याला मोठा विरोध झाला आहे. त्यावर बोलताना शिरूरचे प्रांताधिकारी विठ्ठल जोशी यांनी पुढील प्रक्रिया तात्काळ होणार नाही, असे सांगत शेतकऱ्यांच्या भूमिकेवरच ती अवलंबून असेल, असे स्पष्ट केले. दुसरीकडे पाबळ परिसरातील ७४३ हेक्टर क्षेत्रावर नोंद घेण्याची कारवाई झाली असून पुढील सर्व अधिकार प्रांताधिकारी व MIDCच्या प्रादेशिक अधिकाऱ्यांना आहेत, असे शिरूरचे तहसीलदार बाळासाहेब म्हस्के यांनी सांगितले. प्रकल्पाची प्रमुख वैशिष्ट्ये : एकूण क्षेत्रफळ: ७४३ हेक्टर (१८३६ एकर) – पहिला टप्पा बाधित गावे: पाबळ, खैरेनगर, धामारी आणि मलठण हद्द प्राधान्य उद्योग: ऑटोमोबाईल, अभियांत्रिकी आणि आयटी अपेक्षित परिणाम: हजारो रोजगारांची निर्मिती व परिसराचा औद्योगिक विकास