SPSR నెల్లూరు జిల్లాలో, కూటమి ప్రభుత్వ వైఫల్యాలను, డీఎస్సీలో జరిగిన అవకతవకలను ప్రశ్నిస్తున్న శాసనమండలి సభ్యులు, నెల్లూరు సిటీ ఇన్‌చార్జ్ పర్వత రెడ్డి చంద్రశేఖర్ రెడ్డి గారికి చెందిన కృష్ణ చైతన్య విద్యా సంస్థలను తనిఖీల పేరిట ఇబ్బందులకు గురిచేయడం దారుణమైన ప్రభుత్వ తీరు అని మాజీ మంత్రి, ఉమ్మడి నెల్లూరు జిల్లా వైఎస్ఆర్ కాంగ్రెస్ పార్టీ జిల్లా అధ్యక్షులు డా. కాకాణి గోవర్ధన్ రెడ్డి గారు తీవ్రంగా ఖండించారు. వైఎస్ఆర్ కాంగ్రెస్ పార్టీ రాష్ట్ర మహిళా వర్కింగ్ ప్రెసిడెంట్ కాకాణి పూజిత గార్లతో పాటు 18 మంది శాసనమండలి సభ్యులు, జిల్లా పరిషత్ చైర్పర్సన్ ఆనం అరుణమ్మ గారు, నియోజకవర్గ ఇన్చార్జులు, నాయకులు, కార్యకర్తలు ఈ ఆరోపణలకు సంఘీభావంగా విఆర్ సి కూడలి వద్ద డాక్టర్ బి.ఆర్ అంబేద్కర్ గారి విగ్రహానికి పూలమాలవేసి, నివాళులర్పించి నిరసన తెలియజేశారు. ఈ నిరసనను అడ్డుకునేందుకు ప్రయత్నించిన పోలీసులపై కాకాణి, పర్వత రెడ్డి గారు ఆగ్రహం వ్యక్తం చేశారు. మీడియాతో మాట్లాడిన కాకాణి గోవర్ధన్ రెడ్డి గారు, కృష్ణ చైతన్య విద్యాసంస్థలపై జరుగుతున్న దాడులను ఖండించారు. కూటమి ప్రభుత్వం అధికారంలోకి వచ్చినప్పటి నుంచి ప్రతిపక్ష నేతలను, విద్యాసంస్థలను లక్ష్యంగా చేసుకుని దాడులకు తెగబడుతోందని, ప్రశ్నించిన వారిపై దాడులు, బెదిరింపులు చేయడం పరిపాటిగా మారిందని ఆయన ఆరోపించారు. చంద్రబాబు, లోకేష్‌లు 'ఇంతకన్నా దిగజారలేరు అనుకున్న ప్రతిసారీ మరింత దిగజారి ప్రవర్తించడం' అలవాటుగా మారిందని విమర్శించారు. నెల్లూరు జిల్లాలో ఎంతో ప్రతిష్టాత్మకమైన కృష్ణ చైతన్య విద్యాసంస్థలపై చంద్రబాబు ప్రభుత్వం కక్షసాధింపు చర్యలకు పాల్పడడం దుర్మార్గమన్నారు. గతంలో చంద్రశేఖర్ రెడ్డి గారు ఎంతోమంది అనాథ పిల్లలకు, ఫీజులు కట్టలేని పేద విద్యార్థులకు ఉచితంగా విద్యను అందించి అండగా నిలిచారని, ప్రతిభావంతులైన ఉపాధ్యాయులతో జిల్లా ప్రజల నమ్మకాన్ని చూరగొన్నారని కాకాణి గుర్తుచేశారు. జగన్మోహన్ రెడ్డి గారి నాయకత్వంలో ప్రజల పక్షాన తన గళాన్ని వినిపిస్తున్న చంద్రశేఖర్ రెడ్డిని ధైర్యంగా ఎదుర్కొనలేకనే కూటమి ప్రభుత్వం ఇలా ఇబ్బందులకు గురిచేయాలని చూస్తోందని ఆయన పేర్కొన్నారు. ఈ దాడులు కేవలం ఒక సంస్థపై జరిగిన దాడి కాదని, ప్రశ్నించే గొంతులపై, ప్రజాస్వామ్య వ్యవస్థలపై, వైఎస్సార్ కాంగ్రెస్ పార్టీపై జరిగిన దాడిగా భావిస్తున్నామని కాకాణి స్పష్టం చేశారు. పోలీసులు అడ్డుకున్నా, కేసులు బనాయించినా, రకరకాలుగా ఇబ్బందులకు గురిచేసినా భయపడే ప్రసక్తే లేదని, వైఎస్ జగన్ మోహన్ రెడ్డి గారి 'గుండె ధైర్యం' తమకు వారసత్వంగా ఉందని, ఆ ధైర్యంతోనే ప్రజల కోసం పోరాడుతామని ప్రకటించారు. గత వైయస్సార్ కాంగ్రెస్ పార్టీ ప్రభుత్వంలో ఎన్నడైనా ఇలాంటి దాడులు జరిగాయా అని ప్రశ్నించిన కాకాణి, చంద్రబాబు ప్రభుత్వం ఇదే ధోరణిని, కక్షసాధింపు చర్యలను ఇలాగే కొనసాగిస్తే రాబోయే 2029 ఎన్నికల్లో కూటమి ప్రభుత్వం ప్రజలను ఓట్లు అడిగే పరిస్థితి కూడా ఉండదని, ప్రజలు కచ్చితంగా వారికి బుద్ధి చెబుతారని హెచ్చరించారు. ఇకనైనా కూటమి నాయకులు ఇలాంటి దాడులకు, బెదిరింపులకు పాల్పడడం మానుకోవాలని ఆయన హితవు పలికారు. అదేవిధంగా, కాకాణి పూజిత గారు మాట్లాడుతూ, చంద్రబాబు ప్రభుత్వాన్ని ప్రశ్నించే వారిపై కక్షసాధింపు చర్యలు సిగ్గుచేటన్నారు. కూటమి ప్రభుత్వం, చంద్రబాబు నాయుడు వైఎస్ఆర్ సీపీ నాయకులపై అవలంబిస్తున్న విధానాలు సరైనవి కావని, చంద్రశేఖర్ అన్నకు సంబంధించిన విద్యాసంస్థలపై జరుగుతున్న దాడులను తీవ్రంగా ఖండించారు. డీఎస్సీలో జరిగిన అవకతవకలపై ప్రజలకు జరిగిన అన్యాయాన్ని చంద్రశేఖర్ రెడ్డి గారు ప్రశ్నించినందుకే కృష్ణ చైతన్య విద్యాసంస్థలపై కక్షసాధింపు చర్యలకు పాల్పడుతున్నారని ఆమె ఆరోపించారు. 'మేము తప్పు చేస్తాము, దాన్ని ఎవరైనా ప్రశ్నిస్తే వారిని ఇబ్బందులకు గురిచేస్తాము, భయపెడతాము, వారి గొంతు నొక్కే ప్రయత్నం చేస్తాము' అనే ఆలోచనా ధోరణితో కూటమి ప్రభుత్వం వ్యవహరిస్తోందని విమర్శించారు. చంద్రబాబు, లోకేష్‌ల బెదిరింపులకు ఎవరూ వెనక్కి తగ్గబోరని, ప్రజలు అన్నీ గమనిస్తున్నారని, రాబోవు ఎన్నికల్లో వారికి బుద్ధి చెబుతారని ఆమె ధీమా వ్యక్తం చేశారు. ఇది కేవలం చంద్రశేఖర్ రెడ్డి గారి విద్యాసంస్థల సమస్య కాదని, వేలాది మంది విద్యార్థుల భవిష్యత్తుకు సంబంధించిన విషయమని, రాజకీయ కక్షలతో విద్యార్థుల జీవితాలతో ఆడుకోవడం దుర్మార్గమని పూజిత అన్నారు. కాలేజీలను సంస్కరించాలి అనుకుంటే, దీనికంటే ముందు రాష్ట్రంలో ఎన్ని కాలేజీలను తనిఖీ చేశారో చెప్పాలని ఆమె కూటమి ప్రభుత్వాన్ని ప్రశ్నించారు. ఈ కష్టసమయంలో చంద్రశేఖర్ రెడ్డి గారికి, విద్యార్థుల తల్లిదండ్రులకు వైఎస్ఆర్ కాంగ్రెస్ పార్టీ అండగా నిలబడుతుందని పూజిత హామీ ఇచ్చారు. కూటమి ప్రభుత్వ అరాచకాలపై వైఎస్సార్‌సీపీ పోరాటం కొనసాగుతుందని, ఈ నిరసన కార్యక్రమానికి రాష్ట్రంలోని నియోజకవర్గాల ఇన్‌చార్జ్‌ల నుండి మొదలుకొని, వైఎస్సార్ కాంగ్రెస్ పార్టీ శ్రేణులు, నాయకులు, ప్రైవేట్ విద్యాసంస్థల ప్రతినిధులు, విద్యార్థులు, విద్యార్థి సంఘాల నేతలు అందరూ ఏకతాటిపైకి వచ్చి చంద్రశేఖర్ రెడ్డి గారికి అండగా నిలబడటం అభినందనీయమన్నారు. ఈ నిరసనను విజయవంతం చేసిన ప్రతి ఒక్కరికీ, ముఖ్యంగా సుదూర ప్రాంతాల నుండి వచ్చిన శాసనమండలి సభ్యులకు కాకాణి గోవర్ధన్ రెడ్డి గారు హృదయపూర్వక ధన్యవాదాలు తెలియజేశారు.

SRIHARI POONDLA

నెల్లూరు అర్బన్, ఎస్పీఎస్ఆర్ నెల్లూరు, ఆంధ్రప్రదేశ్•

2 hrs ago

SPSR నెల్లూరు జిల్లాలో, కూటమి ప్రభుత్వ వైఫల్యాలను, డీఎస్సీలో జరిగిన అవకతవకలను ప్రశ్నిస్తున్న శాసనమండలి సభ్యులు, నెల్లూరు సిటీ ఇన్‌చార్జ్ పర్వత రెడ్డి చంద్రశేఖర్ రెడ్డి గారికి చెందిన కృష్ణ చైతన్య విద్యా సంస్థలను తనిఖీల పేరిట ఇబ్బందులకు గురిచేయడం దారుణమైన ప్రభుత్వ తీరు అని మాజీ మంత్రి, ఉమ్మడి నెల్లూరు జిల్లా వైఎస్ఆర్ కాంగ్రెస్ పార్టీ జిల్లా అధ్యక్షులు డా. కాకాణి గోవర్ధన్ రెడ్డి గారు తీవ్రంగా ఖండించారు. వైఎస్ఆర్ కాంగ్రెస్ పార్టీ రాష్ట్ర మహిళా వర్కింగ్ ప్రెసిడెంట్ కాకాణి పూజిత గార్లతో పాటు 18 మంది శాసనమండలి సభ్యులు, జిల్లా పరిషత్ చైర్పర్సన్ ఆనం అరుణమ్మ గారు, నియోజకవర్గ ఇన్చార్జులు, నాయకులు, కార్యకర్తలు ఈ ఆరోపణలకు సంఘీభావంగా విఆర్ సి కూడలి వద్ద డాక్టర్ బి.ఆర్ అంబేద్కర్ గారి విగ్రహానికి పూలమాలవేసి, నివాళులర్పించి నిరసన తెలియజేశారు. ఈ నిరసనను అడ్డుకునేందుకు ప్రయత్నించిన పోలీసులపై కాకాణి, పర్వత రెడ్డి గారు ఆగ్రహం వ్యక్తం చేశారు. మీడియాతో మాట్లాడిన కాకాణి గోవర్ధన్ రెడ్డి గారు, కృష్ణ చైతన్య విద్యాసంస్థలపై జరుగుతున్న దాడులను ఖండించారు. కూటమి ప్రభుత్వం అధికారంలోకి వచ్చినప్పటి నుంచి ప్రతిపక్ష నేతలను, విద్యాసంస్థలను లక్ష్యంగా చేసుకుని దాడులకు తెగబడుతోందని, ప్రశ్నించిన వారిపై దాడులు, బెదిరింపులు చేయడం పరిపాటిగా మారిందని ఆయన ఆరోపించారు. చంద్రబాబు, లోకేష్‌లు 'ఇంతకన్నా దిగజారలేరు అనుకున్న ప్రతిసారీ మరింత దిగజారి ప్రవర్తించడం' అలవాటుగా మారిందని విమర్శించారు. నెల్లూరు జిల్లాలో ఎంతో ప్రతిష్టాత్మకమైన కృష్ణ చైతన్య విద్యాసంస్థలపై చంద్రబాబు ప్రభుత్వం కక్షసాధింపు చర్యలకు పాల్పడడం దుర్మార్గమన్నారు. గతంలో చంద్రశేఖర్ రెడ్డి గారు ఎంతోమంది అనాథ పిల్లలకు, ఫీజులు కట్టలేని పేద విద్యార్థులకు ఉచితంగా విద్యను అందించి అండగా నిలిచారని, ప్రతిభావంతులైన ఉపాధ్యాయులతో జిల్లా ప్రజల నమ్మకాన్ని చూరగొన్నారని కాకాణి గుర్తుచేశారు. జగన్మోహన్ రెడ్డి గారి నాయకత్వంలో ప్రజల పక్షాన తన గళాన్ని వినిపిస్తున్న చంద్రశేఖర్ రెడ్డిని ధైర్యంగా ఎదుర్కొనలేకనే కూటమి ప్రభుత్వం ఇలా ఇబ్బందులకు గురిచేయాలని చూస్తోందని ఆయన పేర్కొన్నారు. ఈ దాడులు కేవలం ఒక సంస్థపై జరిగిన దాడి కాదని, ప్రశ్నించే గొంతులపై, ప్రజాస్వామ్య వ్యవస్థలపై, వైఎస్సార్ కాంగ్రెస్ పార్టీపై జరిగిన దాడిగా భావిస్తున్నామని కాకాణి స్పష్టం చేశారు. పోలీసులు అడ్డుకున్నా, కేసులు బనాయించినా, రకరకాలుగా ఇబ్బందులకు గురిచేసినా భయపడే ప్రసక్తే లేదని, వైఎస్ జగన్ మోహన్ రెడ్డి గారి 'గుండె ధైర్యం' తమకు వారసత్వంగా ఉందని, ఆ ధైర్యంతోనే ప్రజల కోసం పోరాడుతామని ప్రకటించారు. గత వైయస్సార్ కాంగ్రెస్ పార్టీ ప్రభుత్వంలో ఎన్నడైనా ఇలాంటి దాడులు జరిగాయా అని ప్రశ్నించిన కాకాణి, చంద్రబాబు ప్రభుత్వం ఇదే ధోరణిని, కక్షసాధింపు చర్యలను ఇలాగే కొనసాగిస్తే రాబోయే 2029 ఎన్నికల్లో కూటమి ప్రభుత్వం ప్రజలను ఓట్లు అడిగే పరిస్థితి కూడా ఉండదని, ప్రజలు కచ్చితంగా వారికి బుద్ధి చెబుతారని హెచ్చరించారు. ఇకనైనా కూటమి నాయకులు ఇలాంటి దాడులకు, బెదిరింపులకు పాల్పడడం మానుకోవాలని ఆయన హితవు పలికారు. అదేవిధంగా, కాకాణి పూజిత గారు మాట్లాడుతూ, చంద్రబాబు ప్రభుత్వాన్ని ప్రశ్నించే వారిపై కక్షసాధింపు చర్యలు సిగ్గుచేటన్నారు. కూటమి ప్రభుత్వం, చంద్రబాబు నాయుడు వైఎస్ఆర్ సీపీ నాయకులపై అవలంబిస్తున్న విధానాలు సరైనవి కావని, చంద్రశేఖర్ అన్నకు సంబంధించిన విద్యాసంస్థలపై జరుగుతున్న దాడులను తీవ్రంగా ఖండించారు. డీఎస్సీలో జరిగిన అవకతవకలపై ప్రజలకు జరిగిన అన్యాయాన్ని చంద్రశేఖర్ రెడ్డి గారు ప్రశ్నించినందుకే కృష్ణ చైతన్య విద్యాసంస్థలపై కక్షసాధింపు చర్యలకు పాల్పడుతున్నారని ఆమె ఆరోపించారు. 'మేము తప్పు చేస్తాము, దాన్ని ఎవరైనా ప్రశ్నిస్తే వారిని ఇబ్బందులకు గురిచేస్తాము, భయపెడతాము, వారి గొంతు నొక్కే ప్రయత్నం చేస్తాము' అనే ఆలోచనా ధోరణితో కూటమి ప్రభుత్వం వ్యవహరిస్తోందని విమర్శించారు. చంద్రబాబు, లోకేష్‌ల బెదిరింపులకు ఎవరూ వెనక్కి తగ్గబోరని, ప్రజలు అన్నీ గమనిస్తున్నారని, రాబోవు ఎన్నికల్లో వారికి బుద్ధి చెబుతారని ఆమె ధీమా వ్యక్తం చేశారు. ఇది కేవలం చంద్రశేఖర్ రెడ్డి గారి విద్యాసంస్థల సమస్య కాదని, వేలాది మంది విద్యార్థుల భవిష్యత్తుకు సంబంధించిన విషయమని, రాజకీయ కక్షలతో విద్యార్థుల జీవితాలతో ఆడుకోవడం దుర్మార్గమని పూజిత అన్నారు. కాలేజీలను సంస్కరించాలి అనుకుంటే, దీనికంటే ముందు రాష్ట్రంలో ఎన్ని కాలేజీలను తనిఖీ చేశారో చెప్పాలని ఆమె కూటమి ప్రభుత్వాన్ని ప్రశ్నించారు. ఈ కష్టసమయంలో చంద్రశేఖర్ రెడ్డి గారికి, విద్యార్థుల తల్లిదండ్రులకు వైఎస్ఆర్ కాంగ్రెస్ పార్టీ అండగా నిలబడుతుందని పూజిత హామీ ఇచ్చారు. కూటమి ప్రభుత్వ అరాచకాలపై వైఎస్సార్‌సీపీ పోరాటం కొనసాగుతుందని, ఈ నిరసన కార్యక్రమానికి రాష్ట్రంలోని నియోజకవర్గాల ఇన్‌చార్జ్‌ల నుండి మొదలుకొని, వైఎస్సార్ కాంగ్రెస్ పార్టీ శ్రేణులు, నాయకులు, ప్రైవేట్ విద్యాసంస్థల ప్రతినిధులు, విద్యార్థులు, విద్యార్థి సంఘాల నేతలు అందరూ ఏకతాటిపైకి వచ్చి చంద్రశేఖర్ రెడ్డి గారికి అండగా నిలబడటం అభినందనీయమన్నారు. ఈ నిరసనను విజయవంతం చేసిన ప్రతి ఒక్కరికీ, ముఖ్యంగా సుదూర ప్రాంతాల నుండి వచ్చిన శాసనమండలి సభ్యులకు కాకాణి గోవర్ధన్ రెడ్డి గారు హృదయపూర్వక ధన్యవాదాలు తెలియజేశారు.